မိုင်းနောင်မြို့ တပ်ဌာနချုပ်အား တိုက်ခိုက်မှု ၎င်းတို့နှင့်မပတ်သက်ဟု SSPP ပြော

 နိုဝင်ဘာလ ၁၁ ရက် ၂၀၁၅

 သျှမ်းပြည်တောင်ပိုင်း မိုင်းနောင်မြို့နယ်တွင် နိုဝင်ဘာလ ၁၀ ရက်နေ့ က ဖြစ် ပွါးခဲ့သော တပ်ဌာနချုပ် တိုက်ခိုက်မှုဖြစ်စဉ်တွင် သျှမ်းပြည်တိုးတက်ရေး ပါတီနှင့် ပတ်သက်ခြင်းမရှိကြောင်းကြေငြာချက် တစောင် ထုတ်ပြန်လိုက် သည်။

နိုဝင်ဘာ ၁၁ ရက်ကထုတ်ပြန်သည့် ကြေငြာချက်တွင် အချက် ၅ ချက်ပါရှိရာ နိုဝင်ဘာလ ၉ ရက်နေ့ည က မိုင်းနောင် စကခ ၂ တပ် မှ ညလုံးပေါက် လက် နက်ကြီး လက်နက်ငယ်များဖြင့် အရပ် ၄ မျက်နှာသို့ ပစ်ခတ်ပြီးနောက် နိုဝင် ဘာလ ၁၀ ရက်နေ့မနက်ပိုင်းတွင်လည်း အစိုးရတပ်မှ Mi-35 တိုက်လေ ယာဉ် ၂ စီး MiG-29 ဂျက်တိုက်လေယာဉ် ၁ စီးတို့ဖြင့် ဝမ့်ဟိုင်းဌာနချုပ်သို့ တိုက်ခိုက်ခဲ့သည်ဟုဆိုသည်။

ဝမ့်ဟိုင်းမြို့လယ် ဝေပုလ္လဘုန်းတော်ကြီးကျောင်းအတွင်းကျရောက်ပေါက်ကွဲသဖြင့် ကျောင်းတိုက် ပျက်စီးခဲ့သည်။ ထိုမှအပြန် မိုင်းနောင်ရပ်ကွက် ၁ တွင် ဗုံးကြဲရာ ရဲသား ၂ ဦးထိခိုက်ဒဏ်ရာရခဲ့ပြီး အရပ်သားနေအိမ် ၃ လုံး ထိခိုက် ပျက်စီးကာ တလုံးမီးလောင်ခဲ့သည် - အစရှိပါရှိပါသည်။

“ မိုင်းနောင် စကခ ၂ ကိုကျနော်တို့သွားရောက်ပစ်ခတ်တိုက်ခိုက်ဖို့ ဘာ အကြောင်းမှမရှိဘူး။ ကျနော်တို့ ဘက် က တိုက်ခိုက်ချင်တဲ့ဆန္ဒရှိရင် အစိုးရ တပ်က မိုင်းနောင်တနေရာတည်းမှာရှိတာမှမဟုတ်တာ။ ဒါကျနော် တို့ကို အပြစ်ရှာချင်တာ။ မိုင်းနောင်နဲ့ ဝမ့်ဟိုင်းက မိုင် ၂၀ လောက်ဘဲဝေးတာ။ အဲ့ဘက်မှာ ကျနော်တို့ တပ်သွားမလှုပ်ရှားဘူး။ ကျနော်တို့တပ် မရှိဘူး အဲ့ဖက်မှာ ” - ဟု သျှမ်းပြည်တိုးတက်ရေး ပါတီမှ ပြောခွင့်ရ ဗိုလ်မှူးကြီး စိုင်းလက သျှမ်းသံတော်ဆင့် အားပြောသည်။

“အဲဒါကို သူတို့လာရောက်တိုက်ခိုက်တယ်။ ကျနော်တို့ သူတို့ကို သွားတိုက် တာ မလုပ်သေးဘူး။ ကျနော် တို့ ဆီဦးတည်လာနေလို့ ရင်ဆိုင်ပက်ပင်း တိုးမိ တဲ့တိုက်ပွဲတွေအားလုံးဟာ ကျနော်တို့က ကိုယ့်ကိုယ် ကိုကာကွယ်တဲ့ အဆင့် ဘဲဖြစ်နေတယ်။ စတင်ပစ်ခတ်တာ မရှိခဲ့ပါဘူး။ အကောင်းဘဲ လိုချင်ပါတယ်။ ငြိမ်းချမ်းစွာဖြေရှင်းတာဘဲ ဖြစ်ချင်ပါတယ်” ဟု ဗိုလ်မှူးကြီးစိုင်းလ ကပြော သည်။

နိုဝင်ဘာလ ၁၀ ရက်နေ့ညက မြ၀တီရုပ်မြင်သံကြားက သတင်းထုတ်ပြန်ရာ တွင်- သျှမ်းပြည် တောင် ပိုင်း ကျေးသီးမြို့နယ် မိုင်းနောင်မြို့ရှိ တပ်ဌာနချုပ် သို့ ဝမ့်ဟိုင်းအဖွဲ့က အင်အား ၁၂၀ ခန့်သုံးကာ နိုဝင်ဘာလ ၉ ရက် ည ၇ နာရီ ၄၅ မိနစ်တွင် လက်နက်ကြီးလက်နက်ငယ်ဖြင့် ပစ် ခတ်ခဲ့ပြီး ရဲစခန်း အား လည်း ဗုံးပစ်လောင်ချာများဖြင့် ပစ်ခတ်ခဲ့သည်ဟု ပါရှိပါသည်။ အဆိုပါ သတင်းသည် နိုဝင်ဘာ လ ၁၁ ရက်ထုတ် မြန်မာ့အလင်းသတင်းစာ ၏ နောက်ကျော ဖုံးတွင်လည်းဖော်ပြထားသည်။

သျှမ်းပြည်တပ်မတော် SSPP/SSA သည် ၂၀၁၂ ခု နှစ်ဦးပိုင်းက မြန်မာ အစိုး ရ နှင့် ပြည်နယ်အဆင့် ပြည်ထောင်စု အဆင့် အပစ်ရပ်စာချုပ် ချုပ်ဆိုကာ ငြိမ်းချမ်းရေးတည်ဆောက်ထားသည့်တပ်ဖွဲ့ဖြစ် သည်။ သည့်အပြင် တတိုင်ြး ပည် လုံး ပစ်ခတ်တိုက်ခိုက်မှု ရပ်စဲရေး စာချုပ် NCA လည်း မြန်မာအစိုးရ ၏ ပြည်ထောင်စုငြိမ်းချမ်းရေးဖေါ်ဆောင်ရေး လုပ်ငန်းကော်မတီ နှင့် ပူတွဲရေး ဆွဲထားသည့် တိုင်းရင်း သားလက်နက်ကိုင်တပ်ဖွဲ့တခုဖြစ်သည်။ သို့သော် အဆိုပါ စာချုပ် ချုပ်ဆိုရန် အားလုံးပါဝင်မှ လက် မှတ်ရေးထိုးမည် ဆိုသည့် အချက်ကို မြန်မာအစိုးရ က လက်မခံသောကြောင့် လက်မှတ်ထိုးရန် အဆင်သင့်မဖြစ်သေးဘူးဟု ပြောဆိုထားသည့် တပ်ဖွဲ့ဖြစ်သည်။

သျှမ်းသံတော်ဆင့်
https://www.facebook.com/Panglong.burmese