ကျောက်ဖြူမှာ ည ၈ နာရီဆိုင်တွေပိတ်ဖို့ စည်းကမ်းထုတ်

ရခိုင်ပြည်နယ် ကျောက်ဖြူမြို့အဝင် ဆိုင်းပုဒ်ကို တွေ့ရစဉ်

ရခိုင်ပြည်နယ် ကျောက်ဖြူမြို့မှာ မှုခင်းကျဆင်းရေးအတွက် အရက်ဆိုင်တွေအပြင် ကွမ်းယာဆိုင်တွေကိုပါ ည ၈ နာရီမှာ ပိတ်ခိုင်းထားတယ်လို့ မြို့နယ်အုပ်ချုပ်ရေးမှူးက ပြောပါတယ်။

ညပိုင်းတွေမှာ လူငယ်တွေအချင်းချင်း အုပ်စုဖွဲ့ရန်ဖြစ်တာ၊ မူးယစ်ရမ်းကားတာတွေရှိနေတဲ့အတွက် အခုလို စည်းကမ်းထုတ်လိုက်တာဖြစ်တယ်လို့ ကျောက်ဖြူမြို့နယ် အုပ်ချုပ်ရေးမှူး ဦးညီညီလင်း က ပြောပါတယ်။

အဲ့ဒီစည်းကမ်းချက်ကို အုပ်ချုပ်ရေး အာဏာပိုင်တွေက ရပ်မိရပ်ဖတွေ၊ စားသောက်ဆိုင်တွေ၊ ကွမ်းယာဆိုင်တွေနဲ့ ညှိနှိုင်းပြီး ဇွန်လ ၂၁ ရက်နေ့က စတင်ထုတ်ပြန်ခဲ့တာပါ။

ဘယ်နေ့မှာ အဲ့ဒီစည်းကမ်းကို ပြန်ရုပ်သိမ်းမယ်ဆိုတဲ့ အချိန်သတ်မှတ်ချက်တော့ ထုတ်ပြန်ထားတာ မရှိသေး ပါဘူး။ ကျောက်ဖြူမြို့မှာ လူငယ်တွေဟာ ညအချိန်ဆိုရင် ကွမ်းယာဆိုင်တွေမှာ စုဝေးတတ်ကြပြီး မကြာခဏ ရန်ဖြစ်ကြသလို၊ မူးယစ်ဆေးဝါးသုံးစွဲနေသူ များလာတယ်လို့ ပြောပါတယ်။

RFA Burmese
http://www.rfa.org/burmese