စိတ်ဖောက်ပြန်၍ ကိုယ့်လက်ကို ဓါးဖြင့်ခုတ်

မိုးညှင်းမြို့နယ် အင်ကြင်းကုန်းအုပ်စု ကျွန်းကုန်းကျေးရွာတွင် ဇန်န၀ါရီ ၂၄ ရက်နေ့ ညနေ ၃ နာရီခန့် တွင် စိတ်ဖောက်ပြန်၍ ကိုယ့်လက်ကို ဓါးဖြင့်ခုတ်ရာ ဘယ်ဘက်လက် တစ်တောင်ဆစ် ပြတ်သွားကြောင်း သိရသည်။
'' သူကစိတ်မမှန်တဲ့သူပါ။ ဓါးယူပြီး သူ့ဟာသူ သုံးပိုင်းခုတ်လိုက်တာ ဘယ်ဘက်လက် ပြတ်သွားပါတယ်။ ကျမတို့ မေတ္တာလေညှင်းကားနဲ့ မိုးညှင်းဆေးရုံကို ပို့ပေးလိုက်တယ်။
ဒီနေ့သွားတွေ့တော့ မိုးညှင်းဆေးရုံကလည်း မြစ်ကြီးနားဆေးရုံကို လွဲတယ်။ မြစ်ကြီးနား စိတ်တဇ္ဇဆေးရုံကို သွားခိုင်းတာ သူတို့ကလည်း မနက်ဖြန်မှ သွားဖြစ်မယ်လို့ပြောပါတယ်။
အခုလိုစိတ်ဖောက်ပြန်နေတာက သုံးနှစ်နီးပါးရှိပါပြီ'' ဟု မေတ္တာလေညှင်းလူငယ်လူမှုအထောက်အကူပြုအဖွဲ့ (နန်းမား)မှ မခင်မာလင်းက ရှမ်းနီအသံသို့ပြောသည်။

အဆိုပါဖြစ်ပွားရာတွင် မောင်ရင်ထွေး အသက်(၁၅)နှစ် သည် အလယ်တောကျေးရွာဇာတိဖြစ်ပြီး ကျွန်းကုန်းကျေးရွာနေ အဒေါ်ဖြစ်သူနေအိမ်တွင်နေထိုင်ရာမှ ၎င်းနေအိမ်အတွင်း၌ဖြစ်ပွား ခဲ့ကြောင်း သိရသည်။

လွန်ခဲ့သည့် ဒီဇင်ဘာ ၁၂ ရက်နေ့တွင် မောင်ရင်ထွေးအား မြစ်ကြီးနားစိတ်တဇ္ဇဆေးရုံသို့ မေတ္တာလေညှင်းလူငယ်လူမှုအထောက်အကူပြုအဖွဲ့ (နန်းမား) မှ ပို့ဆောင်ပေးခဲ့ကြောင်း သိရသည်။

Photo - ခင်မာလင်း
The Voice of Shan-Ni