မုန်းဒေသ ရော်ချောင်းအတွင်း အမျိုးသား အလောင်း တွေ့ရှိ

ပဲခူးတိုင်းဒေသကြီး၊ တောင်ငူခရိုင်၊ ကျောက်ကြီးမြို့နယ် ၊ မုန်းနယ်မြေရဲစခန်း၏  အရှေ့မြောက်ဘက်  (၈) မိုင်ခန့်အကွာ ရော်ချောင်းအတွင်း အမျိုးသား အလောင်း တွေ့ရှိကြောင်း သတင်းရရှိပါသည်။

အဆိုပါ ချောင်းအတွင် လူတစ်ဦးသေဆုံးနေကြောင်း ညောင်ပင်သာကျေးရွာ အုပ်ချုပ်ရေးမှူး ဦးတင်မင်းစိုး  မှ  မုန်းနယ်မြေရဲစခန်း သို့  ဖုန်းဆက်  အကြောင်းကြားသဖြင့် တာဝန်မှူးဒုရဲအုပ်မျိုးမင်းသန့် နှင့်အဖွဲ့မှ ညောင်ပင်သာကျေးရွာ အုပ်ချုပ်ရေးမှူး ဦးတင်မင်းစိုး ၊ ဦးကျော်ထူး ၊ ဦးဌေးဝင်း  တို့နှင့်အတူ သွားရောက်စစ်ဆေးခဲ့ရာ ရော်ချောင်းကမ်းပါးဘေးရှိ ဦးကျော်ထူး၏ လယ်တဲ နှင့် ကိုက်(၁၅၀) ခန့်အကွာ ချောင်းအတွင်း သေဆုံးနေသည်မှာ မုန်းဒေသ  ညောင်ပင်သာကျေးရွာနေ  ဦးရွှေတော(၅၅)နှစ် (ဘ) ဦးမောင်ပု   (လယ်စာရင်းငှား လုပ်သူ) ဖြစ်ကြောင်း သိရပါသည်။

 ရော်ချောင်းအတွင်းမှာ  မှောက်လျှက်အနေအထားဖြင့် သေဆုံးနေသည့် ဦးရွှေတော၏ အလောင်းအား  ချောင်းအတွင်းမှ ကမ်းပါးပေါ်သို့ ဆယ်ယူ၍ စစ်ဆေးကြည့်ရှု့ရာ အလောင်းမှာ  နှာခေါင်းနှင့် ပါးစပ်တို့ မှ အမြုပ် များထွက်  ခြေဖဝါး  လက်ဖဝါး တို့တွင်  ဖွေးဖြူနေခြင်း  ကျောနှင့်ဝမ်းဘိုက်တို့တွင်  မဲနေသည့်လက္ခဏာတွေ့ရှိရပြီး  နုတ်ခမ်းနှင့်ဝဲဘက်နားရွက်ထိပ် ၊ လည်ပင်းယာဘက် နေရာတွင်  ငါးကိုက်ထားဟုယူဆရသော လက္ခဏာများတွေ့ရှိရ၍ ရဲဆေးစာနှင့်အတူ မုန်းတိုက်နယ်ဆေးရုံသို့ ပို့ဆောင် ကာဆေးစစ်ချက်ရယူခဲ့သည်။

 ဦးရွှေတော သေဆုံးရခြင်းမှာ ဓမ္မတာအတိုင်း သေဆုံးခြင်းဟုတ် မဟုတ်  စုံစမ်းစစ်ဆေး အရေးယူပေးနိုင်ရန်  ဒုရဲအုပ်မျိုးမင်းသန့် မှ တရားလိုပြုလုပ် တိုင်တန်းသဖြင့်  မုန်းနယ်မြေ ရဲစခန်းမှ  သေမှုသေခင်း အမှတ်စဉ်  ၂/၂၀၁၆  ဖြင့်  အမှု့ဖွင့် စစ်ဆေးနေကြောင်း သိရသည်။

ပန်းချီသန်းဝင်း(ကျောက်ကြီး)