လက်ကိုင်ဖုန်း လုယူထွက်ပြေးသွားသူ ၂ ဦးအား နာရီပိုင်းအတွင်းဖမ်းဆီးရမိ
ရန်ကုန်၊ ဇွန် ၂၂
၂၁.၆.၂၀၁၆ ရက်နေ့ ၂၃၃၀ အချိန် ရန်ကင်းမြို့နယ်နေ ကိုနေလင်းဆန်းသည် ရန်ကင်းလမ်းနှင့် မဂ္ဂင်လမ်းထောင့်ရှိ အုတ်ခုံပေါ်တွင်ထိုင်လျက် ၎င်း၏ TITAN အမျိုးအစားလက်ကိုင်ဖုန်းဖြင့် ဂိမ်းကစားနေစဉ် ဆိုင်ကယ်(၁)စီးဖြင့် အမျိုးသား၂ ဦးရောက်ရှိလာပြီး ဆိုင်ကယ်၏နောက်တွင် ထိုင်စီးလာသူ အမျိုးသားမှ ၎င်း၏ ဖုန်းကို လုယူထွက်ပြေးသွားကြောင်း တိုင်တန်းလာသဖြင့် ရန်ကင်းမြို့မ ရဲစခန်း (ပ)၁၈၆/၂၀၁၆၊ ရာဇသတ်ကြီးပုတ်မ ၃၈၂ ဖြင့် အမှုဖွင့်ကာ ပြစ်မှုကျူးလွန်သူအား ဖမ်းဆီးရမိရေး စုံစမ်းဆောင်ရွက်ခဲ့ပါသည်။
ရန်ကင်းမြို့မရဲစခန်းမှတပ်ဖွဲ့ဝင်များသည် ပြစ်မှုကျူးလွန်သူအား ဖမ်းဆီးရမိရေး စုံစမ်းဆောင်ရွက်ခဲ့ရာ ယင်းနေ့ ၂၃၄၅ အချိန်တွင် ပြစ်မှုကျူးလွန်သူများဖြစ်သော တောင်ဥက္ကလာပမြို့နယ် နေသူများဖြစ်ကြသည့် ရဲရင့်(ခ)လှိုင်ရဲထွဋ်နှင့် ဖိုးသား(ခ)နိုင်လင်းဆန်းမြင့်တို့ ၂ ဦးအား ရန်ကင်းမြို့နယ်၊ ပါရမီလမ်းနှင့် မဉ္ဇူလမ်းထောင့်တွင် အမှုမှပါဆုံးလက်ကိုင်ဖုန်းနှင့်အတူ ဖမ်းဆီးရမိခဲ့ပြီး အရေးယူ ဆောင်ရွက်လျက်ရှိကြောင်း သတင်းရရှိပါသည်။
Yangon Police
https://www.facebook.com/yangonpolice
လက်ကိုင်ဖုန်း လုယူထွက်ပြေးသွားသူ ၂ ဦးအား ဖမ်းဆီးရမိ
Reviewed by THITHTOOLWIN
on
16:48
Rating:
Reviewed by THITHTOOLWIN
on
16:48
Rating:
