သမိုင်းဝင်နေ့ဖြစ်ကြောင်း ပြည်သူ့ လွှတ်တော်ဥက္ကဌပြောကြား

ဖေဖော်ဝါရီလ ၁ ရက်နေ့ကကျင်းပတဲ့ ပြည်သူ့လွှတ်တော် ပထမနေ့အစည်းအဝေးမှာ ပြည်သူ့လွှတ်တော်ဥက္ကဌအသစ် ဦးဝင်းမြင့် မိန့်ခွန်းပြောကြားနေစဉ်

ဒီကနေ့ဟာ မြန်မာ့နိုင်ငံရေးသမိုင်းကြောင်းမှာ ဒီမိုကရေစီအသွင်ကူးပြောင်းရေးအတွက်  ဂုဏ်ယူစရာကောင်း တဲ့ နေ့တစ်နေ့ဖြစ်ကြောင်း ပြည်သူ့လွှတ်တော် ဥက္ကဌအဖြစ် တင်မြှောက်ခံရတဲ့ ဦးဝင်းမြင့်က ပြောပါတယ်။

အမျိုးသားဒီမိုကရေစီအဖွဲ့ချုပ်ကိုယ်စားလှယ်တွေ အများစုတက်ရောက်တဲ့ ပြည်သူ့လွှတ်တော် ပထမနေ့အစည်းအဝေး ကို နေပြည်တော် ပြည်သူ့လွှတ်တော်မှာ ဒီကနေ့ မနက်က စတင်လိုက်ပြီး ဥက္ကဌအဖြစ် ရွေးချယ်တင်မြှောက်ခံရတဲ့ ဦးဝင်းမြင့်က အဖွင့်မိန့်ခွန်းမှာ ပြောကြားလိုက်တာဖြစ်ပါတယ်။

"ဒီနေ့ဟာ မြန်မာနိုင်ငံရေးသမိုင်းကြောင်းမှာ ဒီမိုကရေစီအသွင်ကူးပြောင်းရေးအတွက် ဂုဏ်ယူစရာနေ့ တစ်နေ့ဖြစ်ပါတယ်၊ အထွေထွေရွေးကောက်ပွဲ များကျင်းပပြီး၊ ပြုပြင် ပြောင်းလဲရေးအတွက် ပြည်သူ လူထုရဲ့ဆန္ဒနဲ့အညီ ဒုတိယအကြိမ် လွှတ်တော်ကြီး ပေါ်ပေါက်လာခြင်းဖြစ်ပါတယ်၊ ပြည်သူများ လိုလားမျှော်လင့်တောင်းတနေတဲ့ ဒီမိုကရေစီရေး၊ လူ့အခွင့်အရေးနဲ့ နိုင်ငံတော်ဖွံ့ဖြိုးတိုးတက်ရေး တို့အတွက် နိုင်ငံသူ၊ နိုင်ငံသားများက ၄င်းတို့ကိုယ်စားလုပ်ပိုင် ခွင့်လွှဲအပ်ခြင်းခံရတဲ့ ပုဂ္ဂိုလ်များဖြစ်ကြ ပါတယ်"

ဒုတိယဥက္ကအဖြစ် ကြံ့ခိုင်ဖွံ့ဖြိုးရေးပါတီက ကွတ်ခိုင်မြို့နယ် ပြည်သူ့လွှတ်တော် ကိုယ်စားလှယ် ဦးတီခွန်မြတ် ကို ရွေးချယ်တင်မြှောက်လိုက်ပါတယ်။

လွှတ်တော်အစည်းအဝေးကို ခေါ်ယူပေးပြီး လွှတ်တော်ကိုယ်စားလှယ်တွေရဲ့ စားဝတ်နေရေးနဲ့ သွားလာရေးအတွက် စီစဉ်ပေးတဲ့ နာယက သူရဦးရွှေမန်း ကိုလည်း ကျေးဇူးတင်ကြောင်းလည်း ပြောပါတယ်။

လွှတ်တော်ကိုယ်စားလှယ်တွေအနေနဲ့ မိမိတို့ရဲ့ အပြောအဆို အပြုအမူ အနေအထိုင်တွေက အရေးကြီးသလို မိမိတို့တွေးခေါ်မှုတွေဟာလည်း လူ့အခွင့်အရေး နဲ့ ဒီမိုကရေစီအရေးကို လိုလားကြတဲ့ နိုင်ငံသားတွေအတွက် စံနမူနာ ဖြစ်သင့်ကြောင်း ဦးဝင်းမြင့်က တိုက်တွန်းပြောကြားပါတယ်။

ပထမနေ့ ပြည်သူ့လွှတ်တော်အစည်းအဝေးကို ကိုယ်စားလှယ် ၄၃၃ ယောက်ရှိရာမှာ ၄ ဦးက ခွင့်ပန်ကြားခဲ့ပါတယ်။ ခွင့်ပန်ကြားသူတွေထဲမှာ လက်ရှိတာဝန်ယူထားဆဲ ဒုတိယသမ္မတ ဒေါက်တာစိုင်းမောက်ခမ်းနဲ့ ဦးဥာဏ်ထွန်း တို့လည်း ပါဝင်ပါတယ်။

ပြည်သူ့လွှတ်တော်မှာ အန်အယ်လ်ဒီက ၂၅၅ ၊ ကြံ့ခိုင်ဖွံ့ဖြိုးရေးပါတီက ၃၀ ၊ ရခိုင် အမျိုးသားပါတီက ၁၂ ၊ ရှမ်းတိုင်း ရင်းသားများ ဒီမိုကရေစီအဖွဲ့ချုပ်က ၁၂ ဦး စတဲ့ ပါတီပေါင်း ၁၁ ပါတီက ကိုယ်စားလှယ်တွေနဲ့ တသီးပုဂ္ဂလကိုယ်စား လှယ် ၁ ဦး စုစုပေါင်း ၃၂၃ ဦးဖြစ်ပါတယ်။ တပ်မတော်သားကိုယ်စားလှယ် ၁၁၀နဲ့ ပေါင်းလိုက်ရင် ကိုယ်စားလှယ် ၄၃၃ ဦးဖြစ်ပါတယ်။

RFA Burmese
http://www.rfa.org/burmese/news/winmyint-speech-parliament-02012016014613.html