မန္တလေးဆေးရုံတွင် ကုသနေသည့် လေးမြွှာပူးကလေး ရက်ပိုင်းအတွင်း သုံးဦးသေဆုံး

မန္တလေး မေ ၁၂

စစ်ကိုင်းဆေးရုံတွင် ဧပြီ ၂၈ ရက်က ဓမ္မတာနည်းဖြင့် မွေးဖွားခဲ့သည့် လေးမြွှာပူး ကလေးငယ်များကို မန္တလေး ခုတင်(၅၅ဝ)ဆံ့ ကလေး ဆေးရုံတွင် ကုသလျက်ရှိရာ ယင်းတို့အနက် သုံးဦးမှာ ရက်ပိုင်း အတွင်း ဆုံးပါးခဲ့ကြောင်း သိရသည်။

အထူးကုသခန်းတွင် ထားရှိကုသ စောင့်ရှောက်မှုများ ပြုလုပ်ပေးခဲ့ သော်လည်း ကိုယ်အလေးချိန် တစ်ကီလိုဂရမ်ရှိ တတိယကလေးငယ် မှာ ဧပြီ ၂၉ ရက် ည ၈ နာရီတွင် လည်းကောင်း၊ ၁ ဒသမ ၃ ကီလို ဂရမ်ရှိ စတုတ္ထကလေးငယ်မှာ ဧပြီ ၃ဝ ရက် နံနက် ၅ နာရီတွင် လည်းကောင်း၊ ပထမကလေးမှာ မေ ၈ ရက်တွင် လည်းကောင်း ဆုံးပါး သွားခဲ့ကြောင်း သိရသည်။

ကလေးမိဘများမှာ စစ်ကိုင်းမြို့ ဇေယျာကွက်သစ်မှ လက်သမား လုပ်ကိုင်သူ ကိုကျော်မင်းလတ်နှင့် မမြင့်မြင့်အေးတို့၏ ဒုတိယကိုယ်ဝန်မှ မွေးဖွားခဲ့ခြင်းဖြစ်ပြီး ကျန်ရှိနေသည့် မွေးကင်းစကလေးငယ်အား အထူး ကုသခန်းတွင် ပြုစုစောင့်ရှောက်ပေး နေကြောင်း မန္တလေး ခုတင်(၅၅ဝ)ဆံ့ ဆေးရုံအုပ်ကြီး ဒေါက်တာ သက်ဆွေက ပြောသည်။

''ဆုံးပါးရတဲ့ အကြောင်းကတော့ လမစေ့၊ ပေါင်မပြည့်၊ အသက်ရှူ လမ်းကြောင်း ခက်ခဲမှုကြောင့် ဖြစ်ပါ တယ်။Predern Very Low Birth Weight with Respiratory distress Syndrome Stage-4 လို့ ဆေးပညာ အရ ပြောရမယ်။ ကိုယ်အလေးချိန်က တစ်ကီလိုဂရမ်လောက်ဆို ရှင်သန်ဖို့ ခက်ခဲပါတယ်။ ကျန်တစ်ယောက်က လက်ရှိမှာ မဆိုးသေးဘူးပြောရမှာပါ''ဟု ¤င်းက ပြောသည်။

ပုံမှန်မွေးဖွားကြသည့် မွေးကင်းစ ကလေးငယ်များတွင် ၂ ဒသမ ၅ ကီလိုဂရမ် အထက်ရှိရမည်ဖြစ်၍ ယင်းထက်နည်းသွားပါက ကိုယ် အလေးချိန်မပြည့်သည့် စာရင်းဝင်ပြီး ၁ ဒသမ ၅ ကီလိုဂရမ်ထက်လျော့နည်း ပါက သတိထားရမည့် အခြေအနေ ဖြစ်ကာ အသက်ရှင်သန်မှုရာနှုန်း နည်းသည်ဟု ဆိုသည်။

မင်းထက်အောင်(မန်းကိုယ်ပွား)
The Mirror Daily
https://www.facebook.com/TheMirrorDaily/