ပျဉ်းမနား ရွှေချီရပ်ကွက် ငလိုက်ချောင်း (၆)လမ်းတံတားတွင် အမျိုးသမီးအလောင်းတွေ့ရှိ

စက်တင်ဘာ ၂၉ ရက် ၁၂း၀၀ နာရီအချိန် နေပြည်တော်ပျဉ်းမနား ငလိုက်ချောင်း(၆)လမ်းတံတားအနီး အလောင်းတလောင်းတွေ့ရှိကြောင်း သတင်းအရ ပျဉ်းမနားမြို့မရဲစခန်းမှူး ဒုရဲမှူးတင်ဌေး၊ ဒုရဲအုပ်မျီုးဦးတို့မှ သက်သေများဖြစ်ကြသည့် ရွှေချီရပ်ကွက် အုပ်ချုပ်ရေးမှူး ဦးအောင်မြိုင်၊ ဦးပြည့်ဖြိုးချမ်းသာတို့သည် အချင်းဖြစ်ရပ် ရွှေချီရပ်ကွက်(၆)လမ်းတံတား ငလိုက်ချောင်းသို့ သွားရောက်ကြည့်ရှုရာ ပြင်ပဒဏ်ရာမတွေ့ရဘဲ ရေထဲတွင် ပုပ်ပွသေဆုံးနေသော အမျိုးသမီးလူသေအလောင်းတလောင်းအား မှောက်လျက်အနေအထားဖြင့် သေဆုံးနေသည်ကို တွေ့ရှိရကြောင်း ပျဉ်းမနားမြို့မရဲစခန်းမှ သိရသည်။

သေဆုံးသူနှင့်ပတ်သက်၍ သတင်းစုံစမ်းရာတွင် ၂၅-၉-၂၀၁၆ ရက် ၁၆း၂၀ နာရီအချိန် နေပြည်တော် ဥတ္တရသီရိမြို့နယ်၊ သရက်တောကျေးရွာအုပ်စု၊ ပိုးစာတောကျေးရွာနေ မယမင်း (၂၆)နှစ် (ဘ) ဦးသိန်းထွန်း တောင်ယာလုပ်သည့်အဖော်များနှင့်အတူ နေအိမ်သို့အပြန် တံခွန်တိုင်ချောင်းအား ဖြတ်ကူးစဉ် ရေစီးနှင့်ရေထဲ မျောပါသွားပြီး ပျောက်ဆုံးနေသူဖြစ်ကြောင်းသိရှိရသဖြင့် အလောင်းအား ရဲဆေးစာဖြင့် နေပြည်တော် ခုတင် ၁၀၀၀ ဆေးရုံသို့ ပို့အပ်ခဲ့ရာ ဆေးရုံမှ PR( )ဖြင့် လက်ခံထားပြီး မယမင်း(ခ) မယမင်းထွန်း သေဆုံးမှုမှာ ဓမ္မတာ အတိုင်းဟုတ်မဟုတ်နှင့် သေဆုံးသည့်အကြောင်းအရင်းကို ပျဉ်းနားမြို့မရဲစခန်းမှ သေမှုသေခင်းအမှတ်စဉ် ၁၈/၂၀၁၆ ဖြင့် အမှုဖွင့်ထားပြီး ပျဉ်းမနားမြို့မစခန်းမှူး ဒုရဲမှူးတင်ဌေးမှ စစ်ဆေးလျက်ရှိကြောင်း သိရပါသည်။

ထွန်း(နေပြည်တော်)
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal