 |
| ရှေ့တန်းတိုက်စစ်မှူး Cristiano Ronaldo |
၂၀၁၆ ခုနှစ်အတွက် ဥရောပချန်ပီယံဖလားနဲ့ Champions League ဖလားတွေရရှိအောင် ကစားပေးနိုင်ခဲ့တဲ့ Ronaldo က Barcelona အသင်းက အာဂျင်တီးနားကစားသမား Lionel Messi ထက် မဲအသာရပြီး ၂၀၁၆ ခုနှစ်အတွက် ရွှေဘောလုံးဆုကို ရရှိခဲ့တာပါ။ ဒါကြောင့် လက်ရှိရွှေဘောလုံးဆုကို ၅ ကြိမ်ရရှိထားတဲ့ Messi ကိုအမှီလိုက်ဖို့ Ronaldo နောက်တကြိမ် ထပ်ရဖို့ပဲလိုပါတော့တယ်။ ခုလိုရွှေဘောလုံးဆုကို ၄ ကြိမ်ရမယ်လို့ မျှော်လင့်မထားဘူးလို့ Ronaldo ကပြောကြားခဲ့ပါတယ်။
ပြီးခဲ့တဲ့ဘောလုံးရာသီမှာ Real Madrid အသင်း Champions League ဖလားရအောင် ဂိုးတွေသွင်းပေးနိုင်ခဲ့တဲ့ပြင် ပေါ်တူဂီအသင်း ၂၀၁၆ ဥရောပချန်ပီယံဖလားရအောင် Cristiano Ronaldo က အနိုင်ဂိုးတွေ သွင်းပေးခဲ့တာဖြစ်ပါတယ်။ ဥရောပမှာ အခြေစိုက်ကစားကြတဲ့ ဘောလုံးသမားတွေထဲက အကောင်းဆုံးကစားသမားကို ကမ္ဘာတဝန်းမှာရှိတဲ့ သတင်းထောက် ၁၇၃ ယောက်က ရွေးချယ်ပြီး Ballon d'Or ရွှေဘောလုံးဆုကို ပေးတာဖြစ်ပါတယ်။
France Football ဘောလုံးမဂ္ဂဇင်းကြီးက နှစ်စဉ်ချီးမြှင့်တဲ့ဆုကြီးကို Cristiano Ronaldo က ၂၀၀၈, ၂၀၁၃, ၂၀၁၄ နဲ့ အခု ၂၀၁၆ မှာ ၄ ကြိမ်မြောက်ရရှိတာဖြစ်ပါတယ်။
ဗွီအိုအေ (မြန်မာပိုင်း)
http://burmese.voanews.com
Ronaldo ရွှေဘောလုံးဆု စတုတ္ထအကြိမ် ဆွတ်ခူး
Reviewed by THITHTOOLWIN
on
08:08
Rating:
Reviewed by THITHTOOLWIN
on
08:08
Rating:
