စကားများရာမှ တူမီးသေနတ်ဖြင့် ပစ်ခတ်၍ ယောက်ဖဖြစ်သူ သေဆုံး

တာချီလိတ်၊ ဇွန်လ(၃)

ရှမ်းပြည်နယ်အရှေ့ပိုင်း တာချီလိတ်မြို့နယ် မိုင်းကိုးကျေးရွာအုပ်စု ဝမ်ကောင်း(၁)ကျေးရွာတွင် ဓမ္မဆရာက တူမီးသေနတ်ဖြင့် ပစ်ခတ်သဖြင့် ဒဏ်ရာရရှိသွားသူအား ဆေးရုံသို့ ပို့ဆောင်စဉ် သေဆုံးသွားကြောင်း သိရသည်။

တာချီလိတ်မြို့နယ် မိုင်းကိုးကျေးရွာအုပ်စု ဝမ်ကောင်း(၁)ကျေးရွာတွင် အသက် (၄၅)နှစ်အရွယ် ဦးအားဂျာအား ယောက်ဖဖြစ်သူ ဓမ္မဆရာ ဦးအားဂေ့က ဇွန်လ (၂)ရက်နေ့ ညနေ (၅)နာရီခွဲခန့်တွင် တူမီးသေနတ်ဖြင့် ပစ်ခတ်သဖြင့် ဒဏ်ရာများ ရရှိသွားကြောင်း သတင်းရရှိသဖြင့် သက်ဆိုင်ရာမှ သွားရောက် စစ်ဆေးရာ ဦးအားဂျာမှာ ဝမ်ကောင်းရွာ လမ်းမပေါ်တွင် ဝဲလက်ပြင်နောက်ဖက်၊ ဝဲလက်နောက်ကျော အလယ်၊ ယာဘက်နောက်ကျော၊ ဝဲဘက်ညှပ်ရိုးအပေါ်၊ ဝဲရင်အုံအောက်ဖက်၊ ယာဘက်ရင်အုံဘေးတို့တွင် ဖေါက်ထွက်ဒဏ်ရာများဖြင့် တွေ့ရှိရပြီး ၎င်းအား တာချီလိတ်မြို့ ပြည်သူ့ဆေးရုံသို့ ပို့ဆောင်စဉ် လမ်းတွင် သေဆုံးသွားခြင်းဖြစ်ကြောင်း သိရသည်။

သေဆုံးသွားသူ ဦးအားဂျာအားသည် ၎င်း၏ ဇနီး ဆွေမျိုးများထံ ပြန်သွားသည်ကို လိုက်ခေါ်ရာမှာ စကားများပြီး ယခုလို ဖြစ်ပွားခဲ့ရခြင်းဖြစ်ကြောင်း နာရေးကူညီပေးနေသည့် တာချီလိတ်နာရေး ကူညီမှုအသင်းမှ သိရသည်။

အဆိုပါ ပစ်ခတ်မှုနှင့် ပတ်သက်၍ အသက်(၅၆)နှစ်အရွယ် ဦးအားဂေ့အား တာချီလိတ်မြို့မရဲစခန်းတွင် (ပ) ၁၁၄/၂၀၁၆၊ ပြစ်မှုပုဒ်မ(၃၀၂)ဖြင့် အမှုဖွင့်ထားပြီး ၎င်းအား ဖမ်းဆီးရမိရေးဆောင်ရွက်နေကြောင်း သိရသည်။

Tachileik News Agency
http://www.tachileik.net