အခကြေးငွေဖြင့် ယူ၍ပွဲကြည့်စင်များဆောက်လုပ်မှု ဖျက်သိမ်း

တောင်ကြီး၊ နိုဝင်ဘာ ၂

ရှမ်းပြည်နယ်(တောင်ပိုင်း)တောင်ကြီးမြို့၌ ၂၀၁၆ခုနှစ် တန်ဆောင်တိုင် ပွဲကျင်းပသော အဝေရာမီးပုံးပျံကွင်းအရှေ့ဘက်ရှိ မြေကွက်လပ်တွင် တည်ဆောက်နေသော ပွဲကြည့်စင်များကို နိုဝင်ဘာ(၁)ရက်နေ့က အများပြည်သူများ မီးပုံးပျံချစ်သူများက ဆန္ဒဖော်ထုတ်ခဲ့ပါသည်။

 ယနေ့နိုဝင် ဘာ(၂)ရက်နေ့တွင် ပြည်သူများ၏တောင်းဆိုချက်အရ ပြည်သူဆန္ဒကိုကြည့်၍ မွန်းလွဲ(၁)နာရိခွဲက ပွဲကြည့်စင်အရှေ့မျက်နှာစာပေ (၂၀၀)မှ အနောက်ပေ(၁၅၀)ထိ(၆)ခန်းတွဲ(၅၄)ခန်းကို ဖျက်သိမ်းပြီး (၂)ခန်းတွဲ ကို ပြည်သူများ အခမဲ့ကြည့်ရှုနိုင်ရန်နှင့် (၂)ခန်းတွဲ(၄)ဆောင် ကိုလည်း ဟိုတယ်လုပ်ငန်းရှင်များ ဧည့်သည်များ အခမဲ့ကြည့်ရှုနိုင်ရန် ချန်ထားပြီး ဖျက်သိမ်းပြီးမြေနေရာများကို သန့်ရှင်းရေးလုပ်၍မြေညှိကာ သဲ ခင်းပေးမည်ဖြစ်ကြောင်း ဆောက်လုပ်ရေးတာဝန်ခံမောင်လတ်ထံမှသိရသည်။

တောင်ကြီးခရိုင်ပြန်/ဆက်
MOI Webportal Myanmar
https://www.facebook.com/MOIWebportalMyanmar