ဝါးဖောင် စစ်ဆေး စဉ် ဖောင်သမား(၁၅)ဦးက ၀ိုင်းဝန်းရိုက်နှက်၍ သစ်တောဝန်ထမ်းတစ်ဦး ရေထဲတွင်ပျောက်ဆုံး၊ (၂) ဦး ဒဏ်ရာရ

သစ်ခိုးထုတ် အကြမ်းဖက်သမားများကြောင့် ပျောက်ဆုံးနေသော ရွှေဘိုသစ်တောဌာနမှ တောအုပ် ဦးမျိုးမင်းကြိုင်၏ဇနီးအား အားပေးနှစ်သိမ့်စကားများဆိုရင်း တိုင်းဒေသကြီးဝန်ကြီးချုပ် ဒေါက်တာမြင့်နိုင်မှ ကရုဏာကြေးပေးအပ်ခဲ့ပါသည်။ ဓါတ်ပုံ - Sagaing Regional lnformation Page

ကျောက်မြောင်းမြို့နယ်၊ ဧရာဝတီမြစ်အတွင်း ယခုလ(၂၀) ရက်နေ့က သစ်တောဝန်ထမ်း(၃) ဦးသည်  ၀ါးဖောင်တစ်ခုအား မသင်္ကာသဖြင့် ဆိပ်ကမ်း ကပ်ခိုင်းပြီး စစ်ဆေးစဉ် ၀ါးဖောင်သမား(၁၅) ဦး က ၀ိုင်းဝန်းရိုက်နှက်ခဲ့မှုကြောင့် သစ်တောဝန်ထမ်းတစ်ဦး ရေထဲပြုတ်ကျ ပျောက်ဆုံးနေပြီး (၂) ဦးမှာ ဒဏ်ရာများရရှိခဲ့ကြောင်း တိုင်းဒေသကြီး နယ်စပ်ရေးရာနှင့် လုံခြုံရေးဝန်ကြီး ဌာနထံက သိရသည်။

ဥပဒေမဲ့ အကြမ်းဖက်ဖြစ်စဉ်တွင် သစ်တောဝန်ထမ်းတစ်ဦးမှာ ရိုက်နှက်ခံရ၍ ရေထဲကျပျောက်ဆုံးနေပြီး ကျန်သစ်တောဝန်ထမ်း(၂)ဦးမှာ ပျင်းထန်စွာရိုက်နှက်ခံရပြီး ရွှေဘိုဆေးရုံကြီးတွင် တက်ရောက်ကုသနေကြောင်းသိရပါသည်။ ယနေ့(၂၁.၆.၂၀၁၆)ရက်နေ့တွင် တိုင်းဒေသကြီးဝန်ကြီးချုပ် ဒေါက်တာမြင့်နိုင်ဦးဆောင်၍ တိုင်းဥပဒေချုပ်၊ တိုင်းရဲမင်းကြီး၊ တိုင်းသစ်တောညွှန်မှူးတို့ပါဝင်သောအဖွဲ့မှ သွားရောက်ပြီး ဆေးကုသမှုအခြေအနေ၊ ဒဏ်ရာသက်သာမှု၊ ထောက်ပံ့ကြေးများပေးအပ်ကာ ဝန်ထမ်းများအား ချီးကျူးဂုဏ်ပြုပါကြောင်း ပြစ်မှုကျူးလွန်သူများအား အမြန်ဆုံးဖော်ထုတ် အရေးယူသွားမည်ဟု ပြောကြားခဲ့ကြောင်း သတင်းရရှိပါသည်။ ဓါတ်ပုံ - Sagaing Regional lnformation Page

ကျောက်မြောင်းမြို့နယ် သစ်တောဦးစီးဌာနမှ တောအုပ်ဇော်မိုး၊တောအုပ် မျိူးမြင့်ကြိုင် ၊တောခေါင်း မျိုးထွန်း တို့(၃) ဦး သည် သက်သေများနှင့်အတူ သစ်တောဌာနပိုင်ရေယာဉ်ဖြင့် မခေါက်ကျေးရွာ၊ ရန်မျိုးအောင် ဘုန်းကြီးကျောင်းရှေ့၊ ဧရာဝတီမြစ်အတွင်း မသင်္ကာဖွယ် ၀ါးဖောင်တစ်ခုအားတွေ့ရှိသည့်အတွက် စစ်ဆေးရန် မြစ်ကမ်းနားသို့ကပ်ခိုင်းစဉ် ယခုကဲ့သို့ ၀ိုင်းရိုက်ခဲ့လိုက်ရခြင်းဖြစ်ကြောင်း သိရသည်။

“သစ်တောဝန်ထမ်း တစ်ယောက်ကတော့ ဒဏ်ရာတွေနဲ့ ရေထဲပြုတ်ကျသွားတဲ့အတွက် ကယ်ဆယ်ရေးတွေက ရှာဖွေနေပါတယ်။ အခုထိတော့ မတွေ့ရသေးပါဘူး။ နှစ်ယောက်ကတော့ ရွေဘိုဆေးရုံမှာပါ။ တရားခံဖမ်းဆီးနိုင်ရေးအတွက် မန္တလေးတိုင်းရဲတပ်ဖွဲ့နဲ့ပူးပေါင်းပြီး ဖမ်းဆီးနိုင်ရေး ကြိုးစားနေပါတယ်။ ၀န်ကြီးချုပ်ကိုယ်တိုင် သွားပြီး စစ်ဆေးနေတာပါ” ဟု တိုင်းဒေသကြီး နယ်စပ်ရေးရာနှင့်လုံခြုံရေးဝန်ကြီး ဌာနမှ တာဝန်ရှိသူတစ်ဦးက The Messenger Media သို့ပြောသည်။

