ဖခင်ပြောဆိုဆုံးမသည်ကို စိတ်ဆိုး၍ သမီးဖြစ်သူမှ ပိုးသတ်ဆေးသောက်သေဆုံး

ချောက်မြို့နယ်၊ မကျီးစောက်(ရှေ့)ကျေးရွာတွင် အမျိုးသမီးတစ်ဦး ပိုးသတ်ဆေးသောက်သေဆုံးခဲ့မှု ဇူလိုင် ၁၄ နံနက်ပိုင်းကဖြစ်ပွားခဲ့ သည်။

 ဖြစ်စဉ်မှာ ဇူလိုင် ၁၃ ရက်ည ၁၁ နာရီခွဲအချိန်က မကျီးစောက်(အရှေ့) ကျေးရွာ၌ လူတစ်ဦးပိုးသတ်ဆေးရည်သောက် သုံးမှုဖြစ်ပွားကြောင်းသတင်းအရ စလေနယ်မြေရဲစခန်းမှ ရဲအုပ်မြင့်သန်း သွားရောက်စစ်ဆေးခဲ့ခြင်းဖြစ်သည်။

 အဆိုပါကျေးရွာနေ မ၀င်းနွဲ့ ၊အသက် ၃၀ နှစ်သည် နေအိမ်၌ ရွက်လှပင်များ စိုက်ပျိုးရာတွင် ပလပ်စတစ်ပုံးအသစ်ကိုအသုံးပြုခဲ့သည့်အတွက် ဖခင်ဖြစ်သူမှငေါက်ငမ်းပြောဆိုရာ နေအိမ်တောင်ဖက် အဖီအောက်တွင်ထားရှိသော မြန်မာ့သြဘာကုမ္ပဏီထုတ် ဒါနာပိုးသတ်ဆေးရည်အား သောက်သုံးသဖြင့် ချောက်မြို့နယ် ပြည်သူ့ဆေးရုံသို့ပို့ဆောင်ကုသနေစဉ် ဇူလိုင် ၁၄ ရက်နံနက်နှစ် နာရီ ၁၀ မိနစ်အချိန်တွင် သေဆုံးသွားခဲ့ခြင်ြး ဖစ်ကြောင်းအမှုစစ်၏ စစ်ဆေးချက်အရသိရသည်။

ယင်းအမျိုးသမီးသေဆုံးမှုနှင့်ပက်သက်၍ ချောက်မြို့နယ်၊ စလေနယ်မြေရဲစခန်းမှ သေမှုသေခင်းအမှတ်စဉ် ၅/၂၀၁၆ ဖြင့်အမှုဖွင့်ထားသည်။

ရတနာပုံ သတင်းစာ
https://www.facebook.com/yadanabonnewspaper