လုံခြုံရေး အာမခံချက်မဲ့နေသော နေ့စဉ်ဘ၀များ

''ဟေ့ကောင်၊မင်းခေါ်ပြီး ဈေးညှိနေတဲ့ ကောင်မလေးကငါ့မိန်းမကွ၊ကလေးမွေးထားတာရက်ပိုင်းပဲရှိသေးတာမင်းအဲဒီလိုခေါ်လို့အခုသူကြောက်လန့်နေတယ်''ဟု လူမိုက်ဆန်ဆန် လူနှစ်ဦးကအနားကပ်ခါ ခြိမ်းခြောက်ခြင်း ခံလိုက်ရချိန် လုံးဝတုန်လှုပ်သွားခဲ့သည်ဟုသတင်းမီဒီယာသမားတဦးကသူ၏ကိုယ်တွေ့
အဖြစ်အပျက်အား ပြောပြခဲ့သည်။

''ကျွန်တော်က ရွှေတိဂုံဘုရား အရှေ့ဘက်မုခ် ဗဟန်း-၃ လမ်းက ကန်တော်ကြီးထဲမှာရှိတဲ့ ရုပ်ရှင်တသက်တာ ထူးချွန်ဆုပေးပွဲကပြန်လာရင်း အဲဒီအဖြစ်အပျက်ကြုံလာတာဗျ''ဟု ထိတ်လန့်ဖွယ်အဖြစ်အပျက် မကြုံတွေ့မီက အကြောင်းအား ပြောပြခဲ့သည်။

၂၀၁၄ နှစ်ဆန်းပိုင်းတွင် ၎င်းသည်သက်ဆိုင်သည့် သတင်းဂျာနယ်တိုက်တခုမှ ဗဟန်း ၃ လမ်းအနီးရှိ ကန်တော် ကြီးအတွင်းမှ စားသောက်ဆိုင်တခုတွင် သက်ကြီးရုပ်ရှင်သမားများ၏ တသက်တာရုပ်ရှင်ထူးချွန်ဆုပေးပွဲသို့ သွားရောက်ဓာတ်ပုံရိုက်ရန် တာဝန်ကျခဲ့သည်ဟုဆို၏။ ပွဲကျင်းပချိန်က ညနေ ငါးနာရီခန့်မှစတင်၍ ရှစ်နာရီခန့် အထိကြာပြီး ၎င်းလည်း ဘီယာအနည်းငယ်သောက်သုံးခဲ့သည်ဟု ဖြစ်စဉ်အား ပြန်လည်စဉ်းစားရင်းပြောပြခဲ့ သည်။

ပွဲမှ မှတ်တမ်းဓာတ်ပုံများရိုက်ယူပြီး ဆူးလေနှင့်မလှမ်းမကမ်းရှိ ၎င်း၏သတင်းဂျာနယ်တိုက်သို့ပြန်ရန် ဗဟန်း ၃ လမ်းမှ ဆူးလေသို့ ဘီအမ်ကားစီးပြီး ပြန်လာခဲ့သည်ဟုဆိုသည်။ ''ကျွန်တော့်လက်ထဲမှာ အဲဒီတုန်းက ပိုက်ဆံ နှစ်ထောင်လောက်ပဲ ကျန်တော့တာဗျ။ ကင်မရာကို လည်ပင်းမှာလွယ်ပြီး ရီဝေေ၀နဲ့ ဘီအမ်ကားစီးပြီး ရုံးကို ပြန်လာခဲ့တာပေါ့ဗျာ''ဟု ပြောပြခဲ့သည်။

ယင်းကဲ့သို့ ပြန်လာခဲ့စဉ် ဆူးလေခုံးကျော်တံတားအနီး အနော်ရထာလမ်းနှင့် ဆူးလေဘုရားလမ်းထောင့် Media Corner နားအရောက်တွင် အသက် ၃၀ ၀န်းကျင် အမျိုးသားနှစ်ဦးက ၀ိုင်း၍ဆွဲကာ အထက်ပါ မမျှော်လင့်သည့် စကားအား ပြောခဲ့သည်ဟုဆိုသည်။ ''ကျွန်တော့်ကို ၀ိုင်းလိုက်တဲ့အချိန်မှာ လမ်းပေါ်မှာ လူသွားလူလာတွေ မပြတ်ဘူး။ သူတို့က တိုးတိုးလေးပြောတာဗျ။

မင်းဘယ်လိုလုပ်မလဲ၊အခုငါ့မိန်းမမင်းဈေးညှိလို့ သွေးတက်ပြီး ကြောက်နေပြီလို့ ပြောတာဗျ။ ကျွန်တော်ကလည်း ငြင်းတာပေါ့။ အစ်ကိုတို့ရာ ကျွန်တော့်မှာ ပိုက်ဆံလေး ၁၈၀၀ ပဲရှိတာ၊ ဘယ်ကောင်မလေးမှလဲ ဈေးမညှိပါဘူးဆိုတော့ မင်းအပိုတွေမပြောနဲ့တဲ့။ သူတို့နှစ်ယောက် အပြင် တခြားတယောက်ကို သူ့မိန်းမကိုသွားခေါ်ခိုင်းတယ်။ ကျွန်တော်လည်း လူမှားပြီးပြောတာဖြစ်မယ်ဆိုပြီး စိတ်ချလက်ချနေနေတာပေါ့။ ဒါပေမဲ့ဗျာ သူ့မိန်းမဆိုသူရောက်လာမှ ပိုဆိုးတာဗျ။ ကျွန်တော့်ကိုလက်ညှိုးထိုးပြီး ဟုတ်တယ်၊

သူပဲသူပဲဆိုပြီး ပြောပါလေ ရော''ဟု တွေ့ကြုံခဲ့ရပုံအား ပြောပြခဲ့သည်။
ထိုအချိန်၌ ဆူးလေဘုရား လမ်းမပေါ်တွင်လည်း ကားများ ဥဒဟိုဖြတ်သန်းနေကြပြီး လူသွားစင်္ကြံနှင့်ကားလမ်းမ ကြားတွင်လည်း ထုထည်ထူသည့် သံတန်းကလည်း နှစ်တောင်ခန့်ဖြင့် ကာရံထားသောကြောင့် ထွက်ပြေးရန် လည်း ခက်ခဲနေခဲ့သည်ဟုဆိုသည်။

''ကျွန်တော်က မီဒီယာကော်နာနဲ့မျက်နှာချင်းဆိုင်နောက်က သံတန်းကို မှီထားကာ သူတို့က ထိုးမယ်၊ ကြိတ်မယ်၊ ခြိမ်းခြောက်ပေမယ့် တကယ်တော့မထိုးသေးဘူး။ ကျွန်တော်က တော့ အကြံမျိုးစုံထုတ်နေရင်းနဲ့ အစ်ကိုတို့ ဘာလိုချင်လို့လဲ၊ ကျွန်တော့်မှာ ပိုက်ဆံက ၁၈၀၀ လောက်နဲ့ ဒီကင်မရာပဲရှိတာလို့ပြောလည်း လက်မခံသေးဘူး။ မင်းဒီပြဿနာကို ရှင်းရမယ်လို့ပဲ ပြောတယ်''ဟု အကျပ် ဆိုက်နေပုံအား ပြောပြခဲ့သည်။

ယင်းကဲ့သို့ ကင်မရာနှင့်ပါသည့် ငွေကြေးအနည်းငယ်အားပေးသော်လည်း မယူဘဲ ငွေကြေးအများအပြားရှိနေ သေးသည်ဟုထင်နေကြောင်းပြောပြခဲ့သည်။ ထိုအချိန်တွင် ဆူးလေဘုရားလမ်း မီးပွိုင့်မှ မီးနီသွား၍ ကားများ ရပ်တန့်ထားစဉ် ၎င်းအနေနှင့်ကင်မရာအားဖြုတ်ပေးမည်ဟန်ပြင်ကာ သံတန်းတားထားသည့်အပေါ်လျင် မြန်စွာ လှဲချပြီး တရစပ်ထွက်ပြေးခဲ့သည်ဟု ဆိုသည်။ ထွက်ပြေးအပြီး ကားလမ်းမအလယ်အရောက်တွင် ၎င်းအား ခြိမ်းခြောက်ခဲ့သည့်လူနှစ်ဦးအား အသံကုန်ဟစ်၍ သတ္တိရှိလျှင် လိုက်ခဲ့ဟုပြောသော်လည်း ထိုလူများက လိုက် မလာဘဲနေသည်ဟု ဆိုသည်။

''ကျွန်တော်အဲဒီလိုတုံ့ပြန်တာကိုသူတို့တွေလည်း ပြောင်းသွားတယ်ထင်တယ်။ လမ်းလယ်ကောင်ကနေ အော် ပြီးဆဲတာတောင် လိုက်မလာရဲဘူး။ ကျွန်တော်ကလည်း ပြောတယ်။ မင်းတို့ သတ္တိရှိရင် ဟိုမှာရဲစခန်းရှိတယ်။ မင်းတို့ပြောတာမှန်ရင်သွားရှင်းမယ်ဆိုတော့ဘာမှမပြောဘဲ ပြန်လှည့်သွားကြတယ်''ဟု ဆို၏။

ယင်းကဲ့သို့ အဖြစ်အပျက်အား ကျော်လွှားနိုင်ခဲ့သော်လည်း ၎င်းအနေနှင့် ကျေနပ်မှုမရှိ၍ လမ်းဖြတ်ကူးကာ ရဲစခန်းသို့သွား ၍ တိုင် တန်းခဲ့သည်ဟုဆိုသည်။

''ကျွန်တော်လည်း ကင်မရာလေးလွယ်ပြီးတော့ ရဲစခန်းထဲသွားတယ်။ စခန်းမှာ တာဝန်ကျနေတဲ့ ရဲတယောက် က အဖြစ်အပျက်ကိုမေးတော့ ကျွန်တော်ပွဲက ဓာတ်ပုံရိုက်လာတဲ့အကြောင်း၊ မယုံရင် ပုံတွေကြည့်လို့ရတယ် ဆိုတာတွေ၊ မြို့လယ်ကောင်ရဲစခန်းရှေ့မှာတောင် ဒီလိုဖြစ်နေတယ်ဆိုတာပြောတော့ ကျန်ရဲသားတယောက်ကို အဲဒီနေရာ သွားကြည့်ခိုင်းတယ်။ ကျွန်တော်က ဆက်ပြောတယ်။

