နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ဖွံ့ဖြိုးမှုအကူအညီများ ညှိနှိုင်းရေးအဖွဲ့(DACU)နှင့် ပူးပေါင်းဆောင်ရွက်ရေး မိတ်ဖက်များအဖွဲ့(CPG) ပထမအကြိမ် အစည်းအဝေးသို့ တက်ရောက် မိန့်ခွန်းပြောကြား

နေပြည်တော် ဒီဇင်ဘာ ၁၂

ဖွံ့ဖြိုးမှုအကူအညီများညှိနှိုင်းရေးအဖွဲ့(DACU)နှင့် ပူးပေါင်းဆောင်ရွက်ရေးမိတ် ဖက်များအဖွဲ့(CPG) ပထမအကြိမ် အစည်းအဝေးကို ယနေ့နံနက် ၉နာရီခွဲတွင် နေပြည် တော်ရှိ စီမံကိန်းနှင့်ဘဏ္ဍာရေးဝန်ကြီးဌာန စုဝေးခန်းမ၌ ကျင်းပရာ ဖွံ့ဖြိုးမှုအကူအညီ များညှိနှိုင်းရေးအဖွဲ့ဥက္ကဋ္ဌ၊ နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် တက်ရောက် မိန့်ခွန်းပြောကြားသည်။

အစည်းအဝေးသို့ ဖွံ့ဖြိုးမှုအကူအညီများညှိနှိုင်းရေးအဖွဲ့ ဒုတိယဥက္ကဋ္ဌ၊ စီမံကိန်း နှင့်ဘဏ္ဍာရေးဝန်ကြီးဌာန ပြည်ထောင်စုဝန်ကြီး ဦးကျော်ဝင်း၊ ပြည်ထောင်စုဝန်ကြီး ဦးကျော်တင့်ဆွေ၊ ဦးသန့်စင်မောင်၊ ဦးဖေဇင်ထွန်း၊ ဒေါက်တာမျိုးသိမ်းကြီး၊ ဦးဝင်းခိုင်၊ ညှိနှိုင်းရေးအဖွဲ့ဝင်များဖြစ်ကြသည့် ဌာနဆိုင်ရာအကြီးအကဲများ၊ ပူးပေါင်းဆောင်ရွက် ရေးမိတ်ဖက်များအဖွဲ့(CPG)မှ ကိုယ်စားလှယ်များ၊ ဖိတ်ကြားထားသူများနှင့် တာဝန်ရှိ သူများတက်ရောက်ကြသည်။

အစည်းအဝေးတွင် ဖွံ့ဖြိုးမှုအကူအညီများညှိနှိုင်းရေးအဖွဲ့ဥက္ကဋ္ဌ၊ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က အဖွင့်မိန့်ခွန်းပြောကြားရာတွင် ဖွံ့ဖြိုးမှုမိတ်ဖက်နိုင်ငံများက မြန်မာနိုင်ငံ၏ ဖွံ့ဖြိုးမှုဦးစားပေးလုပ်ငန်းများနှင့် မူဝါဒများ နှင့်အညီ ပွင့်လင်းမြင်သာစွာဖြင့် ၄င်းတို့၏အကူအညီပေးရေးကို ပူးပေါင်းဆောင်ရွက် မည်ဖြစ်ကြောင်း၊ မိမိတို့ အစိုးရနှင့် ဖွံ့ဖြိုးမှုမိတ်ဖက်နိုင်ငံများက ဖွံ့ဖြိုးမှုအကျိုးရလဒ်များ ရရှိရေးအတွက် မြန်မာပြည်သူများနှင့် အခွန်ဆောင်အလှူရှင်များအတွက် တာဝန်ခံရ မည်ဖြစ်ကြောင်း။

ယနေ့အချိန်တွင် အခြားဖွံ့ဖြိုးဆဲနိုင်ငံအများအပြား၌ ဖွံ့ဖြိုးမှုအကူအညီများကို ယုံကြည်မှု ကင်းမဲ့သော သံသယဖြင့် ရှုမြင်ကြကြောင်း၊ သို့သော်လည်း တိုးတက်လာ သော ညှိနှိုင်းဆောင်ရွက်မှုနှင့် ဖွံ့ဖြိုးမှုမိတ်ဖက်နိုင်ငံများနှင့် DACU ၏ နီးကပ်သော လက်တွဲဆောင်ရွက်မှုမှတစ်ဆင့် မြန်မာနိုင်ငံ၌ အလားတူအခြေအနေတစ်ရပ် ဖြစ်ပေါ်မှု ကို ရှောင်ရှားနိုင်မည်ဟု မိမိယုံကြည်ကြောင်း။

