ရခိုင်ပြည်နယ် တည်ငြိမ်ရေးနဲ့ ဖွံ့ဖြိုးရေး ကော်မတီဖွဲ့

 ပြည်နယ် တည်ငြိမ်ရေးနဲ့ ဖွံ့ဖြိုးရေးကို ဒေါ်အောင်ဆန်းစုကြည် ဉီးစားပေး ဆောင်ရွက်မယ်။

ရခိုင်ပြည်နယ် တည်ငြိမ် အေးချမ်းမှုနှင့် ဖွံ့ဖြိုးမှု တိုးတက်ရေး အကောင်အထည်ဖေါ်ရေး ဗဟိုကော်မတီနဲ့ လုပ်ငန်းကော်မတီ ၄ခုကို မေလ ၃၀ရက်က နေ့စွဲနဲ့ သမ္မတ ဦးထင်ကျော်က ထုတ်ပြန်လိုက်ပါတယ်။

ဗဟိုကော်မတီမှာ နိုင်ငံတော် အတိုင်ပင်ခံ ဒေါ်အောင်ဆန်းစုကြည်က ဥက္ကဌ အဖြစ် ဆောင်ရွက်မှာ ဖြစ်ပါတယ်။

ပြည်ထောင်စု နယ်လုံဝန်ကြီး ဒုတိယ ဗိုလ်ချုပ်ကြီး ရဲအောင်နဲ့ ရခိုင်ပြည်နယ် ဝန်ကြီး ဦးညီပုတို့က ဒုတိယဥက္ကဌတွေ အဖြစ် ဆောင်ရွက်မှာ ဖြစ်ပြီး ဝန်ကြီးဌာန ၂၀ က ဝန်ကြီးတွေက အဖွဲ့ဝင်တွေ အဖြစ် ဆောင်ရွက်ကြမှာပါ။

လုပ်ငန်းကော်မတီ ၄ ခုကတော့ လုံခြုံရေးနဲ့ ဥပဒေစိုးမိုးရေး၊ လူဝင်မှု ကြီးကြပ်ရေးနဲ့ နိုင်ငံသားစီစစ်ရေး၊ ပြန်လည်နေရာချထားရေးနဲ့ စီးပွားရေး တိုးတက်ရေး၊ ကုလသမဂ္ဂ အပါအဝင် နိုင်ငံတကာ ပူးပေါင်း ဆက်ဆံရေး စတဲ့ ကော်မတီတွေ ဖြစ်ပါတယ်။

အခု ဒီကော်မတီတွေ ဖွဲ့စည်းရတာက ဒီပြည်နယ်ဟာ တခြားပြည်နယ်တွေနဲ့ မတူသလို၊ ရခိုင်ပြည်နယ် တည်ငြိမ်ရေးနဲ့ ဖွံ့ဖြိုးရေးအပေါ် ဒေါ်အောင်ဆန်းစုကြည်အနေနဲ့လည်း ဦးစားပေး ဆောင်ရွက်မယ့် ကိစ္စဖြစ်နေကြောင်း နိုင်ငံတော် သမ္မတရုံး ဒုတိယ ညွှန်ကြားရေးမှူးချုပ် ဦးဇော်ဌေးက ပြောပါတယ်။

အခု ကော်မတီ ၅ ခုဖွဲ့ရတာကလည်း သက်ဆိုင်ရာ ကဏ္ဍအသီးသီးမှာ တပြိုင်နက် အကောင်အထည်ဖော် ဆောင်ရွက်ဖို့ ရည်ရွယ်တာ ဖြစ်ပါတယ်။

လုပ်ငန်းစဉ် ၁၁ ခု လုပ်ဆောင်ဖို့ရှိတယ်လို့ ပြည်ထောင်စု နယ်စပ်ရေးရာ ဝန်ကြီးဌာန ပြောခွင့်ရ ပုဂ္ဂိုလ် ဦးစိုင်းထွန်းညိုက ဘီဘီစီကိုပြောပါတယ်။

ကော်မတီတွေအနေနဲ့ ရခိုင်ပြည်နယ် တည်ငြိမ်အေးချမ်းရေး၊ တရားဥပဒေ စိုးမိုးရေးနဲ့ ပြည်နယ် ဖွံ့ဖြိုးတိုးတက်ရေး ကိစ္စတွေကို အမြန်ဆုံး အကောင်အထည် ဖော်သွားမှာ ဖြစ်သလို ဒေသခံတွေနဲ့ ပူးပေါင်း ဆောင်ရွက်သွားဖို့ ရှိတယ်လို့လည်း တာဝန်ရှိသူတွေက ပြောပါတယ်။

BBC Burmese
http://www.bbc.com/burmese