ဥပဒေမဲ့ အကြမ်းဖက်ဖြစ်စဉ်တွင် သစ်တောဝန်ထမ်းတစ်ဦးမှာ ရိုက်နှက်ခံရ၍ ရေထဲကျပျောက်ဆုံးနေပြီး ကျန်သစ်တောဝန်ထမ်း(၂)ဦးမှာ ပျင်းထန်စွာရိုက်နှက်ခံရပြီး ရွှေဘိုဆေးရုံကြီးတွင် တက်ရောက်ကုသနေကြောင်းသိရပါသည်။ ယနေ့(၂၁.၆.၂၀၁၆)ရက်နေ့တွင် တိုင်းဒေသကြီးဝန်ကြီးချုပ် ဒေါက်တာမြင့်နိုင်ဦးဆောင်၍ တိုင်းဥပဒေချုပ်၊ တိုင်းရဲမင်းကြီး၊ တိုင်းသစ်တောညွှန်မှူးတို့ပါဝင်သောအဖွဲ့မှ သွားရောက်ပြီး ဆေးကုသမှုအခြေအနေ၊ ဒဏ်ရာသက်သာမှု၊ ထောက်ပံ့ကြေးများပေးအပ်ကာ ဝန်ထမ်းများအား ချီးကျူးဂုဏ်ပြုပါကြောင်း ပြစ်မှုကျူးလွန်သူများအား အမြန်ဆုံးဖော်ထုတ် အရေးယူသွားမည်ဟု ပြောကြားခဲ့ကြောင်း သတင်းရရှိပါသည်။ ဓါတ်ပုံ - Sagaing Regional lnformation Page

ယင်းသို့ ၀ါးဖောင်အားစစ်ဆေးနေစဉ် ၀ါးဖောင် ပေါ်တွင်ပါလာသည့် မင်းသန့်နှင့် အဖော်ဖြစ်သူ (၁၅)ဦး တို့ကတုတ်များဖြင့်ဝိုင်းဝန်းရိုက်နှက်ခဲ့ပြီး ဧရာဝတီမြစ်အတွင်းသို့ခုန်ဆင်းကာ မန္တလေးတိုင်းဒေသကြီး၊ စဥ့်ကူးမြို့နယ် ဘက်သို့ထွက်ပြေးသွားခဲ့ကြောင်း သိရသည်။

ဝါးဖောင်သမားများ၏ ၀ိုင်းဝန်းရိုက်နှက်မှုကြောင့် တောအုပ် မိုးဇော် တွင် ရှေ့သွား(၃) ချောင်း ကျွတ်ထွက်၊နှုတ်ခမ်းပေါက်ပြဲဒဏ်ရာ၊ ခါးနာကျင်ဒဏ်ရာ များရရှိခဲ့ပြီး တောခေါင်း မျိုးထွန်း တွင် ဦးခေါင်းပေါက်ပြဲဒဏ်ရာ ၊မေးစေ့ပေါက်ပြဲဒဏ်ရာများရရှိခဲ့သဖြင့် ကျောက်မြောင်းဆေးရုံမှ ရွေဘိုမြို့ဆေးရုံသို့လွှဲပြောင်းကုသမှုခံယူနေရသည်။

တောအုပ်ဖြစ်သူ မျိုမြင့်ကြိုင် မှာ ရိုက်နှက်ခံရမှုကြောင့် ဒဏ်ရာများရရှိခဲ့ပြီး ဧရာဝတီမြစ်အတွင်း ပြုတ်ကျပျောက်ဆုံးနေသည့်အတွက် သက်ဆိုင်ရာက လိုက်လံရှာဖွေမှုများပြုလုပ်နေကြောင်း သိရသည်။

ယင်းသို့ သစ်တောဝန်ထမ်းများ တာဝန်ဝတ္တရား ဆောင်ရွက်နေစဉ် ရန်ပြုထိုးကြိတ်ခဲ့သည့် မင်းသန့်ပါ (၁၅) ဦးအား ကျောက်မြောင်းနယ်မြေရဲစခန်းတွင် (ပ) ၅၄/၂၀၁၆ ပြစ်မှု ပုဒ်မ ၃၃၂/၃၃၃/၃၂၅ အရ အမှုဖွင့်အရေးယူထားပြီး ဖမ်းဆီးရမိရေးဆောင်ရွက်နေကြောင်း စစ်ကိုင်းတိုင်းဒေသကြီး နယ်စပ်ရေးရာနှင့်လုံခြုံရေးဝန်ကြီး ဌာနထံက သိရသည်။

မန္တလေးအလင်း နေ့စဉ်ထုတ်သတင်းစာ
https://www.facebook.com/mandalayahlindailynewspaper