ဖွံ့ဖြိုးမှုအကူအညီများအတွက် ဉီးစားပေးလုပ်ငန်းများသတ်မှတ်ရာ၌ အမျိုးသား ဖွံ့ဖြိုးမှု ဦးစား ပေးလုပ်ငန်းများကို ပထမအဆင့်အဖြစ် သတ်မှတ်ရန်လိုအပ်ကြောင်း၊ လာမည့်လများအတွင်း အစိုးရ၏ စီးပွားရေးမူဝါဒ ၁၂ ချက်အပေါ်အခြေခံ၍ ဝန်ကြီး ဌာနများအတွင်း ညှိနှိုင်းဆောင်ရွက်မှု လုပ်ငန်းစဉ်တစ်ရပ်မှတစ်ဆင့် အမျိုးသားဖွံ့ဖြိုး တိုးတက်ရေးအတွက် ဦးစားပေးစီမံကိန်းများနှင့် အစီအစဉ်များ သတ်မှတ်မည်ဖြစ် ကြောင်း။

မိမိတို့အစိုးရအနေဖြင့် ဖွံ့ဖြိုးမှုအကူအညီ အမှန်တကယ်လိုအပ်သော စီမံကိန်း အချို့ကို သတ်မှတ်ပြီးဖြစ်ကာ ယင်းစီမံကိန်းများတွင် အခြေခံအဆောက်အအုံ၊ အလုပ် အကိုင်ဖန်တီးရေး၊ လယ်ယာစိုက်ပျိုးရေးနှင့် ကျေးလက်ဒေသဖွံ့ဖြိုးရေးတို့ ပါဝင် ကြောင်း။

လာမည့်လများအတွင်း ဖွံ့ဖြိုးမှုအကူအညီဆိုင်ရာ အမျိုးသားအဆင့်မူဝါဒ တစ်ရပ်ကို DACU က ရေးဆွဲမည်ဖြစ်ပြီး မိမိတို့နိုင်ငံက မည်သည့်အကူအညီ အမျိုးအစား လက်ခံရရှိလိုသည်ကို စီစဉ် တင်ပြမည်ဖြစ်ကြောင်း၊ အဆိုပါမူဝါဒရေးဆွဲရာ တွင် DACU အနေဖြင့် သက်ဆိုင်ရာဝန်ကြီးဌာနများ၊ ဖွံ့ဖြိုးမှုမိတ်ဖက်နိုင်ငံများနှင့် အနီးကပ်တိုင်ပင်ဆွေးနွေးမည်ဖြစ်ကြောင်း၊ မူဝါဒကို နိုင်ငံတကာမှ အကောင်းဆုံး စံနှုန်းဖြင့် ရေးဆွဲမည်ဖြစ်သော်လည်း မြန်မာနိုင်ငံ၏အခြေအနေကို ထည့်သွင်းစဉ်းစား၍ အခြေခံမည်ဖြစ်ကြောင်း။

ဖွံ့ဖြိုးမှုအကူအညီမူဝါဒဖြေရှင်းမည့် အရေးကြီးကိစ္စရပ်များအနက်တစ်ခုမှာ အတိုင်ပင်ခံများ၏ အခန်းကဏ္ဍဖြစ်ကြောင်း၊ အစိုးရတာဝန်ရှိသူအများစုမှာ ပြည်ပမှ အတိုင်ပင်ခံများနှင့် တွေ့ဆုံဆွေးနွေး ရာတွင် ၄င်းတို့၏အမြင်ကို ဖော်ထုတ်ပြနိုင်စွမ်း မရှိကြောင်း၊ အတိုင်ပင်ခံများမှာ လက်တွေ့ကျပြီး အချိုးကျသောသူများဖြစ်စေရန် ၄င်းတို့နှင့်ဆက်စပ်သော ကုန်ကျစရိတ်များကိုလည်း ဂရုတစိုက်ဖြင့် စိစစ်ရမည် ဖြစ်ကြောင်း။

