မူးယစ်ဆေးဝါးမှောင်ခိုကူးသူများကို သေသည်အထိ မူးယစ်ဆေးစားခိုင်းသောနည်းဖြင့် ကွပ်မျက်ရန် အင်ဒိုနီးရှားစဉ်းစား

အင်ဒိုနီးရှားနိုင်ငံ၏ အမျိုးသား မူးယစ်ဆေးဝါးအေဂျင်စီက မူးယစ်ဆေးဝါးမှောင်ခိုကူးသူများကို ပြင်းထန် သည့်အပြစ်ဒဏ်တစ်မျိုးဖြင့်အပြစ်ပေးရန် စဉ်းစားသုံးသပ်လျက်ရှိကြောင်း သိရသည်။ အဆိုပါပြစ်ဒဏ်ကို ဥပဒေ တစ်ရပ်အဖြစ် အသက်သွင်းရန် အာဏာပိုင်များက စဉ်းစားလျက်ရှိပြီး အကယ်၍ အဆိုပါဥပဒေ အကောင် အထည်ပေါ်လာပါက မူးယစ်ဆေးဝါးမှောင်ခိုကူးသူများကို သေနတ်ပစ်အဖွဲ့ဖြင့် ကွပ်မျက်ခြင်းထက် ၎င်းတို့၏ မူးယစ်ဆေးဝါးများကို အတင်းအကျပ် စားစေကာ သေဆုံးသည်အထိ စားခိုင်းမည်ဖြစ်ကြောင်း သိရသည်။

အင်ဒိုနီးရှားနိုင်ငံတွင် မူးယစ်ဆေးဝါးမှောင်ခိုကူးသူများကို မည်သည့်နိုင်ငံသားဖြစ်စေ သေနတ်ပစ်အဖွဲ့ ဖြင့် ပစ်သတ်ကွပ်မျက်သည့်ပြစ်ဒဏ်အပါအ၀င် ပြင်းထန်သောဥပဒေများကို ချမှတ်ထားပြီးဖြစ်သည်။ မူးယစ်ဆေးစွဲသူ ၄ ဒသမ ၅ သန်းခန့်ရှိနေသည့် အင်ဒိုနီးရှားနိုင်ငံတွင် မူးယစ်ဆေးကြောင့်ပင် နေ့စဉ်သေဆုံးသူ ၃၃ ဦးအထိ ရှိနေသည်။ လက်ရှိအချိန်တွင် ရဲများကလည်း မူးယစ်ဆေးဝါးရောင်းဝယ်သူများကို တိုးမြှင့် ဖမ်းဆီး မှုများ ပြုလုပ်လျက်ရှိရာ မကြာသေးမီက ရှောင်တခင်စီးနင်းမှုတစ်ခုအတွင်း လူလေးဦးသေဆုံးခဲ့သည်။

မူးယစ်ဆေးဝါးသည် အမျိုးသားရန်သူကြီးဖြစ်သည့်အတွက် တင်းတင်းကျပ်ကျပ် ကိုင်တွယ်သွားမည်ဖြစ် ကြောင်းနှင့် မူးယစ်ဆေးဝါးရောင်းချသူများကို ဂျကာတာရှိလမ်းများတွင်သာမက အင်ဒိုနီးရှားတစ်နိုင်ငံလုံးမှပါ ဖယ်ရှားရှင်းလင်းပစ်ရမည်ဖြစ်ကြောင်း ရဲချုပ်ဟန်ဒရိုပန်ဒိုဝိုက ဆိုသည်။ ဝေဖန်ရေးသမားများကမူ အဆိုပြုထား သည့် ဥပဒေသစ်ကို ပြင်းပြင်းထန်ထန်ဝေဖန်လျက်ရှိသည်။ လွန်ခဲ့သည့်နှစ်ကုန်ပိုင်းက အင်ဒိုနီးရှား၌ ကွပ်မျက်မှု များကို ယာယီရပ်ဆိုင်းထားမည်ဖြစ်ကြောင်း ဆုံးဖြတ်ပြီးနောက်တွင် အဆိုပါဥပဒေသစ်အဆိုပြုလွှာ ပေါ်ပေါက် လာခြင်းဖြစ်သည်။

Ref: Daily Mail (စည်သူ)
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal