မိုင်းလားဂိတ်များ ပိတ်ထား၍ မဲခေါင်မြစ်ကြောင်း ကုန်သွယ်မှု ပိုများလာ

ရှမ်းပြည်နယ်အရှေ့ပိုင်းနှင့် တရုတ်နိုင်ငံကြား အဓိက ကုန်းလမ်းကုန်သွယ်မှု လမ်းကြောင်းဖြစ်သည့် အထူးဒေသ(၄) မိုင်းလားက ကုန်သွယ်မှုလမ်းကြောင်းများပိတ်ဆို့ထားသဖြင့် ရှမ်းအရှေ့မှ ကုန်စည်များကို မဲခေါင်မြစ်ကြောင်း အသုံးပြု၍ တင်ပို့မှုများလာကြောင်း နယ်စပ်ကုန်သွယ်ရေးတာဝန်ရှိသူတစ်ဦးထံမှ သိရသည်။

"ဂိတ်တွေအားလုံး အချိန်တန်လို့ ပြန်မဖွင့်သေးရင် မဲခေါင်မြစ်ကြောင်းက တင်ပို့မှုတွေ ပိုပြီးဖြစ်လာဖို့ များတယ်။ အခု လောလောဆယ် ရာဘာတန်ချိန်(၅၀)ကို တရုတ်ဆိပ်ကမ်း တိုက်ရိုက်တင်ပို့ဖို့ ထွက်သွားပြီ။ ဒီပုံစံအတိုင်းဆို တရုတ်သွားမယ့် တခြားကုန်စည်တွေလည်း ပို့ဖြစ်ဖို့များတယ်"ဟု ကုန်သွယ်မှု တိုးတက်ရေးအတွက် နယ်စပ်ဝင်ထွက်လမ်းကြောင်းများ ကြီးကြပ်ရေး ရှမ်းပြည်နယ်အစိုးရ အထူးကိုယ်စားလှယ် ဦးမင်းအောင်က ပြောသည်။

ရှမ်းပြည်နယ်အရှေ့ပိုင်း၏ တစ်ခုတည်းသော တရုတ်နိုင်ငံ ကုန်းလမ်းထွက်ပေါက်ဖြစ်သည့် အထူးဒေသ(၁) မိုင်းလားနှင့် ကုန်သွယ်မှုလမ်းကြောင်းများမှာ အောက်တိုဘာလ (၂၃)ရက်နေ့မှစတင်၍ မိုင်းလားဘက်မှ စတင်ပိတ်လိုက်သည့် အချိန်ကစ၍ ယခုအချိန်ထိ ပြန်လည်ဖွင့်လှစ်ခြင်းမရှိသေးခြင်းဖြစ်သည်။

"ပိတ်ဆို့မှုတွေကတော့ အခုချိန်ထိ ခေတ္တခဏလို့တော့ ပြောတာပဲ။ ဒါပေမဲ့ ကုန်သည်တွေအနေနဲ့ကတော့ အချိန်အတိုင်းအတာ တစ်ခုထိ ဖွင့်လှစ်မှုမရှိရင် ကုန်သွယ်မှုဆိုတာ ရပ်နေလို့မှ မရတာ။ ဒါကြောင့် လမ်းကြောင်းသစ်ကိုတော့ ရှာမှာ။ မဲခေါင်မြစ်ကြောင်း အသုံးပြုမှုကတော့ ပိုဖြစ်လာနိုင်ပါတယ်"ဟု တာချီလိတ် နယ်စပ်ကုန်သည်ကြီးများ အသင်း ဒုတိယဥက္ကဌ ဦးစိုင်းစိုင်းက ပြောသည်။

ရှမ်းပြည်နယ်အရှေ့ပိုင်း ၀မ်ပုံဆိပ်ကမ်းမှတဆင့် မဲခေါင်မြစ်ကြောင်းတလျှောက် တရုတ်နိုင်ငံနှင့် ကုန်သွယ်မှုပြုနိုင်သော်လည်း ယခင်က သတ္တုရိုင်းတင်ပို့မှုအတွက်သာ အသုံးများခဲ့ခြင်းဖြစ်ကြောင်း သိရသည်။

" ဒီဂိတ်တွေကို ပိတ်ထားတဲ့ အချိန်ကြာရင် ကုန်သည်တွေကတော့ ဒီလမ်းပဲအသုံးပြုလာမှာပါ။ ဒေသထွက်ပစ္စည်းဆိုရင် တစ်ရှူးငှက်ပျောတို့၊ ရာဘာတို့ရှိတယ်။ နောက်တစ်ခုက အခုက စပါးပေါ်တဲ့အချိန် သိပ်မကြာခင် မြစ်ကြောင်းက ဆန်တွေလည်း တင်ပို့လာနိုင်တယ်"ဟု ကုန်သည်တစ်ဦးက ပြောသည်။

ရှမ်းပြည်နယ်အရှေ့ပိုင်းနှင့် တရုတ်နိုင်ငံကုန်သွယ်ရေးတွင် မိုင်းလားလမ်းကြောင်းကို အသုံးပြုသည့် ကျိုင်းတုံနယ်စပ်ကုန်သွယ်ရေးစခန်းအား၂၀၁၄ ခုနှစ်တွင်ဖွင့်လှစ်ခဲ့ပြီး နှစ်စဉ် အမေရိကန်ဒေါ်လာ (၁၀)သန်းကျော် ကုန်သွယ်မှုပြုနေကြောင်း စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၏ စာရင်းများအရ သိရသည်။

သတင်း - ကိုဇက်
Tachileik News Agency
http://www.tachileik.net