နောက်ထပ် ဆိုင်ကလုန်းမုန်တိုင်း ရခိုင်ကမ်းရိုးတန်းကို ဦးတည်နေ

မေလ တတိယပတ်အတွင်း ဘင်္ဂလားပင်လယ်အော်အတွင်း၌ အားကောင်းသည့် ဆိုင်ကလုန်းမုန်တိုင်း ဖြစ်ပေါ်နိုင်သည့် အခြေအနေ ကြိုတင်ခန့်မှန်း
(UPDATED upon 13MAY 0630 FORECAST) သိသာသည့် ပြောင်းလဲမှု မရှိပါ၊ ရခိုင်ကမ်းရိုးတန်းသို့ ဦးတည်နိုင်မည့်အခြေအနေအား ဆက်လက်တွေ့ရှိရပါသည်။
=========
UPDATE-10
=========
13MAY 0630 FORECAST တွင် သိသာသည့် ပြောင်းလဲမှု မရှိပါ - ဘင်္ဂလားပင်လယ်အော် အနောက်တောင်ပိုင်း ပင်လယ်ပြင်၌ လေဖိအားနည်းရပ်ဝန်းတစ်ခုဖြစ်ပေါ်လာပြီး၊ မုန်တိုင်းအဆင့်သို့ ရောက်ရှိပြီးနောက် မေလ ၁၆ ရက်၊ ၁၈းဝဝ နာရီ၌ သီရိလင်္ကာနိုင်ငံမြောက်ဘက်၊ အိန္ဒိယနိုင်ငံ အရှေ့တောင်ဘက်ကမ်းခြေအနီး ရောက်ရှိစဉ် မုန်တိုင်းဗဟိုသည် တစ်ဝက်တစ်ပျက်(သို့မဟုတ်)လုံးဝ ကုန်းတွင်းသို့ "ပထမ အကြိမ်"ရောက်ရှိပြီး အားပျော့သွားကြောင်း တွေ့ရပါသည်။

သို့ရာတွင် အာရေဗျပင်လယ်ဘက်(အနောက်ဘက်)မှ အားကောင်းသော လေစီးကြောင်းများကြောင့် မေ ၁၈ ရက် ၂၁း၃ဝ နာရီတွင် အကြွင်းအကျန် တိမ်တိုက်သည် ပြန်လည်စုစည်းပြီး ဘင်္ဂလားပင်လယ်အော် အနောက်အလယ်ပိုင်းသို့ ပြန်လည် ဝင်ရောက်လာကြောင်း၊ အရှေ့-အရှေ့မြောက်ဘက်သို့ ရွေ့လျားရင်း မေ ၁၉ ရက် ၂၁း၃ဝ နာရီမတိုင်မီ မုန်တိုင်းအဖြစ်သို့ ပြန်လည်ရောက်ရှိကြောင်း၊ ဆက်လက်၍ အရှေ့ဘက်(ရခိုင်ကမ်းရိုးတန်းဘက်)သို့ ရွေ့လျားပြီး မေလ ၂၁ ရက် ည ပိုင်းတွင် စစ်တွေနှင့် ကျောက်ဖြူမြို့များ အနီးမှ ကုန်းတွင်းသို့ "ဒုတိယအကြိမ်"ဝင်ရောက်ပြီးနောက် အကြွင်းအကျန်တိမ်တိုက်များသည် မြန်မာနိုင်ငံ အလယ်ပိုင်းဒေသများသို့ ဆက်လက်ရွေ့လျားဝင်ရောက်နိုင်ဘွယ်ရှိကြောင်း ယနေ့ နောက်ဆုံး ရရှိသည့် Global Computer Model Forecast အချက်အလက်များတွင် တွေ့ရပါသည်။

***** ကွန်ပျူတာမော်ဒယ်မှ ကြိုတင်ခန့်မှန်းချက်ဖြစ်ပြီး ဤခန့်မှန်းချက်အတိုင်း အမှန်တကယ် ဖြစ်ပေါ်လာခြင်း ရှိ/မရှိ ဆက်လက် စောင့်ကြည့်တင်ပြပေးသွားပါမည်။

***** မုန်တိုင်းဖြစ်ပေါ်နိုင်မည့် ကာလ မတိုင်မီ မိုးလေဝသပညာရှင်ကြီးများနှင့် မြန်မာနိုင်ငံ မိုးလေဝသနှင့်ဇလဗေဒညွှန်ကြားမှုဦးစီးဌာနမှ ထုတ်ပြန်ကြေငြာချက်များကိုလည်း ဤရက်ပိုင်းအတွင်း အထူး(အထူး)ဂရုစိုက်စောင့်ကြည့်ကြပါရန် ကြိုတင်အသိပေးတင်ပြအပ်ပါသည်။

MMweather Page
https://www.facebook.com/mmweather/