သူ့လူကိုယ့်ဘက်သား [သရ၀ဏ် (ပြည်)]

၂၀၁၆ နှစ်ဆန်းပိုင်းတွင် တက်လာမည့်အစိုးရအတွက် စိန်ခေါ်မှုများစွာ၊ အခက်အခဲများစွာက စောင့်ကြိုနေ သည်။ ထိုအခက်အခဲများထဲမှတခုမှာ အစိုးရယန္တယားအတွင်း ယခင်အစိုးရမှ ထည့်သွင်းမြှုပ်နှံသွားသည့် ပဉ္စမံတပ်သားများဖြစ်သည်။ ထိုပဉ္စမံတပ်သားများသည် အသွင်အမျိုးမျိုးဖြင့် နေရာယူထားပြီးဖြစ်သည်။ အစိုးရ အဖွဲ့အတွင်း ပထမဆုံးခြေကုပ်ယူသွားပြီးသော ရာထူးနေရာများမှာ ရွေးကောက်ပွဲမတိုင်ခင် ခုနစ်လခန့်ကမှ အချိန်ကိုက်ခန့်အပ်ခဲ့သည် အမြဲတမ်းအတွင်းဝန်(Permanent Secretary)ဟူသော ရာထူးဖြစ်သည်။ ထိုရာထူး သည် ဒုဝန်ကြီး၏အောက်တဆင့်၊ ညွှန်ကြားရေးမှူးချုပ်၏အထက်ဖြစ်သည်။ ညွှန်ကြားရေးမှူးချုပ်၏ရာထူးမှာ တလလျှင် ကျပ်ငါးသိန်းရပြီး အမြဲတမ်းအတွင်းဝန်၏ လစာမှာ တလလျှင် ကျပ်ခုနစ်သိန်းဖြစ်သည်။ ထိုအမြဲ တမ်းအတွင်းဝန်ရာထူးသည် အင်္ဂလိပ်ခေတ်နှင့် ဦးနု၏ပါလီမန် ဒီမိုကရေစီအစိုးရခေတ်တွင်ပါ ကျင့်သုံးခဲ့သော ရာထူးဖြစ်ပြီး ၁၉၆၂ ခုနှစ် ဦးနေ၀င်းဦးဆောင်၍ တပ်မတော်မှ အာဏာသိမ်းအပြီးတွင် ဖျက်သိမ်းခဲ့သောရာထူး ဖြစ်သည်။ အမြဲတမ်းအတွင်းဝန်ရာထူး၏သဘောတရားမှာ ဒီမိုကရေစီစနစ်တွင် ၀န်ကြီးများသည် ငါးနှစ်တခါ အနိုင်ရ ပါတီမှခန့်အပ်သဖြင့် တက်လာလိုက် ဆင်းသွားလိုက်ဖြစ်နေရာတွင် ၀န်ကြီးဌာနကို ထိန်းကျောင်း မောင်းနှင်နိုင်မည့် လူဟောင်းတဦး ရာထူးတွင်အမြဲရှိနေပါက အရှိန်အဟုန်မပျက် လုပ်ငန်းများကို ဆက်လက် အကောင်အထည်ဖော်ဆောင်ရွက်နိုင်ရန်၊ မပြီးပြတ်သေးသော စီမံကိန်းများကိုပေါ်လစီပိုင်းအရ ဆက်လက် ကိုင်တွယ်သွားနိုင်၊ စီမံခန့်ခွဲမှု ခါးဆက်ပြတ်မသွားရန်ဖြစ်၍ မူရင်းရည်ရွယ်ချက်မှာ ကောင်းမွန်သည်ဟု ဆိုရပေ မည်။ သို့သော် မြန်မာနိုင်ငံတွင် အမြဲတမ်းအတွင်းဝန်ရာထူးကိုခန့်သောအခါ မကောင်းကွက်နှစ်ခုရှိနေ သည်ဟု ထင်မြင်မိသည်။ ပထမအချက်မှာ လူကိစ္စဖြစ်သည်။ အင်္ဂလိပ်အစိုးရလက်ထက်နှင့် ဦးနုအစိုးရလက်ထက် များတွင် အမြဲတမ်းအတွင်း ၀န်ရာထူးကို အများအားဖြင့် အရပ်သားထဲမှ ကျွမ်းကျင်ပညာရှင်များသာ ခန့်အပ်ခံရ လေ့ရှိသည်။ အိုင်စီအက်(စ်)ဘွဲ့ရ စသော အုပ်ချုပ်ရေးဘက် ကျွမ်းကျင်သူများ၊ သက်ဆိုင်ရာနယ်ပယ်တွင် အတော်ဆုံးသောပညာရှင်များကိုသာ မျက်နှာမလိုက်ပဲ လူမှန်နေရာမှန်ခန့်ထားခဲ့ကြသည်။ ထို့အပြင် အင်္ဂလိပ် အစိုးရနှင့် ဦးနုအစိုးရလက်ထက်က ယခုလိုဝန်ကြီးဌာနများလိုသည်ထက်ပို၍ မဖောင်းပွသေးပေ။ ဒုဝန်ကြီးဆို သူများလည်း ယခု ခေတ်လိုတဌာနတွင် နှစ်ယောက်နှုန်းမရှိပေ။ ယခုအခါ ၀န်ကြီးတဦး၊ ဒုဝန်ကြီးနှစ်ဦး၊ အမြဲတမ်းအတွင်းဝန်၊ ဒုညွှန်ချုပ်၊ ဦးဆောင်ညွှန်ကြားရေးမှူး၊ ညွှန်ကြားရေးမှူး၊ ဦးစီးမှူး၊ ဒုဦးစီး စသည်ဖြင့် ကိစ္စတခုပြီးဖို့ တသီတတန်းကြီးစားပွဲများစွာကို ကြိုးနီစနစ်ဖြင့် ဖြတ်သန်းရပေဦးမည်။ ဦးသိန်းစိန်အစိုးရ လက်ထက်တွင် မြန်မာနိုင်ငံ၏၀န်ကြီးဌာနအသီးသီးတွင် အရာရှိပိုင်းသည် တပ်မတော်မှ ပြောင်းရွှေ့လာသူတွေ သာများခဲ့သည်။ ညွှန်ချုပ်၊ ဒုညွှန်ချုပ်ဆိုသောရာထူးကို တပ်မှ ပြောင်းရွှေ့လာသော မိုးကျရွှေကိုယ်များကိုသာ ပေးအပ်ခန့်ထားခဲ့တာများသည်။ ထိုသူများသည် လုပ်ငန်းပိုင်းနှင့်ပတ်သက်၍ သက်ဆိုင်ရာနယ်ပယ်တွင် အတော်ဆုံးလူများဟု သေချာပေါက်မပြောနိုင်သော သူများသာများပါသည်။ အမြဲတမ်း အတွင်းဝန်ရာထူးများ ပေါ်ပေါက်လာသောအခါ မည်သူတွေကို ရာထူးခန့်ထားခဲ့ပါသနည်း။ ဦးသိန်းစိန်အစိုးရလက်ထက်တွင်လက်ရှိ ညွှန်ကြားရေးမှူးချုပ်များကိုသာ ရာထူးတဆင့်တိုးကာ အမြဲတမ်းအတွင်းဝန်ဟူ၍ ခန့်ထားခဲ့ခြင်းဖြစ်ရာ ထိုသူများ သည် တပ်မှလာသောသူများ၊ ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီနှင့် အလွန်နီးစပ်သူများသာဖြစ်သည်။ သေချာသည်က NLD ပါတီကို ထောက်ခံသော မည်သည့်ပုဂ္ဂိုလ်တဦးတယောက်မျှ အမြဲတမ်းအတွင်းဝန် ရာထူးကို မဆိုထားနှင့် လက်ထောက်ညွှန်ကြားရေးမှူးရာထူးကိုပင် ရခဲ့ခြင်းမရှိခဲ့ချေ။ သေချာသည်ကတော့ အမြဲတမ်း အတွင်းဝန်အားလုံးသည် တပ်မတော်သားဟောင်းများ (သို့မဟုတ်)ကြံ့ခိုင် ရေးပါတီနှင့်နီးစပ်သူများ ဖြစ်သည်။ ရာထူးခန့်ထားရာတွင် လူမှန်နေရာမှန်ဖြစ်မှုထက် ရှိပြီးသားလူများကို တဆင့်တိုးရာထူးပေးလိုက် ခြင်းက များသည်။ တပ်မတော်မှလာသောသူသာများပေသည်။ ဤသည်က ထောက်ပြစရာ အကြောင်း တချက်ဖြစ်သည်။
ဒုတိယထောက်ပြလိုသောအချက်မှာ ရာထူးခန့်အပ်လိုက်သော အချိန်ဖြစ်သည်။ ဗိုလ်ချုပ်နေ၀င်းအုပ်စိုးခဲ့သော တောင်လှန်ရေးကောင်စီနှင့်မဆလပါတီ (၂၆)နှစ်သက်တမ်းအတွင်းမှာလည်း အမြဲတမ်းအတွင်း ၀န်ရာထူးကို အသက်မသွင်းခဲ့၊ ဗိုလ်ချပ်မှူးကြီးစောမောင်နှင့် ဗိုလ်ချုပ်မှူးကြီးသန်းရွှေအုပ်ချုပ်ခဲ့သော န၀တ၊ နအဖသက်တမ်း (၁၉၈၈ မှ ၂၀၁၀) အတွင်းမှာလည်း အမြဲတမ်းအတွင်းဝန်ဟူ၍ ၀န်ကြီးဌာနများမှာမရှိခဲ့။ အရပ်သားအစိုးရဟု ကြွေးကြော်ကာတက်လာသော ဦးသိန်းစိန်အစိုးရ၏ ပထမလေးနှစ်သက်တမ်း (၂၀၁၀-၂၀၁၄)တွင်လည်း အမြဲတမ်း အတွင်းဝန်ဟူ၍မရှိခဲ့။ ၂၀၁၅ သို့ရောက်လာပြီး နိုဝင်ဘာလတွင် ရွေးကောက်ပွဲကြီးကျင်းပတော့ မည်ဟု သေချာသွားသောအခါ NLD ပါတီနှင့် ဒေါ်အောင်ဆန်းစုကြည်တို့ လူထုထောက်ခံမှု အားကောင်းနေ သောအခါ လွှတ်တော်တွင် အချိုးကျကိုယ်စားပြုစနစ်(PR) ကျင့်သုံးခြင်းမပြုရန် လွှတ်တော်က ဆုံးဖြတ် လိုက်သောအချိန် ရွေးကောက်ပွဲကျင်းပရန် ခုနစ်လမျှပဲ ကျန်တော့သည့်အချိန်တွင်မှ ရုတ်တရက်ကောက်ကာ ငင်ကာ အမြဲတမ်းအတွင်းဝန်ရာထူးခန့်ထားဖို့ စီစဉ်လာခြင်းသည် တိုက်ဆိုင်မှုတော့ မဟုတ်ပေ။ အင်္ဂလိပ် ခေတ်က ကျင့်သုံးခဲ့သောစနစ်တခုကို (၅၃)နှစ်လုံးလုံး မေ့လျော့နေပြီး ယခုမှကောက်ကာငင်ကာ သတိရ လာခြင်းမှာ သွေးရိုးသားရိုးဟုတ်မဟုတ် သံသယဖြစ်လာလျှင်ဖြစ်သူမှာ မလွန်ဟုပြောရပေမည်။ ဦးသိန်းစိန် အစိုးရတက်လာလာခြင်း ထိုစနစ်ကိုအကောင် အထည်ဖော်ခဲ့လျှင် ယုတ္တိရှိသေး၏။ အစိုးရသက်တမ်းကုန်ကာ နီးမှ ထိုရာထူးနေရာတီထွင်ဖို့ အကြံရလာခြင်းကား အံ့ဖွယ်သရဲရှိလှ၏။ ထို့ကြောင့် ဤကိစ္စသည် မီးဇာကုန် ဆီခန်းတော့မည့် အစိုးရအဖွဲ့တဖွဲ့အနေနှင့် မိမိဘက်တော်သားများကို ၀န်ကြီးဌာနအားလုံး၏အရေးပါသော ၀န်ထမ်းအကြီးဆုံးရာထူးများတွင် အတွင်းလူအဖြစ် ထည့်သွင်းနေရာချ ထားခြင်းလားဟု တွေးတောမိပါသည်။

ကျွန်တော်ကဲ့သို့ တွေးတောမိသူမှာ NLD ပါတီမှ လွှတ်တော်ကိုယ်စားလှယ် ဒေါက်တာမြတ်ဥာဏစိုး ဖြစ်ဟန်ရှိသည်။ အဘယ့်ကြောင့်ဆိုသော် အမြဲတမ်းအတွင်းဝန်ရာထူးများ တီထွင်ခန့်အပ်ရန် အစိုးရကလွှတ် တော်တွင် တင်သွင်းအတည်ပြုချက်ယူစဉ်က ဒေါက်တာမြတ်ဥာဏစိုးသည် အရေးကြီးအဆိုတင်သွင်းကာ ထိုရာထူးခန့်ထားမှုစနစ်ကို ကန့်ကွက်ခဲ့သောကြောင့် ဖြစ်သည်။ ၂၀၁၅ ဧပြီလ ၈ ရက်က လွှတ်တော်တွင် အရေးကြီးအဆိုတင်သွင်းရာ၌ ''ဒီအမြဲတမ်းအတွင်းဝန်ရာထူးခန့်ထားရေး အဆိုကိုကန့်ကွက်ရတဲ့ အကြောင်း ရင်းနှစ်ချက်ရှိပါတယ်။ ပထမအချက်ပြောချင်တာကာ ဒီအမြဲတမ်းအတွင်းဝန်ဆိုတဲ့ရာထူးကို ၂၀၁၆ ခုနှစ် မတိုင်မီမှာ မခန့်အပ်ဖို့ ပြည်ထောင်စုအစိုးရကို တိုက်တွန်းလိုပါတယ်။ ဒုတိယအကြောင်းကတော့ အဲဒိ ရာထူးတွေကိုချီးမြှင့်မယ့် လစာငွေစနစ်ဟာ တည်ဆဲပြည်သူ့ဝန်ထမ်းစည်းမျဉ်းတွေနဲ့ မညီညွတ်ပါဘူး''ဟု ထောက်ပြကန့်ကွက်ခဲ့သည်။ အမြဲတမ်းအတွင်းဝန် (PS) ရာထူးပိုင်ရှင်သည် တလလျှင် လစာငွေကျပ်ခုနစ်သိန်း ရရှိမည်ဖြစ်သည်။ ဒေါက်တာမြတ်ဥာဏစိုးက ''အမြဲတမ်းအတွင်းဝန်ရာ ထူးခန့်ထားမှုကြောင့် ဗဟိုချုပ်ကိုင်မှု ပိုများလာပြီး ဗျူရိုကရေစီယန္တယားမှာ ကြိုးနီစနစ် ပိုပြီးထွန်းကားလာမှာမို့ အပြင်းအထန်ကန့်ကွက်ပါတယ်'' ဟု ပြောကြားခဲ့သည်။ သို့သော်လည်း ကြံ့ခိုင်ရေးအမတ်အများစုဖြစ်နေသော ပြည်ထောင်စုလွှတ်တော်က ထိုအဆို ကို အတည်ပြုခဲ့ပါသည်။ ယခုအခါ မြန်မာအစိုးရ၀န်ကြီးဌာန အသီးသီးတွင် အမြဲတမ်းအတွင်းဝန်ဆိုသော ရာထူးများ တည်ရှိနေပြီဖြစ်သည်။ ထိုသူများသည် အမြဲတမ်းအတွင်းဝန်ရာထူးကိုမရရှိမီ နေပြည်တော်တွင် ရက်သတ္တခြောက်ပတ်ခန့် သင်တန်းတက်ခဲ့ရသည်ဆို၏။ တလခွဲခန့် အမြန်သင်တန်းနှင့်ခန့်ခဲ့သော ရာထူးဖြစ် သည်။ ထို့ကြောင့် NLD မှတက်လာသော အစိုးရအဖွဲ့သည် ၀န်ကြီးနှင့် ဒုဝန်ကြီးအသစ်များကို ခန့်အပ်လိုက် သော်လည်း ယခင်အစိုးရချန်ထားခဲ့သော အမြဲတမ်း အတွင်းဝန်များက ရှိမြဲနိုင်ငံ့ဝန်ထမ်းများ၏ရာထူးအကြီးဆုံး သောခေါင်းဆောင်များအဖြစ် ကျန်ရှိနေမည်ဖြစ်သည်။ ဤကား ပထမပဉ္စမံတပ်သားပေတည်း။

ဒုတိယအတွင်းလူများကား ရှိသေးသည်။ ထိုလူများကား ပြည်နယ်အစိုးရနှင့် တိုင်းဒေသကြီးအစိုးရအဖွဲ့ အတွင်းရေးမှူးမှာ သမ္မတအသစ်က ခန့်အပ်ခွင့်ရမည်မဟုတ်။ ဖွဲ့စည်းပုံအခြေခံဥပဒေပုဒ်မ ၂၆၀ အရ တိုင်း ဒေသကြီး (သို့မဟုတ်)ပြည်နယ်အထွေထွေ အုပ်ချုပ်ရေးဦးစီးဌာနအကြီး အမှူးသည် ရာထူးအလျောက် သက်တိုင်ရာတိုင်းဒေသကြီး (သို့မဟုတ်) ပြည်နယ်အစိုးရအဖွဲ့၏ အတွင်းရေးမှူးဖြစ်သည်ဟု ဖော်ပြထား၏။ ဆိုလိုသည်မှာ တိုင်းအစိုးရ၊ ပြည်နယ်အစိုးရအဖွဲ့၏ အသည်းနှလုံးသဖွယ်ဖြစ်သော အစိုးရအဖွဲ့ အတွင်းရေးမှူး သည် ရွေးကောက်ခံလည်းမဟုတ်၊ သမ္မတက ခန့်အပ်သူလည်းမဟုတ်ဘဲ တပ်မတော်ကာကွယ်ရေးဦးစီးချုပ်က ခန့်အပ်သော ပြည်ထဲရေးဝန်ကြီးလက်အောက်ခံ တပ်မတော်သား တယောက်ဖြစ်နေခြင်းဖြစ်သည်။ ပြည်နယ် နှင့်တိုင်း ၁၄ ခု၏အစိုးရအဖွဲ့ ၁၄ ခုတွင် တပ်မတော်မှလာသော လူ ၁၄ ယောက်သည် အစိုးရအဖွဲ့အတွင်းရေး မှူးနေရာတွင် အလိုလျောက် ပါဝင်ခွင့်ရနေမည်ဖြစ်သည်။ ထိုသူ ၁၄ ယောက်သည် NLD တင်မြှောက်သော သမ္မတက ရွေးချယ်ခန့်ထားသည် ၀န်ကြီးချုပ်နှင့် လက်တွဲအလုပ်လုပ်ရမည်ဖြစ်သဖြင့် ပြည်နယ်နှင့်တိုင်းအစိုးရ များ၏ အတွင်းရေးသည် ထိုသူများမှတဆင့် တပ်မတော်သို့ အမြဲတမ်းပေါက်ကြားနေမည်ဖြစ်သည်။ ထိုသူ ၁၄ ဦးသည်လည်း ရွေးကောက်ပွဲမှတက်လာသောအစိုးရထက် သူ၏မိခင်တပ်ရင်းဖြစ်သော တပ်မတော်ကိုသာပို၍ သစ္စာခံပေလိမ့်မည်။ ပြည်နယ်နှင့် တိုင်းဒေသကြီး ၀န်ကြီးချုပ်၏အမိန့်အာဏာထက်သူ၏ တိုက်ရိုက်အလုပ်ရှင် Boss ဖြစ်သော ပြည်ထဲရေးဝန်ကြီးကိုသာပို၍ အားကိုးမည်ဖြစ်သည်။ အဘယ်ကြောင့်ဆိုသော် အထွေထွေ အုပ်ချုပ်ရေးဦးစီးဌာနသည် ပြည်ထဲရေးဝန်ကြီးလက်အောက်တွင်ရှိပြီး ပြည်ထဲရေးဝန်ကြီးမှာ တပ်မတော်မှလာ သော ဗိုလ်ချုပ်များသာ ဖြစ်ခွင့်ရှိသောကြောင့်ဖြစ်သည်။
ဤသည်ကား အုပ်ချုပ်ရေးယန္တရားတွင် ရောက်ရှိနေသော တပ်မတော်ဘက်မှ လူများဖြစ်သည်။ တရားစီရင်ရေး သည်လည်း မြှုပ်ကွက်များ ရှိနေပါသည်။ နိုင်ငံတော်သမ္မတသည် ပြည်ထောင်စုတရားသူကြီးချုပ်ကို ခန့်ရမည်။ သို့သော် သမ္မတသစ်တယောက်တက်တိုင်း ပြည်ထောင်စုတရားသူကြီးချုပ်အသစ်တယောက်က ခန့်ခွင့်ရှိသည် တော့မဟုတ်။ သမ္မတဦးသိန်းစိန်ခန့်ခဲ့သော ပြည်ထောင်စုတရားသူကြီးချုပ် ဦးထွန်းထွန်းဦးသည် အသက်(၇၀) မပြည့်မချင်း ရာထူးမှာမြဲနေမည်ဟု ဖွဲ့စည်းပုံအခြေခံဥပဒေပုဒ်မ ၃၀၃ တွင် ပါရှိပေ၏။ ထိုပြည်ထောင်စုတရား သူကြီးချုပ်မှာလည်း ဤရာထူးတွင် ဦးသိန်းစိန်က ခန့်အပ်ချိန်တွင် တပ်မတော်တွင် တာဝန်ထမ်းဆောင် နေသော ဥပဒေပညာရှင်ဖြစ်သည်။ အရပ်သားဥပဒေ ပညာရှင်များစွာရှိသည့်အနက် တပ်မတော်မှ ဥပဒေပညာ ရှင်တယောက်ကို ပြည်ထောင်စုတရားသူကြီးချုပ်ရာထူးတွင် ခန့်အပ်လိုက်ပြီး ထိုရာထူးသည် အသက်(၅၉)နှစ် ရှိပြီဖြစ်သော လက်ရှိတရားသူကြီးချုပ် အသက် (၇၀)အထိ (သက္ကရာဇ် ၂၀၂၆ ခုနှစ်အထိ) ဆက်လက်သက် တမ်းရှိမည်ဖြစ်ကြောင်း ဖွဲ့စည်းပုံတွင် ပြဋ္ဌာန်းထားခြင်းသည်လည်း တိုက်ဆိုင်မှုဟုတ်ဟန်မတူပေ။ တရား စီရင်ရေးတွင် အကြီးဆုံးရာထူးဖြစ်သော တရားသူကြီးချုပ်အား တပ်မတော်မှ သြဇာလွှမ်းမိုးနိုင်မည့်သူကို ခန့်အပ်ထားခဲ့ခြင်းဖြင့် တရားစီရင်ရေးမဏ္ဍိုင်သည် တပ်မတော်၏ သြဇာအောက်သို့ သွယ်ဝိုက်သောနည်းဖြင့် သွတ်သွင်းလိုက်ခြင်းဖြစ်သည်။ ထို့ကြောင့် တရားစီရင်ရေးမဏ္ဍိုင်သည် ဘက်လိုက်မှုကင်းမကင်းမှာ မေးခွန်း ထုတ်ဖွယ်ဖြစ်လာပေသည်။ ဗိုလ်ချုပ်ဟောင်းများကို NLD က အရေးယူမှု၊ ယခင်အစိုးရအဖွဲ့ဝင်ဟောင်းများကို ပြည်သူလူထုက တရားစွဲဆိုသော ကိစ္စများပေါ်ပေါက်ခဲ့လျှင် တရားစီရင်ရေးသည် မည်သူ့ဘက်က လိုက်မလဲဆို တာ စေ့စေ့တွေးလျှင် ရေးရေးပေါ်ပါလိမ့်မည်။
ဒုတိယကမ္ဘာစစ်အတွင်းက အင်္ဂလိပ်တို့သည် စစ်ရှုံး၍ ဆုတ်ခွာရသောအခါ ကစဥ့်ကလျားအားလုံးထွက်ပြေး သည်မဟုတ်။ ရှေ့မှဆုတ်သွားချိန်တွင် နောက်ချန်တပ်ဖွဲ့တဖွဲ့ကိုထားခဲ့ပြီး ဆုတ်ခွာသူများ ဘေးကင်းစေရန် နောက်မှလိုက်လာသူများကို ဟန့်တားသည့်နည်းဗျူဟာကို သုံးခဲ့သည်။ ထိုဗျူဟာအရ နောက်ချန်တပ်ဖွဲ့သည် ရန်သူများလိုက်မလာ နိုင်စေရန် တံတားများကို ဗုံးခွဲဖျက်ဆီးခြင်း၊ လောင်စာဆီကန်များကို မီးရှို့ဖျက်ဆီးခြင်း၊ ရန်သူ့သတင်းကို မိမိတပ်ဖွဲ့သို့ အကြောင်းကြားခြင်းစသည်တို့ကို ရည်ရွယ်ချက်ရှိရှိလုပ်ခဲ့ပေ၏။ ထို့ကြောင့်ပင် စစ်ကိုင်းတံတား၊ စစ်တောင်းတံတား စသည်တို့ကို အင်္ဂလိပ်က ဗုံးခွဲဖျက်ဆီးသွားခြင်းဖြစ်သည်။ ရေနံချောင်း၊ ချောက်ရေနံမြေမှ ရေနံတွင်းများကို သုံးမရအောင် အင်္ဂတေများဖျော်လောင်းခြင်း၊ မီးရှို့ဖျက်ဆီးခြင်း၊ ဧရာဝတီ မြစ်ထဲမှ သင်္ဘောများကို နစ်မြှုပ်ပစ်ခြင်းတို့ကို ဆောင်ရွက်ခြင်းဖြင့် နောက်မှလိုက်လာသူများ အနှောင့်အယှက် ဖြစ် အောင်ပြုလုပ်ကြ၏။ ရန်သူ့တပ်ဖွဲ့တွင် မိမိအတွင်း လူများထည့်ကာ ရန်သူ့သတင်းကို မပြတ်စုံစမ်းထောက် လှမ်းနေ၏။
ယခုအခါ ရွေးကောက်ပွဲနိုင်၍ တက်လာမည့်အစိုးရအဖွဲ့သည်လည်း ထိုနည်းဗျူဟာဆန်ဆန်ဖြစ်ရပ်မျိုးနှင့် ရင်ဆိုင်ရဖွယ်ရှိ၏။ ကာကွယ်ရေး၊ ပြည်ထဲရေး၊ နယ်စပ်ရေးရာဟူသော လက်နက်ကိုင်ဝန်ကြီးဌာနသုံးခုကို တပ်မတော်မှ တိုက်ရိုက်ကိုင်တွယ်ခြင်းဖြင့် ထိန်းချုပ်လိုက်၏။ ကျန်ရှိနေသေးသော စီးပွားရေး၊ လူမှုရေး၊ နိုင်ငံ ရေးနှင့်သက်ဆိုင်သော ၀န်ကြီးဌာနများမှာမူ NLD မှ စိတ်ကြိုက် ခန့်ထားသော ၀န်ကြီးများလက်အောက်သို့ ကျရောက်ပေတော့မည်။ ထိုဒဏ်ကိုကာပြန်ရန်အတွက် မိုးကျရွှေကိုယ်များကို အရေးပါသောဌာနများတွင် ဦးစီးမှူး၊ ညွှန်မှူး၊ လက်ထောက်ညွှန်ချုပ်၊ ညွှန်ချုပ်များအဖြစ် သွတ်သွင်းခန့်အပ်ပြီးရုံသာမက ထိုသူများအထက် တွင် အမြဲတမ်းအတွင်းဝန်ဟူသော ရာထူးများကို ပါတီတွင် ခန့်ထားလိုက်ပြီဖြစ်သည်။ အစိုးရအဖွဲ့ထဲတွင် လည်း ပြည်နယ်နှင့်တိုင်းဒေသကြီး အစိုးရအဖွဲ့ အတွင်းရေးမှူး ၁၄ ယောက် နေရာယူလိုက်ပြီဖြစ်သည်။ အသစ်ရောက်လာသော အရပ်သားဝန်ကြီးများ ဘာတွေလုပ်နေသည်၊ ဘာတွေလုပ်တော့မည်၊ ဘာတွေကြံ နေသည်ဆိုခြင်းကို ထိုလူများမှတဆင့် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီထိပ် ပိုင်းခေါင်းဆောင်များနှင့် တပ်မတော်သည် အခါမလပ်သတင်းရနေတော့မည်ဖြစ်သည်။ ထို့အပြင် အရပ်သားဝန်ကြီးအသစ်တက်လာ သောကြောင့် အ၀င်ရအထွက်ရခက်သွားသော ယခင်ခရိုနီအဟောင်းများအတွက် အမြဲတမ်းအတွင်း ၀န်များနှင့် အစိုးရအဖွဲ့အတွင်းရေးမှူးများသည် တံခါးဖွင့်ပေးမည့်လမ်းကြောင်းများ၊ ၀င်ပေါက်ထွက်ပေါက်များ ဖြစ်လာ တော့မည်ဖြစ်သည်။ လာဘ်ပေးလာဘ်ယူမှုနှင့် မယဉ်ပါးသေးသော ၀န်ကြီး၊ ဒုဝန်ကြီး အသစ်ကြပ်ကြွပ်များ အတွက် ထိုလူဟောင်းကြီးများက အဂတိလိုက်စားနည်း၊ ခွင်ဖန်နည်း၊ ကိုယ်ကျိုးစီးပွားရှာနည်း အရေးယူမခံရ အောင်ဥပဒေကို လက်တလုံးခြားလုပ်နည်းများကို နည်းပေးလမ်းပြလုပ်ကောင်း လုပ်နိုင်မည်ဖြစ်သည်။ ထိုအခါ ငါးနှစ်သက်တမ်းပြည့်သောအခါ NLD ၀န်ကြီးများ၏ အားနည်းချက်အပြစ်အနာအဆာများသည် ဆန့်ကျင်ဘက် ပါတီနှင့် တပ်မတော်လက်ထဲတွင် ဖိုင်လ်တွဲပြီးသားအပြည့်အစုံဖြစ်ကာ သွားလေသူ ၀န်ကြီးဟောင်းများနှင့် NLD ၀န်ကြီးများလည်း ဒီပုတ်ထဲကဒီပဲ အတူတူနှင့် အနူနူဇာတ်လမ်းဖြစ်လာပေလိမ့်မည်။

ထို့ကြောင့် NLD အစိုးရသစ်သည် အလွန်သတိထားသင့်လှ၏။ ပြည်နယ်နှင့် တိုင်းဒေသကြီးအစိုးရအဖွဲ့ အတွင်းရေးမှူးကို ဖွဲ့စည်းပုံအခြေခံ ဥပဒေအရ ခန့်ထားခြင်းဖြစ်၍ ငြင်းရခက်သည်။ မလွဲမသွေလက်ခံရပေ မည်။ သို့သော် အမြဲတမ်းအတွင်းဝန်ခန့်သောကိစ္စသည် ဖွဲ့စည်းပုံဥပဒေ အရခန့်ခြင်းမဟုတ်၊ လွှတ်တော်က အတည်ပြု၍ခန့်ခြင်းဖြစ်သဖြင့် ထိုစနစ်ကို NLD လွှမ်းမိုးသော လွှတ်တော်က ပြင်ဆင်နိုင်ပါ၏။ ပြည်ထောင်စု တရားသူကြီးချုပ်အသက် (၇၀)အထိ လုပ်ခွင့်ပြုထားသော သက်တမ်းပြဋ္ဌာန်းချက်သည်လည်း ပြည်ထောင်စု လွှတ်တော်တွင် ဆန္ဒမဲတ၀က်ကျော်ဖြင့် ပြင်ဆင်၍ရပေ၏။ အခြေအနေကိုကြည့်၍ အစိုးရအဖွဲ့ အထိုင်ကျသွား ပြီး တနှစ်ခန့်ကြာလျှင် ပြင်သင့်က ပြင်ရပါမည်။

မပြင်နိုင်သေးမီစပ်ကြား အတူတကွအလုပ်လုပ်ကြရသော် မိမိနှင့် အလုပ်အတူလုပ်နေသူများသည် ကိုယ့်ဘက် ပါချင်ယောင်ဆောင်နေသော သူ့ဘက်ကလူများဖြစ်သည့် ကိုယ့်လူသူ့ဘက်သားများဖြစ်သည်ကိုတော့ NLD အစိုးရဖြစ်လာသောအခါ ကောင်းကောင်းသတိချပ်စေချင်ပါကြောင်း။

သရ၀ဏ်(ပြည်)
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal