အာဖဂန်ပြည်သူ့စစ်အဖွဲ့က လက်တုံ့ပြန်သည့်အနေဖြင့် ISIS စစ်သွေးကြွ လေးဦးကို ခေါင်းဖြတ်ကွပ်မျက်

ကဘူးလ် ၊ ၂၉-၁၂-၂ဝ၁၅

အာဖဂန်ပြည်သူ့စစ် အဖွဲ့သည် ISIS စစ်သွေးကြွ အဖွဲ့ကို လက်တုံ့ပြန်သည့် ၄င်းတို့ ဖမ်းဆီးရမိခဲ့သည့် စစ်သွေးကြွ လေးဦးကို နန်ဂါဟာပြည်နယ် ၌ ခေါင်းဖြတ်ကွပ်မျက် ခဲ့ကြောင်း သိရသည်။

အာဖဂန်ဥပဒေပြု အမတ်များနှင့် လွှတ်တော်ဒုတိယဥက္ကဋ္ဌ ဟာဂျီဇာဟာ ကို သစ္စာခံသည့် ပြည်သူ့စစ် အဖွဲ့သည် ၄င်းတို့ ခေါင်းဖြတ်ကွပ်မျက် ထားသော ISIS စစ်သွေးကြွ များ၏ ဦးခေါင်းများကို နန်ဂါဟာ ပြည်နယ် အရှေ့ပိုင်း အေချင်ခရိုင်ရှိ အဓိက လမ်းမကြီး၏ ဘေးတွင် လူအများ မြင်သာအောင် ချိတ်ဆွဲပြသ ထားသည်။

ယင်း ပြည်သူ့စစ်အဖွဲ့သည် ၄င်းတို့၏ အဖွဲ့ဝင်လေးဦးကို ISIS စစ်သွေးကြွ အဖွဲ့က ဖမ်းဆီး၍ ခေါင်းဖြတ်ကွပ်မျက် ခဲ့သောကြောင့် အလားတူပုံစံ မျိုးဖြင့် ပြန်လည် လက်တုံ့ပြန်ရန် ဆုံးဖြတ်ခဲ့ခြင်း ဖြစ်ကြောင်း ဇာဟာ က သတင်းထောက် များကို ပြောကြားခဲ့သည်။

လက်တုံ့ပြန်ခြင်းသည် ချိုမြိန်သော အောင်မြင်မှုတစ်ခု မဟုတ်ကြောင်း၊ အပြန်အလှန် သတ်ဖြတ် နေခြင်းဖြင့် အပြစ်မဲ့သော လူသားများသေဆုံး နေရကြောင်း ၄င်းက ထပ်လောင်း ပြောကြားခဲ့သည်။ အဆိုပါ ဖြစ်ရပ်နှင့် စပ်လျဉ်း၍ အစိုးရဘက်မှ တာဝန်ရှိ သူများကလည်း ပြင်းပြင်းထန်ထန် ဝေဖန် ထားသည်ဟု သိရသည်။

ဟာဂျီဇာဟာ၏ ပြည်သူ့စစ် အဖွဲ့သည် ပြီးခဲ့သည့် ရက်သတ္တပတ် အနည်းငယ် ကတည်းက အာဖဂန်နစ္စတန် နိုင်ငံကို လွှမ်းမိုးရန် ကြိုးပမ်းနေသည့် ISIS စစ်သွေးကြွ အဖွဲ့အား စတင်၍ တိုက်ခိုက် ချေမှုန်းလျက် ရှိသည်။ ISIS စစ်သွေးကြွ အဖွဲ့နှင့် ပြည်သူ့စစ်အဖွဲ့၏ အပြန်အလှန် တိုက်ခိုက်မှု များသည် ယခုအခါ ပိုမိုပြင်းထန်လျက် ရှိကြောင်း သိရသည်။



(Pyi Chit Thar)

http://www.pyichitthar.com