သက်ဆိုင်ရာဝန်ကြီးဌာနများက တာဝန်ခံရမည်ဖြစ်ကြောင်း၊ ဝန်ကြီးဌာနများက အတိုင်ပင်ခံ များကို လိုအပ်ချိန်မှသာ ငှားရမ်းပြီး ကုန်ကျစရိတ်နှင့်လျော်ညီအောင် အကျိုးရှိရှိအသုံးချမည်ဟု မိမိတို့ မျှော်လင့်ပါကြောင်း၊ ဤနယ်ပယ်အတွင်း သက်ဆိုင်ရာဝန်ကြီးဌာနများကို DACU က ပံ့ပိုးကူညီမည်ဖြစ်ကြောင်း၊ မိမိတို့ရည်မှန်း ချက်မှာ သက်ဆိုင်ရာဝန်ကြီးဌာနများအားလုံးအတွက် အလေအလွင့်များ လျော့ချရန် ဖြစ်ကြောင်း၊ အတိုင်ပင်ခံအချို့က အခကြေးငွေမယူဘဲ လိုအပ်သောအကူအညီများ ပေးခဲ့သည်ကို သိရှိထားသင့်ကြောင်း။

DACU ၏ အခန်းကဏ္ဍမှာ အစိုးရပေါင်းစုံအဆင့် ညှိုနှိုင်းဆောင်ရွက်မှုကို ကြီးကြပ်ကွပ်ကဲ ရန်ဖြစ်ကြောင်း၊ ကဏ္ဍအလိုက်ဆောင်ရွက်မှုတွင် ညှိုနှိုင်းဆောင်ရွက် မှုမှာ အခြေခံကျကြောင်း၊ နောင် လာမည့်သီတင်းပတ်တွင် ဖွံ့ဖြိုးမှုအကူအညီပေးရေး ဦးစားပေးသတ်မှတ်ချက်များကို ပိုမိုသက်ရောက် မှုရှိစေမည့် ကဏ္ဍအလိုက်အသင်း အဖွဲ့ ဆောင်ရွက်မှုများပြဌာန်းမှုကို စိစစ်တည်းဖြတ်ပြီးတင်ပြမည် ဖြစ်ကြောင်း၊ SWGs ကိုမည်ကဲ့သို့ဆောင်ရွက်သင့်သည်ကို DACU ကလမ်းညွှန်မှုပေးရမည်ဖြစ် ကြောင်း၊ SWG ဥက္ကဌများအနေဖြင့် ၎င်းတို့၏အကျိုးသက်ရောက်မှုများကို တာဝန်ခံဆောင်ရွက်ရ မည်ဖြစ်ကြောင်း။
ဖွံ့ဖြိုးမှု မိတ်ဖက်နိုင်ငံများအနေဖြင့် ခွင့်ပြုထားသောနယ်မြေများတွင် ခွင့်ပြုချက် တောင်းခံရန် မလိုဘဲသွားရောက်လည်ပတ်နိုင်မည်ဖြစ်ကြောင်း၊ ခွင့်ပြုထားသော အကူအညီများအပေါ် အခွန်စည်းကျပ်သည့် မလျော်ကန်သည့်အပြုအမူများဖြစ်သည့် အခွန်ကိစ္စရပ်များနှင့် ပတ်သက်၍လည်း သဘောတူညီမှု ရှိခဲ့ကြောင်း။

တိုင်းပြည်ဖွံ့ဖြိုးတိုးတက်ရေးအတွက် ပုဂ္ဂလိကကဏ္ဍမှာ အရေးပါသော အခန်းကဏ္ဍမှပါဝင်မည်ဖြစ်ကြောင်း၊ မိမိတို့၏ ကြီးမားသောအခြေခံအဆောက်အအုံ လိုအပ်ချက်များကို ထောက်ပံ့ကြေး များ၊ ချေးငွေများဖြင့် ဖြေရှင်းပေးနိုင်မည်မဟုတ် ကြောင်း၊ သို့မဟုတ် စဉ်ဆက်မပြတ်သော ရေရှည်အ လုပ်အကိုင်ဖန်တီးမှုကို မြှင့်တင်နိုင်မည်မဟုတ်ကြောင်း၊ အစိုးရ၊ ပုဂ္ဂလိကကဏ္ဍနှင့် ဖွံ့ဖြိုးမှုမိတ်ဖက်နိုင် ငံများအကြား ညှိနှိုင်းဆောင်ရွက်မှုမှာ မိမိတို့လိုအပ်နေသော ရင်းနှီးမြှပ်နှံမှုရရှိရေး အတွက် အဓိကကျကြောင်း၊ အရပ်ဘက်အဖွဲ့အစည်းများ၊ အစိုးရမဟုတ်သော အဖွဲ့အစည်းများနှင့် အရေးပါသော ပြည်တွင်းနှင့် နိုင်ငံတကာအလှူရှင်နိုင်ငံများနှင့် မိမိတို့အစိုးရ၏ ထိတွေ့ဆက်စပ်မှုကို ထပ်မံခိုင်မာ အားကောင်းအောင်လုပ်ဆောင်ရန် DACU အနေဖြင့် ရည်ရွယ်ကြောင်း၊ DACU အနေဖြင့် ဆန်းသစ်သော၊ ဖန်တီးနိုင်မှုများ ကိုရှာဖွေပြီး အကျိုးသက်ရောက်မှုရှိစေမည့် အတွေးအခေါ်များကိုကြို ဆိုလက်ခံ ကြောင်း၊ DACU ၏တစ်ခုတည်းသောရည်ရွယ်ချက်မှာ စေတနာကြီးစွာဖြင့် အဖွဲ့ဝင်နိုင်ငံအချင်းချင်း ကူညီထောက်ပံ့ရန်ဖြစ်ကြောင်း ပြောကြားခဲ့သည်။

ယင်းနောက် မြန်မာနိုင်ငံတော်ဗဟိုဘဏ် ဒုတိယဥက္ကဋ္ဌ ဦးဆက်အောင်က ဖွံ့ဖြိုး မှုအကူအညီပေးရေးဆိုင်ရာ မူဝါဒနှင့် ဦးစားပေးလုပ်ငန်းစဉ်များကိုလည်းကောင်း၊ စီမံ ကိန်းနှင့် ဘဏ္ဍာရေးဝန်ကြီးဌာန အမြဲတမ်းအတွင်းဝန် ဦးထွန်းထွန်းနိုင်က စီမံချက်များ အကောင်အထည်ဖော်ရာတွင် တွေ့ကြုံရသည့် အခက်အခဲများနှင့် စိန်ခေါ်မှုများကို လည်းကောင်း၊ မြန်မာ့ဖွံ့ဖြိုးမှုအဖွဲ့အစည်း(MDI) အမှုဆောင်ဒါရိုက်တာ ဦးမင်းရဲပိုင် ဟိန်းက အထွေထွေကိစ္စရပ်များကိုလည်းကောင်း ဆွေးနွေးတင်ပြကြပြီး ပူးပေါင်းဆောင် ရွက်ရေးမိတ်ဖက်များအဖွဲ့ ကိုယ်စားလှယ် Mr. Nck Cumpston က နှုတ်ခွန်းဆက် စကားပြောကြားသည်။

ထို့နောက် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် နိုင်ငံ တော်အတိုင်ပင်ခံရုံးဝန်ကြီးဌာန ပြည်ထောင်စုဝန်ကြီး ဦးကျော်တင့်ဆွေတို့က ငြိမ်းချမ်း ရေးလုပ်ငန်းစဉ်ဆိုင်ရာ ရန်ပုံငွေဆိုင်ရာ ပူးတွဲညှိနှိုင်းရေးအဖွဲ့၏ လုပ်ငန်းစဉ်များကို ရှင်းလင်းပြောကြားခဲ့သည်။

အဆိုပါ ဖွံ့ဖြိုးမှုအကူအညီများ ညှိနှိုင်းရေးအဖွဲ့ကို နိုင်ငံတကာကပေးအပ်သော ဖွံ့ဖြိုးမှုအကူအညီများကို အသုံးပြုရာတွင် ပြည်သူများထိရောက်စွာ အကျိုးရှိစေရေး အတွက် မြန်မာနိုင်ငံနှင့် မိတ်ဖက်အဖွဲ့အစည်းများ အချင်းချင်းညှိနှိုင်းခြင်း၊ ဖွံ့ဖြိုးမှု အကူအညီရယူခြင်းနှင့် အသုံးပြုခြင်းတို့ဆောင်ရွက်ရာတွင် ပွင့်လင်းမြင်သာမှုရှိခြင်း၊ ထိရောက်စွာအသုံးပြုခြင်းနှင့် တာဝန်ခံခြင်းတို့ဖြင့် ဆောင်ရွက်နိုင်ရန်အတွက် အောက်တိုဘာ ၆ ရက်က ဖွဲ့စည်းခဲ့ခြင်းဖြစ်ကြောင်း သိရသည်။

Myanmar State Counsellor Office
https://www.facebook.com/state.counsellor/