လက်နှိပ်အကြောပြင် ကျွမ်းကျင်လက်မှတ်မရှိပဲ အနှိပ်ခန်းဖွင့်ရင် အရေးယူမယ်လို့ မုံရွာမြို့နယ် အုပ်ချုပ်ရေးမှူး အမိန့်ထုတ်

ယခုဖော်ပြထားသည့် ဓါတ်ပုံ မှာ နမူနာဓါတ်ပုံသာ ဖြစ်ပါတယ်။

ကျန်းမာရေးဦးစီးဌာနနဲ့ တိုင်းရင်းသားဆေးပညာ ဦးစီးဌာနတွေက အသိအမှတ်ပြုထားတဲ့ လက်နှိပ်အကြောပြင်ကျွမ်းကျင် လက်မှတ်မရှိပဲ အနှိပ်ခန်းဖွင့်ရင် အရေးယူသွားမှာ ဖြစ်တယ်လို့ မုံရွာမြို့နယ်အုပ်ချုပ်ရေးမှူးက ဇွန်လ(၂၀)ရက် အမိန့်ထုတ်ပြန်ခဲ့တယ်လို့ သိရပါတယ်။

 ပြည်ထဲရေးဝန်ကြီး ဌာနက ၁၉၈၉ခုနှစ် ဇွန်လ(၆)ရက် ရက်စွဲပါ အမိန့်ကြော်ငြာစာအရ အပ်နှင်းထားတဲ့လုပ်ပိုင်ခွင့်တွေကိုကျင့်သုံးပြီး စစ်ကိုင်းတိုင်းဒေသကြီးအစိုးရ အဖွဲ့က (၂၀၁၆)ခုနှစ် ဇွန်လ(၁၇)ရက် ပေးပို့တဲ့အကြောင်းကြားစာရ အခုလို ဒေသန္တရအမိန့်ထုတ်ပြန်တာ ဖြစ်တယ်လို့ သိရပါတယ်။

မုံရွာမြို့မှာ ဖွင့်လှစ်ထားတဲ့အချို့ KTV စားသောက်ဆိုင်နဲ့ အနှိပ်ခန်းတွေဟာ သတ်မှတ်ထားတဲ့ ယစ်မျိုးလိုင်စင် ၊ စည်ပင်သာယာရေးကော်မတီက ပေးတဲ့ စားသောက်ဆိုင်လုပ်ငန်း ခွင့်ပြုချက်နဲ့ ဗွီဒီယိုလုပ်ငန်း ၊ စိစစ်ကြီးကြပ်ရေးကော်မတီရဲ့ခွင့်ပြုချက်တွေမရှိဘဲ ဖွင့်လှစ်ထားတာတွေ့ရှိရပါ တယ်လို့ဆိုပါတယ်။

ဒါ့အပြင်ပြည့်တန်ဆာလုပ်ငန်းတွေအတွက် တိုက်ရိုက် (ဒါမှမဟုတ်) သွယ်ဝိုက်ပြီး ၊ ကာမရာဂအတွက် မြူဆွယ်အသုံးပြုဖို့ အမျိုးသမီးတွေထားပြီး လုပ်ငန်းတွေဆောင်ရွက်နေတာ ကိုလည်း တွေ့ရှိရတယ်လို့သိရပါတယ်။

 ထုတ်ပြန်တဲ့အမိန့်ကို မလိုက်နာခဲ့ရင် ပျက်ကွက်သူကို ဥပဒေအရ အရေးယူသွားမှာဖြစ်ပြီး အဆောက်အဦးကိုလည်း (၆)လထပ်မနည်းချိတ်ပိတ်မှာဖြစ်ကာ ဆက်စပ်တဲ့ သက်သေခံပစ္စည်းတွေ ကို ပြည်သူ့ဘဏ္ဍာအဖြစ် သိမ်းဆည်သွားမယ်လို့လည်းဆိုပါတယ်။

ဒါ့အပြင်အရင်က KTV နဲ့ အနှိပ်ခန်းတွေ ကန့်သတ်တဲ့ အမိန့်ရှိရင်လည်း အခုထုတ်ပြန်တဲ့ အမိန့်နဲ့ လွှမ်းမိုးပယ်ဖျယ်လိုက်တယ်လို့လည်းသိရပါတယ်။

5 Plus News
https://www.facebook.com/5plusnews