မြေကြွက်တစ်ကောင်ကြောင့် ခရီးသည်တင် လေယာဉ်တစ်စင်း အရေးပေါ်ဆင်းသက်ရ

ဟန်ကျိုး ဖေဖော်ဝါရီ ၂၆

ခရီးသည်တင်လေယာဉ်တစ်စင်းအတွင်း မြေကြွက် တစ်ကောင် ပါရှိလာပြီး ခရီးသည်များစီးရာ အခန်းအတွင်း ဦးတည်ရာမဲ့ လျှောက်ပြေးနေသည်ကို တွေ့ရှိပြီးနောက် လေယာဉ်အား မူလထွက်ခွာခဲ့ရာ လေဆိပ်သို့ ပြန်လှည့်စေခဲ့ရကြောင်း Loong Air လေကြောင်းလိုင်းက ဖေဖော်ဝါရီ ၂၆ ရက်တွင် အတည်ပြုပြောကြားသည်။

အဆိုပါမြေကြွက်ကို မတွေ့ရှိမီ GJ8823 အမျိုးအစား ခရီးသည်တင်လေယာဉ်မှာ ဖေဖော်ဝါရီ ၂၆ ရက် နံနက် ၇ နာရီ ၇ မိနစ်တွင် ကျဲကျန်းပြည်နယ် မြို့တော်ဟန်ကျိုး မြို့မှ ထွက်ခွာခဲ့ကာ ယူနန်ပြည်နယ်ရှိ ဆစ်ဆောင် ပန်နားတိုင် ကိုယ်ပိုင်အုပ်ချုပ်ခွင့်ရစီရင်စုသို့ ဦးတည်သွား ရောက်ခြင်းဖြစ်သည်။ ယင်းမြေကြွက်မှာ ယဉ်ပါးအောင် မွေးမြူထားသော အိမ်မွေးတိရစ္ဆာန်တစ်ကောင် မဟုတ်ဘဲ လေယာဉ်အတွင်းသို့ မည်သို့မည်ပုံ ရောက်ရှိလာခဲ့သည်ကို စုံစမ်းစစ်ဆေးလျက်ရှိကြောင်း Loong Air လေကြောင်း လိုင်းက ဆိုသည်။ မြေကြွက်များမှာ လေယာဉ်ထိန်းချုပ်မှု စနစ်ကို ဖျက်ဆီးနိုင်သောကြောင့် လေယာဉ်တစ်စင်းအတွက် ကြီးမားသော ဘေးအန္တရာယ်ပေးနိုင်သည့် တိရစ္ဆာန်များဖြစ်သည်။

မြေကြွက်များမှာ အစားအသောက်တင် တွန်းလှည်းများ၊ အခြားကုန်ပစ္စည်းများမှတစ်ဆင့် လေယာဉ်အတွင်းသို့ ရောက်ရှိနိုင်ကြောင်း သတင်းရပ်ကွက်များက ပြောကြားသည်။ လေကြောင်းလိုင်း ဝန်ထမ်းများက လေယာဉ်အား ပိုးသတ်ဆေးများ ဖျန်းခဲ့ကြောင်း သိရသည်။ Loong Air လေကြောင်းလိုင်းမှာ ဟန်ကျိုးမြို့၌ မှတ်ပုံတင်ထား သော တန်ဖိုးနည်းလေကြောင်းလိုင်းတစ်ခုဖြစ်ပြီး တရုတ်နိုင်ငံအတွင်း ပြည်တွင်းခရီးစဉ် ၅ဝ ကျော် ပျံသန်းလျက်ရှိသည်။

ဆင်ဟွာ။
The Mirror Daily
https://www.facebook.com/TheMirrorDaily