Fallujahမြို့ထဲကို အီရတ်တပ်တွေ ဝင်ရောက်နိုင်ပြီ

IS ကို တိုက်ခိုက်ဖို့ ပြင်ဆင်နေတဲ့ ဆီးရီးယား စစ်သား (Credit: AFP) 

အီရတ် ​စစ်တပ်တွေက ​IS ​အစ္စလာမ်မစ် ​တပ်တွေ ​သိမ်းပိုက်ထားတဲ့ ​Fallujah ​မြို့ကို ​အရပ်မျက်နှာ ​၃ ​ခုကနေ ​ဝင်ရောက်နေတယ်လို့ ​အီရတ် ​စစ်တပ်အရာရှိတွေက ​ပြောပါတယ်။

အီရတ်စစ်တပ်ရဲ့ ​ဒုတိယအဆင့် ​စစ်ဗျူဟာ ​အရ ​လုပ်ဆောင်တာ ​ဖြစ်ပြီး ​နိုင်ငံတကာ ​တပ်တွေက ​ဝေဟင်ကနေ ​အကူအညီပေးတာကို ​အကာအကွယ်ယူပြီး ​မြေပြင်စစ်သားတွေက ​Fallujah ​မြို့ထဲကို ​ဝင်ရောက်တာလို့ ​ဆိုပါတယ်။

အီရတ် ​စံတော်ချိန် ​မနက် ​၄ ​နာရီလောက်မှာ ​အကြမ်းဖက် ​တိုက်ဖျက်ရေးတပ်၊ ​အီရတ်စစ်တပ်နဲ့ ​ရဲတွေ ​စုပေါင်းပြီး ​Fallujah ​မြို့ထဲကို ​ဝင်ရောက်တာလို့ ​ဆိုပါတယ်။

အရင်တပတ်တုန်းကတော့ ​Fallujah ​မြို့ပြင်နဲ့ ​အနီးတဝိုက်က ​ကျေးရွာတွေကို ​သိမ်းပိုက်နိုင်ဖို့ကိုသာ ​ဦးစားပေးတာ ​ဖြစ်ပြီး ​ဒီတချီမှာ ​မြို့ထဲကို ​ဝင်ရောက်တာ ​ဖြစ်ပါတယ်။

Fallujah ​မြို့ကို ​ထိုးစစ်ဆင်မှာ ​ဖြစ်တဲ့အတွက် ​ပြည်သူတွေ ​မြို့ကနေ ​ထွက်ခွာကြဖို့ ​အီရတ် ​အစိုးရက ​ကြိုတင် ​သတိပေးထားပေမယ့်လည်း ​IS ​အဖွဲ့က ​မြို့ပြင် ​ထွက်ခွင့်မပေးဘူး ​ဆိုတဲ့ ​ပြောဆိုမှုတွေကြောင့် ​အခုလောလောဆယ် ​ပြည်သူ ​အယောက် ​၅၀၀၀၀ ​လောက် ​မြို့ထဲမှာ ​ပိတ်မိနေဆဲ ​ဖြစ်ပါတယ်။

အဲဒီ ​ပြည်သူတွေကို ​IS ​က ​လူသားဒိုင်းအဖြစ် ​အကာအကွယ်ယူမှာကိုလည်း ​စိုးရိမ်မှုတွေ ​ရှိနေပါတယ်။

IS ​အဖွဲ့ဟာ ​အီရတ်နိုင်ငံက ​မြို့ကြီး ​၂ ​မြို့ဖြစ်တဲ့ ​Fallujah ​နဲ့ ​Mosul ​ကို ​သိမ်းပိုက်ထားတာ ​ဖြစ်ပြီး ​Fallujah ​ကို ​ပြန်လည် ​သိမ်းယူပြီးရင် ​Mosul ​ကို ​ပြန်လည် ​ရယူဖို့ ​တိုက်ခိုက်သွားမယ်လို့ ​အီရတ်အစိုးရက ​စီစဉ်နေတယ်လို့ ​AFP ​သတင်းမှာ ​ဖော်ပြထားပါတယ်။

ABC Radio Australia
http://www.radioaustralia.net.au/burmese