မိသားစုကိစ္စ စကားများပြီး ကျွန်းပင်၌ အမျိုးသားတစ်ဦး ကြိုးဆွဲချသေဆုံး

မကွေးတိုင်းဒေသကြီး ဂန့်ဂေါ မြို့နယ် ဟံသာဝတီရွာတွင် အမျိုးသားတစ်ဦးမိသားစုကိစ္စနှင့်ပတ်သက် ၍စကားများပြီးနောက် ကြိုးဆွဲချ သေဆုံးမှု ယမန်နေ့က ဖြစ်ပွား ခဲ့သည်။

ဖြစ်စဉ်မှာ အဆိုပါနေ့ နံနက် ၇နာရီက ဟံသာဝတီရွာတွင် လူ တစ်ဦးကြိုးဆွဲချသေဆုံးကြောင်း သတင်းအရ ဟံသာဝတီရဲကင်း စခန်းမှ ဒုရဲအုပ် မင်းမင်းထွန်း သွားရောက်စစ်ဆေးခဲ့သည်။

 သေဆုံး သူမှာ ဦးတင်ညို အသက်(၅ဝ) ဟံသာဝတီရွာ ဂန့်ဂေါမြို့နယ် နေသူဖြစ်ပြီး ဦးရာပို လယ်ကွက် အနီး ရေမြောင်းအစပ်ရှိ မြေပြင်မှ အမြင့်ခုနစ်ပေခန့်ရှိသော ကျွန်းပင်၌ မြောက်ဘက်သို့ထွက် နေသော လုံးပတ်ရှစ်လက်မခန့်ရှိ ကျွန်းကိုင်း တွင် စက်ဘီးချိန်းကြိုး အရှည်နှစ် ပေသုံးလက်မခန့်ဖြင့် ကွင်းလျှော ချည်ပြီး မြောက်ဘက်သို့ မျက်နှာမူ ၍ ကြိုးဆွဲချသေဆုံးနေသည်ကို တွေ့ရှိခဲ့သည်။

 သေဆုံးသူမှာ အရက် အလွန်အကျွံသောက်သုံးသူဖြစ်ကာ ၄င်း၏ဇနီးဖြစ်သူ ဒေါ်ခင်ထွေးနှင့် ယခုလ ၂၆ရက် ည ၉ နာရီက မိသားစုကိစ္စစကားများ၍ နေအိမ်မှ ထွက်သွားခဲ့ရာ နံနက် မိုးလင်းသော အခါ နေအိမ်သို့ပြန်မလာသဖြင့် သမီးဖြစ်သူ မသန္တာလင်းက လိုက် လံရှာဖွေခဲ့ရာ ကျွန်းပင်၌ ကြိုးဆွဲချ သေဆုံးနေသည်ကို တွေ့ရှိခဲ့ခြင်း ဖြစ်ကြောင်း အမှုစစ်၏ စစ်ဆေး ချက်အရ သိရသည်။

ယင်းအမျိုးသားသေဆုံးမှုနှင့် ပတ်သက်၍ ဒုရဲအုပ်မင်းမင်းထွန်း က တရားလိုပြုတိုင်ကြားခဲ့သော ကြောင့် ဂန့်ဂေါမြို့နယ် ကန်နယ် မြေရဲစခန်းက သေမှုသေခင်း အမှတ် စဉ် ၂/၂ဝ၁၆ ဖြင့် အမှုဖွင့်ထား သည်။

The Union Daily
http://uniondaily.net