အင်းစိန်မြို့နယ်ရှိ အထည်ချုပ်စက်ရုံတွင် လျှပ်စစ်မီးကြိုးအပူလွန်ကဲရာမှ မီးလောင်မှုဖြစ်

ရန်ကုန်၊ နိုဝင်ဘာ ၇

၆.၁၁.၂၀၁၆ ရက်နေ့ ၂၀၂၀ အချိန်ခန့်တွင် အင်းစိန်မြို့နယ်၊ ရွှေပြည်သာ စက်မှုဇုန်(၃)၊ ဦးထွန်းညိုလမ်းရှိ အာရှသမာဓိအထည်ချုပ်စက်ရုံတွင် မီးလောင်မှုဖြစ်ပွားခဲ့ရာ မီးသတ်ယာဉ်များရောက်ရှိ ငြှိမ်းသတ်ခဲ့သဖြင့်
၂၁၀၂ အချိန်တွင် မီးငြိမ်းသွားခဲ့ကြောင်းသိရပါသည်။

ဖြစ်စဉ်မှာ အဆိုပါစက်ရုံရှိ ပင်မဂိုထောင်ဘေးတွင် အဖီချထားသော အဆောက်အဦသို့သွယ်တန်းထားသည့် လျှပ်စစ်မီးကြိုးမှာ အပူလွန်ကဲပြီး မီးစတင်လောင်ကျွမ်းခြင်းဖြစ်ကာ အဆောက်အဦနှင့် အထည်ဖြတ်စများသို့ မီးကူးစက်လောင်ကျွမ်းခဲ့ခြင်းဖြစ်ကြောင်း သိရှိရပါသည်။

ယင်းသို့မီးလောင်မှုဖြစ်ပွားခဲ့သည့်အတွက် စက်ရုံမန်နေဂျာ ကိုစိုင်းထွန်းလင်းအား အင်းစိန်မြို့မရဲစခန်း (ပ)၂၃၉၃/၂၀၁၆၊ ရာဇသတ်ကြီးပုဒ်မ ၂၈၅ ဖြင့် အရေးယူဆောင်ရွက်လျက်ရှိကြောင်း သတင်းရရှိပါသည်။

Yangon Police
https://www.facebook.com/yangonpolice/