ပြည်ထောင်စုအစိုးရအဖွဲ့ရဲ့ ညွှန်ကြားချက်နဲ့ ကချင်ပြည်နယ်အတွင်း လိုင်စင်မဲ့ မော်တော်ဆိုင်ကယ်နဲ့ သုံးဘီးဆိုင်ကယ်တွေကို ကော်မတီဖွဲ့ပြီး စစ်ဆေးဖို့ ပြည်နယ်အစိုးရအဖွဲ့က ပြင်ဆင်နေပါတယ်။
ပြည်သူတွေမနစ်နာအောင်နဲ့ အစိုးရလည်းအခွန်ငွေရပြီး ယာဉ်စည်းကမ်းထိန်းသိမ်းရေးကို ကြပ်မတ် နိုင်ဖို့အတွက် အရင်ဆုံး အသိပညာပေးအစီအစဉ်တွေ ပေးသွားမယ်လို့ ကချင်ပြည်နယ် အစိုးရအဖွဲ့ လီဆူတိုင်းရင်းသားရေးရာဝန်ကြီး ဦးအားတီယောဟန်က ပြောပါတယ်။
မြစ်ကြီးနားမြို့ပေါ်က မော်တော်ဆိုင်ကယ်အရောင်းဆိုင်တွေကို ဥပဒေနဲ့အညီ စစ်ဆေးပြီးမှ လိုင်စင်မဲ့ မော်တော်ဆိုင်ကယ်နဲ့ သုံးဘီးဆိုင်ကယ်တွေကို စိစစ်သွားမှာဖြစ်ပါတယ်။
ပြည်ထောင်စုအစိုးရအဖွဲ့ရဲ့ ညွှန်ကြားချက်ဟာ တစ်နိုင်ငံလုံးအတိုင်းအတာဆောင်ရွက်ရမှာဖြစ်ပြီး ပြည်နယ်နဲ့ တိုင်းဒေသကြီးအလိုက် မကြာခင် အကောင်အထည်ဆောင်ရွက်ကြမှာဖြစ်ပါတယ်။
တရုတ်-မြန်မာ နယ်စပ်ဂိတ်တွေကနေ ကချင်ပြည်နယ်ဘက်ဝင်ရောက်လာတဲ့ မော်တော်ဆိုင်ကယ်နဲ့ သုံးဘီးတွေကို အခွန်ကောက် လိုင်စင်ပြုလုပ်စေပြီး အားလုံးတစ်ပြေးညီ စိစစ်မယ်ဆိုရင် အစိုးရ နဲ့ ပူးပေါင်း ဆောင်ရွက်သွားမှာဖြစ်တယ်လို့ မြစ်ကြီးနားမြို့က ဆိုင်ကယ်ဝယ်ရောင်လုပ်ကိုင်သူတစ်ဦးက ပြောပါတယ်။
မြစ်ကြီးနား၊ ဗန်းမော်၊ မိုးညှင်း၊ မိုးကောင်း၊ ဟိုပင်၊ ဖားကန့် စတဲ့ မြို့ရွာတွေမှာ တရုတ်နိုင်ငံက ဝင်ရောက်လာတဲ့ လိုင်စင်မဲ့ မော်တော်ဆိုင်ကယ်တွေကို အများဆုံးအသုံးပြုနေတာဖြစ်ပါတယ်။
ပြီးခဲ့တဲ့ ဧပြီလကုန်အထိ ကချင်ပြည်နယ် ကုန်းလမ်းပို့ဆောင်ရေး ညွှန်ကြားမှုဦးစီးဋ္ဌာနရဲ့ စာရင်းတွေအရ ပြည်နယ်အတွင်းမှာ လိုင်စင်ပြုလုပ်ထားတဲ့ မော်တော်ယာဉ်ပေါင်းစုံ အစီးရေ တစ်သိန်းကျော်ရှိပါတယ်။
RFA Burmese
https://www.facebook.com/rfaburmese
လိုင်စင်မဲ့ မော်တော်ဆိုင်ကယ်နဲ့ သုံးဘီးဆိုင်ကယ်တွေကို ကော်မတီဖွဲ့ပြီး စစ်ဆေး
Reviewed by THITHTOOLWIN
on
19:30
Rating:
Reviewed by THITHTOOLWIN
on
19:30
Rating:
