ဘားအံမြို့ အမှတ်(၅)ရပ်ကွက်၌ မီးလောင်မှုဖြစ်ပွား

 ဘားအံ နိုဝင်ဘာ ၂၆

 ကရင်ပြည်နယ် ဘားအံမြို့ အမှတ် (၅) ရပ်ကွက် ဥယျာဉ်(၂)လမ်း၌ နိုဝင်ဘာ ၂၅ ရက် ည ၇ နာရီ ၅ မိနစ် ခန့်က နေအိမ်တစ်လုံး မီးလောင်မှု ဖြစ်ပွားခဲ့ကြောင်း သိရသည်။

ဖြစ်စဉ်မှာ ဘားအံမြို့ အမှတ် (၅)ရပ်ကွက် ဥယျာဉ်(၂)လမ်းရှိ ဒေါ်မိုးမိုး(ခ)မဇင်ဇင်မိုး၏ ပျဉ်ထောင် ပျဉ်ခင်းနေအိမ်မှ မီးလောင်မှုစတင်ဖြစ် ပွားခဲ့ကြောင်း၊ ယင်းမှတစ်ဆင့် နေ အိမ် ခေါင်းရင်းဘက်ရှိ ဦးဘားလား၏ ပျဉ်ထောင်၊ အုတ်ခံနေအိမ်နှင့် ခြေရင်းရှိ ဦးစိုးမြင့်၏ ပျဉ်ထောင်၊ ထရံကာနေအိမ်တို့အား မီးကူးစက် လောင်ကျွမ်းခဲ့ကြောင်း၊ မီးလောင်မှု ဖြစ်ပွားရာသို့ ဘားအံမြို့ မီးသတ်ဦးစီး ဌာနမှ မီးသတ်ယာဉ် လေးစီး၊ ရပ်မိ ရပ်ဖများ၊ မီးသတ်ယာဉ်သုံးစီး၊ ပုဂ္ဂလိက မီးသတ်ယာဉ် တစ်စီး စုစုပေါင်း မီးသတ်ယာဉ်ခုနစ်စီး၊ သန္ဓေမီးသတ် တပ်ဖွဲ့ဝင် ၂၅ ဦး၊ အရန်မီးသတ် တပ်ဖွဲ့ဝင် ၃ဝ ၊ ရဲတပ်ဖွဲ့ဝင် ၅၅ ဦး၊ ရပ်ကွက်အုပ်ချုပ်ရေးအဖွဲ့များနှင့် ပြည်သူများက ဝိုင်းဝန်းငြှိမ်းသတ်ရာ ည ၇ နာရီ မိနစ် ၄ဝ ခန့်တွင် မီးငြှိမ်း သတ်နိုင်ခဲ့ပြီး မီးလောင်ရသည့် အကြောင်းအရင်းကို စုံစမ်းစစ်ဆေး လျက်ရှိကြောင်း သိရသည်။

မီးလောင်မှုကြောင့် အိမ်ထောင်စု သုံးစုမှ လူဦးရေ အမျိုးသား ခုနစ်ဦး၊ အမျိုးသမီး ခြောက်ဦး စုစုပေါင်း ၁၃ ဦးတို့ အိုးမဲ့အိမ်မဲ့ဖြစ်ခဲ့ရပြီး ဆွေမျိုး တော်စပ်သည့် နေအိမ်များတွင် တည်းခိုနေထိုင်လျက်ရှိကြောင်း၊ မီးလောင်မှုကြောင့် လူနှင့် တိရစ္ဆာန် သေကျေပျက်စီးဆုံးရှုံးမှု မရှိကြောင်း နှင့် အမှုဖွင့်လှစ်ဆောင်ရွက်နိုင်ရန် စီစဉ်ဆောင်ရွက်လျက်ရှိကြောင်း သိရ သည်။

စောမျိုးမင်းသိန်း(ပြန်/ဆက်)
The Mirror Daily
https://www.facebook.com/TheMirrorDaily