အမေရိကန်ဦးဆောင်သော ညွန့်ပေါင်းတပ်ဖွဲ့အတွက် သူလျှိုလုပ်မှုဖြင့် လူငယ်လေးဦးကို ISIS အဖွဲ့ခေါင်းဖြတ်ကွပ်မျက်
စမတ်စကတ် ၊ ၃-၅-၂၀၁၆
ISIS စစ်သွေးကြွ အဖွဲ့သည် ဆီးရီးယားနိုင်ငံရှိ ၄င်းတို့ခံတပ် တစ်ခုဖြစ်သည့် ရတ်ကာမြို့ ၌ လူငယ်လေးဦးကို အမေရိကန် ဦးဆောင်သော ညွန့်ပေါင်း တပ်ဖွဲ့အတွက် သူလျှိုလုပ်မှုဖြင့် ခေါင်းဖြတ် ကွပ်မျက် ခဲ့ကြောင်း လန်ဒန် အခြေစိုက် လေ့လာ စောင့်ကြည့်ရေး အဖွဲ့က ပြောကြားသည်။
ISIS စစ်သွေးကြွ အဖွဲ့သည် အဆိုပါ လူငယ်လေးဦးကို အမေရိကန် ဦးဆောင်သော ညွန့်ပေါင်းတပ်ဖွဲ့ ထံသို့ သတင်း အချက်အလက်များ ပေးပို့မှုနှင့် ၄င်းတို့ တည်နေရာ များအား ဓာတ်ပုံ ရိုက်ကူးမှုအတွက် သတ်ဖြတ်ခဲ့ခြင်း ဖြစ်ကြောင်း ဆီးရီးယား လူ့အခွင့်အရေး ဆိုင်ရာ လေ့လာ စောင့်ကြည့်ရေး အဖွဲ့က မေ ၁ ရက်တွင် ပြောကြားသည်။
ISIS စစ်သွေးကြွ အဖွဲ့သည် ၄င်းတို့ ထိန်းချုပ်ထားသော နယ်မြေများကို ကာလီဖိတ် ဟု အမည်ပေးခဲ့သည့် ၂ဝ၁၄ ခုနှစ် ဇူလိုင်လမှ စ၍ အရပ်သား အများစု အပါအဝင် လူ ၄၁၄၄ ဦးကို ကွပ်မျက် ခဲ့ကြောင်း လေ့လာ စောင့်ကြည့်ရေး အဖွဲ့က ပြောကြားသည်။
အဆိုပါ ကွပ်မျက်ခံရမှုတွင် ဆီးရီးယား အစိုးရနှင့် အစိုးရကို ထောက်ခံသော တပ်ဖွဲ့များ ၊ ISIS စစ်သွေးကြွ အဖွဲ့ဝင်များ၊ ကာ့ဒ်တိုက်ခိုက်ရေး သမားများ နှင့် အယ်နျူဆရာ တပ်ဦးကဲ့သို့သော အဖွဲ့မှ တက်ဖီရီ စစ်သွေးကြွ များလည်း ပါဝင်ကြောင်း ထုတ်ပြန်ချက် အရ သိရသည်။
PyiChitThar
http://www.pyichitthar.com
အမေရိကန်ဦးဆောင်သော ညွန့်ပေါင်းတပ်ဖွဲ့အတွက် သူလျှိုလုပ်မှုဖြင့် လူငယ်လေးဦးကို ISIS အဖွဲ့ခေါင်းဖြတ်ကွပ်မျက်
Reviewed by THITHTOOLWIN
on
14:45
Rating:
Reviewed by THITHTOOLWIN
on
14:45
Rating:
