မြန်မာနိုင်ငံက အလုပ်သမားတွေ အလုပ်သမား အခွင့်အရေး အပြည့်အဝရပြီလား

ရန်ကုန် ဧပြီ ၃ဝ

အနည်းဆုံးအခကြေးငွေ သတ်မှတ်လိုက်သော်လည်း အလုပ်ရှင်၊ အလုပ်သမား အငြင်းပွားမှုပြဿနာများ ယနေ့တိုင်ဖြစ်ပွားနေပြီး အလုပ်သမားအခွင့်အရေးကို ထိရောက်စွာအကာအကွယ်ပေး ရမည့် ဥပဒေပြုရေးအပိုင်းတွင်လည်း ယခင်အစိုးရလက်ထက် က ရေးဆွဲပြဋ္ဌာန်းခဲ့သည့် အလုပ်သမားဥပဒေများတွင် အားနည်း မှုများရှိခဲ့ကြောင်း အလုပ်သမားအရေး လေ့လာသူများ၊ အလုပ် သမားသမဂ္ဂများနှင့် အလုပ်သမားများထံမှသိရသည်။
''အလုပ်ရှင်တွေကျတော့ ဂုဏ်သိက္ခာပိုင်း ကျဆင်းမှာစိုးလို့ ထောင်ဒဏ်ကို ပယ်ဖျက်ပေးလိုက်ပြီး ငွေဒဏ်ကို တိုးလိုက်တယ်။ အလုပ်သမားမှာလည်း ဂုဏ်သိက္ခာဆိုတာ ရှိတယ်။ ထောင်ကျ တဲ့သူက ဘယ်လိုလူမျိုးမဆို ဂုဏ်သိက္ခာပိုင်း ကျဆင်းသွား တာပဲ၊ အလုပ်ရှင်မို့လို့ ဂုဏ်သိက္ခာကျဆင်းမှာမို့လို့ ဥပဒေမှာ ထောင်ဒဏ်မထည့်တာကတော့ မတရားဘူးလို့မြင်တယ်။ ဒီဥပဒေက ပြန်ပြီးပြင်ဆင်သင့်တယ်။ အလုပ်ရှင် ၊ အလုပ် သမားတန်းတူအခွင့်အရေးပေးရမယ်''ဟု စံကောင်း ပီနံအိတ် စက်ရုံမှအလုပ်သမား ကိုအောင်စိုးမင်းက ပြောသည်။

အလုပ်သမားအရေးလေ့လာသူ ဦးအောင်လင်းက ''အလုပ် သမားရေးရာအငြင်းပွားမှု ဖြေရှင်းရေးဥပဒေမှာ ထောင်ဒဏ် ထည့်သွင်းပေးဖို့ အလုပ်သမားတွေရဲ့ တောင်းဆိုမှုတွေကို ဥပေက္ခာပြုခဲ့တာတွေ့ရတဲ့အပြင် အလုပ်သမားတရားရုံးတွေ ဖွဲ့ စည်းဖို့ကိုလည်း လျစ်လျူရှုခဲ့တယ်''ဟု ပြောသည်။

ထို့အတူ ၂ဝ၁၅ ခုနှစ်အတွင်း တစ်နေ့ အလုပ်ချိန် ရှစ်နာရီ၊ တစ်ရက်လုပ်အားခ အနည်းဆုံးအခကြေးငွေကို ငွေကျပ် ၃၆ဝဝ သတ်မှတ်လိုက်မှုအပေါ်မှာလည်း စံကောင်းပီနံအိတ်စက်ရုံမှ ကိုအောင်စိုးမင်းက ''အောက်ခြေအလုပ်သမားတွေ မသိလိုက် ဘဲဖြစ်သွားတယ်၊ အရင်ခံစားခွင့်တွေမရှိတော့ဘူး၊ ရက်မှန်ကြေး၊ ဖယ်ရီကားခတွေဆိုတာလည်း ပျောက်သွားတယ်၊ ငွေကျပ် ၃၆ဝဝ ကို အသားတင်ပေးတာမဟုတ်ဘဲနဲ့ ကျန်တာတွေဖျောက် ပြီး ပေးသလိုဖြစ်နေတယ်။ တချို့စက်ရုံတွေမှာ ငွေကျပ် ၃၆ဝဝ သတ်မှတ်ပြီးမှ အခြေအနေတွေ ပိုဆိုးသွားတယ်''ဟု ပြောသည်။

ဆက်လက်၍ ၎င်းးက ''အဖွဲ့ချုပ်တွေကနေ အထည်ချုပ် လုပ်ငန်းရှင်တွေနဲ့ ထိပ်တိုက်ဆွေးနွေးပြီး အလုပ်သမားတွေရဲ့ သဘောဆန္ဒမပါဘဲနဲ့ ဝန်ကြီးဌာနကိုယ်တိုင်က အဖွဲ့ချုပ်တွေရဲ့ ကိုယ်စားပြုမှုနဲ့သဘောတူခဲ့တယ်။ အလုပ်သမားသမဂ္ဂ အငယ် လေးတွေ ဘာမှမသိလိုက်ဘူး။ အောက်ခြေ အလုပ်သမားတွေ မသိဘဲ ဒါကိုလုပ်လိုက်တဲ့အခါကျတော့ အလုပ်သမားတွေမှာ နစ်နာပြီးရင်း နစ်နာခဲ့ရတယ်။ နောက်ပိုင်းအဖွဲ့ချုပ်တွေအနေနဲ့ ဆုံးဖြတ်တော့မယ်ဆိုရင် အလုပ်သမားကို ကိုယ်စားပြုမယ်ဆိုရင် အလုပ်သမားအားလုံးရဲ့ သဘောဆန္ဒကို ရယူဖို့လိုတယ်'' ဟု ပြောသည်။

ယခင်အစိုးရလက်ထက်ကတည်းက ဖြစ်ပွားခဲ့သည့် အလုပ်ရှင်၊ အလုပ်သမား အငြင်းပွားမှုများတွင် တရားစွဲဆို ခံထားရသည့် အလုပ်သမားများ ယနေ့အချိန်ထိအမှုရင်ဆိုင် နေရကြောင်း Nay Thu Yein Law Fund မှ သိရသည်။

''လက်ရှိအမှုရင်ဆိုင်နေရတဲ့ အလုပ်သမားတွေရှိတယ်၊ တော်ဝင်သစ်အချောထည်စက်ရုံက အလုပ်သမားတွေအမှုဆိုရင် လေးနှစ်လောက်ရှိနေပြီ၊ အခုထက်ထိ အမှုက မပြီးသေးဘူး၊ စွပ်စွဲခံရတဲ့အလုပ်သမားက ၄ဝ ကျော်ရှိတယ်၊ ရာဇဝတ်မှုလို ပုဒ်မတွေပါနေတယ်၊ လက်ရှိအမှုရင်ဆိုင်နေကြရတယ်''ဟု တရားလွှတ်တော်ရှေ့နေ ကိုအောင်သူရိန်ထွန်းက ပြောသည်။

ဥပဒေချိုးဖောက်သည့် အလုပ်ရှင်များကို ဥပဒေတွင် ငွေဒဏ်အစား ထောင်ဒဏ်ထည့်သွင်းပေးရန်၊ ပြဋ္ဌာန်းထားသည့် အလုပ်သမားရေးရာဥပဒေများတွင် အားနည်းချက်များကို ပယ်ဖျက်ပြင်ဆင်မှုများပြုလုပ်ပေးရန် ယခင်အစိုးရလက်ထက် တွင်အကြိမ်ကြိမ် တောင်းဆိုခဲ့သော်လည်း မရရှိခဲ့ကြောင်း အလုပ်သမားများနှင့် အလုပ်သမားသမဂ္ဂများမှ သိရသည်။

''အရင်အစိုးရလက်ထက်တုန်းက ရေးဆွဲခဲ့တဲ့ အလုပ် သမားဥပဒေတွေနဲ့ပတ်သက်ပြီး အားနည်းချက်တွေ အလွန် များတယ်။ အလုပ်ရှင်ဘက်ကို အသာပေးထားပြီး အလုပ်သမား ဘက်ကို ဖိနှိပ်ထားတာတွေ အရင်ဥပဒေမှာ အားနည်းချက် တွေအများကြီးရှိတယ်''ဟု အလုပ်သမားသမဂ္ဂမှ ကိုအောင်မျိုး ဇော်က ပြောသည်။

အလုပ်သမားအရေးဆောင်ရွက်နေသူ ဦးနေဝင်းထွန်းက ''အရင်အစိုးရလက်ထက်တုန်းက အလုပ်သမားဥပဒေတွေက အလုပ်သမားတွေအတွက် ကောင်းမလိုလိုနဲ့ တော်တော်လေး ပြဿနာတွေ တွေ့တယ်၊ အလုပ်သမားတစ်ယောက်ကို အပြစ်မရှိဘဲ လျော်ကြေးပေးပြီး ထုတ်လို့ရတဲ့ကိစ္စမျိုးတွေက ဥပဒေမှာလုံးဝမထည့်သင့်ဘူး၊ အလုပ်သမားတွေအတွက် အလွန်နစ်နာတယ်။ ဥပဒေကိုရေးဆွဲတဲ့အခါမှာလည်း အလုပ် သမားကိုယ်စားလှယ်တွေမပါဘဲ အစိုးရကနေ ရေးဆွဲတဲ့အခါ တစ်ဖက်သတ်ပုံစံမျိုးဖြစ်သွားတယ်''ဟု ပြောသည်။
ယခင်အစိုးရလက်ထက် ကျင့်သုံးခဲ့သည့် အလုပ်သမား ရေးရာမူဝါဒများကို အကောင်အထည်ဖော်ရာတွင် အစိုးရ၊ အလုပ်ရှင်၊ အလုပ်သမား သုံးပွင့်ဆိုင်မူဝါဒဖြင့် အကောင်အထည် ဖော်ဆောင်ရွက်ခဲ့ကြောင်း အလုပ်သမားအရေးလေ့လာသုံးသပ် သူများက ပြောသည်။
အစိုးရ၊ အလုပ်ရှင်၊ အလုပ်သမားကိုယ်စားလှယ်များ၏ သဘောထားမှတ်ချက်ဖြင့် ပြင်ဆင်ရမည့်ဥပဒေ ၊ ပြဋ္ဌာန်းရမည့် ဥပဒေများကို လွှတ်တော်ဥပဒေကြမ်းကော်မတီကတစ်ဆင့် လွှတ်တော်သုံးရပ်တွင် တင်သွင်းအတည်ပြုပြီး ပေါ်ထွက်လာ သည့် ဥပဒေ၊ နည်းဥပဒေများကို လုပ်ငန်းစဉ်ချမှတ်အကောင် အထည်ဖော်ဆောင်ရွက်ခဲ့ကြောင်း အလုပ်သမားအရေး လေ့လာသူ ဦးအောင်လင်းက ပြောသည်။
အနည်းဆုံးအခကြေးငွေ အပါအဝင် အခြားအလုပ်သမား ရေးရာဥပဒေများကို ပယ်ဖျက် ပြင်ဆင်အသစ်ပြဋ္ဌာန်းရာတွင် ILO စသည့် နိုင်ငံတကာအဖွဲ့အစည်းများ၏ နည်းပညာ၊ ငွေရေး ကြေးရေး အကူအညီများကိုရယူခဲ့သော်လည်း ထိရောက်မှုမရှိခဲ့ ကြောင်း အလုပ်သမားအရေးလေ့လာသူများထံမှ သိရသည်။
''အလုပ်သမားရေးရာ အငြင်းပွားမှုဖြေရှင်းရေး နည်း ဥပဒေရဲ့ လုပ်ထုံးလုပ်နည်းတွေကို အားရကျေနပ်မှုမရှိဘဲ ဆန္ဒပြ တောင်းဆိုမှုတွေကြောင့် အကျဉ်းကျသွားတဲ့ အလုပ်သမားတွေရှိ တယ်၊ အမှုရင်ဆိုင်နေရဆဲ အလုပ်သမားတွေရှိတယ်''ဟု အလုပ်သမားအရေးလေ့လာသူ ဦးအောင်လင်းက ဆိုသည်။

မြန်မာနိုင်ငံတွင် အလုပ်သမား သန်း ၂ဝ ကျော်ရှိပြီး ရန်ကုန်မြို့ လှိုင်သာယာမြို့နယ်ရှိ စက်မှုဇုန်များတွင် အလုပ် သမား နှစ်သိန်းကျော်ရှိကြောင်း အလုပ်သမားအရေး လေ့လာ သူများထံမှ သိရသည်။
''မြန်မာနိုင်ငံမှာ ရေးဆွဲထားတဲ့ အလုပ်သမားဥပဒေတွေ ဟာ အလုပ်သမားတွေအတွက် အလုပ်သမားအခွင့်အရေး အပြည့်အဝရပြီလားဆိုတာ မေးခွန်းထုတ်စရာဖြစ်နေတယ်'' ဟု စံကောင်း ပီနံအိတ်စက်ရုံမှ အလုပ်သမား ကိုအောင်စိုးမင်း က ပြောသည်။

သတင်းဆောင်းပါး - မင်းသစ်၊ ဓာတ်ပုံ - မေဦးမိုး
Myanmaalinn
https://www.facebook.com/MYANMAALINNNEWS