ဂန္တဝင် လက်ဝှေ့ အကျော်အမော် မိုဟာမက်အလီ အသက် ၇၄ နှစ်အရွယ်တွင် ကွယ်လွန်

ဟဲဗီးဝိတ် လက်ဝှေ့ ချန်ပီယံ မိုဟာမက်အလီအား ကြိုးဝိုင်းထဲတွင် တွေ့ ရစဉ် (ဓာတ်ပုံ-အင်တာနက်)

    လော့စ်အိန်ဂျလစ် ၊ ဇွန် ၄ ရက် (ဆင်ဟွာ)

    အသက် ၇၄ နှစ်အရွယ်ရှိ ကမ္ဘာ့ ဟဲဗီးဝိတ်ချန်ပီယံ သုံးကြိမ် ဆုရှင် မိုဟာမက်အလီသည် အမေရိကန်ပြည်ထောင်စု အရီဇိုးနားပြည်နယ် ဖီးနစ်ဆေးရုံ၌ ယနေ့တွင် ကွယ်လွန်သွားပြီ ဖြစ်ကြောင်း သိရသည်။

“အာရုံကြော ဝေဒနာကို ၃၂ နှစ်တိတိ ခံစားခဲ့ရပြီး နောက်မှာတော့ အသက် ၇၄ နှစ်အရွယ် မိုဟာမက်အလီဟာ ဆုံးပါးသွားရှာပါပြီ” ဟု မိသားစုပြောခွင့်ရပုဂ္ဂိုလ် Bob Gunnell က ကြေညာချက် ထုတ်ပြန်ခဲ့သည်။

အသက်ရှုလမ်းကြောင်း ဝေဒနာခံစားရသဖြင့် အလီအား  ဇွန်လ ၂ ရက်က ဆေးရုံတင်ခဲ့ကြသည်။ မိုဟာမက်အလီသည်လက်ဝှေ့ သမိုင်းတစ်လျှောက် အအောင်မြင်ဆုံး လက်ဝှေ့သမားတစ်ဦး ဖြစ်ခဲ့သည်။
၎င်းသည် ၁၉၈၁ ခုနှစ်တွင် လက်ဝှေ့ထိုးခြင်းမှ အနားယူခဲ့ပြီးနောက် အာရုံကြောဝေဒနာ နှင့် လှုပ်ရှားမှု နှေးကွေးလာသည့် လက္ခဏာများ ခံစားခဲ့ရသည်။ ယင်းကာလ နောက်ပိုင်းတွင် မိုဟာမက်အလီသည် အာရုံကြောရောဂါ (Parkinson) ဝေဒနာကို နှစ်ပေါင်းများစွာ ခံစားခဲ့ရသည်။

ကပ်စီယက်စ်ကလေးဟု လူသိများသည့် အလီသည် အစ္စလာမ်ဘာသာဝင် တစ်ဦးဖြစ်ပြီး အသက် ၁၂ နှစ်အရွယ်မှ စတင်ကာ လက်ဝှေ့လောကသို့ ဝင်ရောက်ခဲ့သူ တစ်ဦးဖြစ်သည်။ ၁၉၆၄ ခုနှစ် အသက် ၂၂ နှစ်အရွယ်တွင် ကမ္ဘာ့ ဟဲဗီးဝိတ် ချန်ပီယံ ဖြစ်လာသည်။ ထို့ပြင် ဟဲဗီိးဝိတ် ချန်ပီယံ ခါးပတ်ကို ၁၉၇၄ ခုနှစ် နှင့် ၁၉၇၈ ခုနှစ်များတွင်လည်း ဗိုလ်စွဲခဲ့သူ ဖြစ်ကြောင်း သိရသည်။

 (Xinhua)
http://www.xinhuamyanmar.com