 |
| Ramadi မြို့ကို ပြန်သိမ်းပိုက်ရေး တိုက်ပွဲပြင်းထန်နေ |
အီရတ်တပ်ဖွဲ့တွေဟာ IS စစ်သွေးကြွတွေ သိမ်းယူထားတဲ့ ရာမာဒီမြို့ကို ပြန်လည်သိမ်းယူနိုင်ဖို့ ကြိုးစားနေတာမှာ ဒီကနေ့ အင်္ဂါနေ့မှာတော့ အီရတ်တပ်ဖွဲ့တွေနဲ့ စစ်သွေးကြွတွေကြား ရာမာဒီမြို့လယ်မှာ တိုက်ပွဲတွေ ဖြစ်ပွားခဲ့ပါတယ်။
အစိုးရအဆောက်အအုံ တခု အနီးတ၀ိုက်မှာ တိုက်ပွဲတွေ ဖြစ်ပွားနေတာ ဖြစ်ပြီး လေကြောင်းကနေ စစ်ကူဝင်တိုက်ပေးနေတယ်လို့ အီရတ်နိုင်ငံရဲ့ အကြမ်းဖက်ဝါဒ တန်ပြန်တိုက်ဖျက်ရေးဌာန ပြောခွင့်ရပုဂ္ဂိလ် Sabah-al-Numani က ပြောပါတယ်။ ရှေ့ဆက်တိုးနိုင်ဖို့ ကြိုးစားနေတဲ့ အီရတ် တပ်ဖွဲ့တွေက လမ်းဘေးထောင်ဗုံးတွေကိုလည်း ရှင်းလင်းနေကြပါတယ်။ ညွန့်ပေါင်းတပ်ဖွဲ့တွေရဲ့ တိုက်လေယာဉ်တွေကနေ ရာမာဒီမြို့ဆင်ခြေဖုံးက IS စစ်သွေးကြွတွေကို လေကြောင်းကနေ တိုက်ခိုက်နေပါတယ်။
ပြီးခဲ့တဲ့ မေလက ရာမာဒီမြို့ကို လက်လွှတ်လိုက်ရတာဟာ အီရတ်အစိုးရနဲ့ အီရတ်တပ်ဖွဲ့တွေ အတွက်တော့ ဆုံးရှုံးမှုဖြစ်ပါတယ်။ ဘက်ဂဒတ်မြို့ အနောက်ဘက် ကီလိုမီတာ ၁၀၀ လောက်မှာ ရှိတဲ့ ရာမာဒီမြို့ကို ပြန်သိမ်းယူနိုင်ဖို့ ကြိုးပမ်းနေတာတွေနဲ့ ရာမာဒီမြို့မှာရှိတဲ့ စစ်သွေးကြွတွေကို အထောက်အကူပေးနေတဲ့ လမ်းကြောင်းတွေကို ဖြတ်တောက် နိုင်ဖို့ ဆောင်ရွက်နေတာတွေကတော့ လပေါင်းများစွာ ကြာမြင့်နေပါပြီ။
ရာမာဒီမြို့ ပြန်လည် သိမ်းယူနိုင်ရေး အပြင်းအထန် ထိုးစစ်ဆင်မှုတွေကိုတော့ ပြီးခဲ့တဲ့လက စတင်ခဲ့တာ ဖြစ်ပါတယ်။
VOA Burmese
http://burmese.voanews.com
Ramadi မြို့ ပြန်သိမ်းပိုက်ရေး တိုက်ပွဲပြင်းထန်
Reviewed by Unknown
on
08:37
Rating:
Reviewed by Unknown
on
08:37
Rating:
