မိုင်းဖြတ်၌ အမျိုးသားတစ်ဦး စိတ်ညစ်၍ ကြိုးဆွဲချ သေဆုံး

မိုင်းဖြတ်၊ မေလ(၂)

ရှမ်းပြည်နယ်အရှေ့ပိုင်းဒေသ၊ တာချီလိတ်ခရိုင်၊ မိုင်းဖြတ်မြို့နယ်တွင် အမျိုးသားတစ်ဦး ဧပြီလ(၃၀)ရက်နေ့က ကြိုးဆွဲချသေဆုံးသွားကြောင်း သိရသည်။

သေဆုံးသူသည် မိုင်းဖြတ်မြို့နယ်၊ အိုက်ငို့ကျေးရွာအုပ်စု၊ ဟာကြား ဟုန်မိုင်ကျေးရွာတွင် နေထိုင်သူ ဦးကျရှီးဖြစ်ပြီး၊ ၎င်းသည် ဧပြီလ(၃၀)ရက် ည(၁၁)နာရီအချိန်က မိမိကိုယ်ကိုယ် ကြိုးဆွဲချ သေဆုံးသွားကြောင်းနှင့် စိတ်ညစ်၍ ထိုသို့ ပြုလုပ်သွားတာ ဖြစ်ကြောင်း သိရသည်။

သေဆုံးသွားသူ ဦးကျရှီးသည် လွန်ခဲ့သည့် သုံးပတ်ခန့်က လင်မယားချင်းကွဲပြီး စိတ်ညစ်ကာ တစ်ဦးတည်း နေထိုင်လျှက်ရှိပြီး ၎င်းနေထိုင်ရာ အိမ်၌ပင် ကြိုးဆွဲချသေဆုံးသွားခြင်း ဖြစ်ကြောင်း နှင့် ၎င်းကိစ္စနှင့် ပတ်သက်၍ မိုင်းဖြတ်မြို့မရဲစခန်းတွင် သေမှုသေခင်း အမှတ်(၃/၂၀၁၆)ဖြင့် အမှုဖွင့်အရေးယူ ထားကြောင်း သိရှိရသည်။

သတင်း ။ ။ ‪‎ရှောလမွန်‬(မိုင်းဖြတ်)
Tachileik News Agency
http://www.tachileik.net