အခု ကျွန်တော်လွတ်မြောက်လာပေမယ့် ကျန်တဲ့ သူတွေဘယ်လိုလုပ်မလဲ။ ဘယ်တုန်းကတည်းက လုပ်စားနေတာလဲ ဆိုပြီးမေးတာပေါ့။ အဲဒီတော့ နောက်မဖြစ်အောင် ဂရုစိုက်ပါမယ်။ ကတိပေးပြီး ဒီကိစ္စအတွက် ဘယ်လိုဆောင်ရွက်ချင်ပါသလဲ မေးတယ်။ မေးတော့ ကျွန်တော်ကတော့မတိုင်ချင်ဘူး။ သူတို့က လူအုပ်စုနဲ့ဆိုတော့ ကျွန်တော့်အသက်အန္တရာယ် ရန်ရှာ မှာ စိုးရတယ်။ အဲဒီတော့ ကျွန်တော့်ကို ဂျာနယ်တိုက်လိုက်ပို့ပါဆိုတော့ ရဲတယောက်ထည့်ပြီး ဂျာနယ်တိုက်ကို လိုက်ပို့ပါတယ်''ဟု ပြောကြားခဲ့သည်။
ယင်းကဲ့သို့ မြို့လယ်ကောင်ရဲစခန်းရှေ့ လူစည်ကားသည့် အချိန်တွင်ပင် ခြိမ်းခြောက် ငွေညှစ်အကြပ်ကိုင်မှုများ ရှိနေခဲ့ရာ လက်ရှိအချိန်တွင်တော့ ရန်ကုန်တွင်သာမက နေရာအနှံ့အပြားတွင် ဖုန်းလုသူများ၊ ဆွဲကြိုးဖြတ်သူ များ၊ ဓားထောက်၍ လက်ဝတ် လက်စားဖြုတ်ယူသူများ အများအပြားရှိနေခဲ့သည်။
ယင်းကဲ့သို့ပြုလုပ်လာသည့်အထဲမှာ လတ်တလော မုံရွာမြို့မှ မိတ်ဆွေတဦးက သူကြုံတွေ့ခဲ့ရပုံအား အောက်ပါ တိုင်း ပြောပြခဲ့သည်။ ''ကျွန်တော်တို့နေတဲ့ ရပ်ကွက်ထဲမှာ ဘူးစုတ်၊ ခွက်စုတ်ဝယ်တဲ့ ဆိုင်လေးရှိတယ်။

သူ့ဆိုင်ကိုဘူးစုပ်ခွက်စုပ်ကောက်တဲ့ကလေးတွေ နေ့စဉ်ညနေတိုင်းလာပြီး ရောင်းတယ်လို့ဆိုတယ်။ အဲဒီလို ရောင်းနေရင်း အခုတလော ကလေးတွေ လာမရောင်းတော့ဘူးတဲ့။ ဘာကြောင့်လဲဆိုတော့ ကလေးတွေက မနက်အစောကြီး အမှိုက်ပုံလိုနေရာမျိုးမှာ ဘူးစုပ်ခွက်စုပ်ရှာနေတဲ့နေရာကို ဓားထောက်ပြီး လာလုလို့ ပိုက်ဆံ မပါတဲ့အတွက် နားကပ်လေးချွတ်ပေးလိုက်ရတာတဲ့။

အဲဒီအချိန်ကစပြီး သူတို့လည်းကြောက်ပြီး အဲဒီအလုပ် မလုပ်တော့ဘူးတဲ့''ဟု သူကြုံတွေ့ရပုံအား ပြောပြခဲ့သည်။

လွန်ခဲ့သည့်နှစ်ပတ်ကျော်ခန့်ကလည်း အင်းစိန်တွင်နေထိုင်သည့် သတင်းမီဒီယာသမားတဦး၏အိမ်ဖောက်ထွင်း ခံရပြီး ငွေကျပ်တသိန်းခွဲခန့်နှင့် လက်ကိုင်ဖုန်းနှစ်လုံး ခိုးယူခံရပြီး ရဲစခန်းတွင် အမှုဖွင့်ထားသည်ဟု ဆိုသည်။ ၎င်းအဖောက်ထွင်းခံရပြီး တရက်အကြာ သတင်းမီဒီယာသမားတဦးလည်း လက်ကိုင်ဖုန်းအားလူလေးဦးမှဓားထောက်လုယက်ခံရမှု ဖြစ်ပွားခဲ့သည်ဟုဆိုသည်။

အများပြောနေသကဲ့သို့ သမ္မတ၏ လွတ်ငြိမ်းချမ်းသာခွင့်ကြောင့်ဟု မပြောလိုတော့သော်လည်း ယင်းလွတ်ငြိမ်း ချမ်းသာခွင့်ကြောင့် ဒုက္ခရောက်ခဲ့ရသူများ အများအပြားရှိနေခဲ့သည်ကတော့ ငြင်း၍မရသည်က အမှန်ပင်ဖြစ် သည်။

သမ္မတ၏ လွတ်ငြိမ်းချမ်းသာခွင့်ဖြင့် လွတ်မြောက်လာသည့် တရားခံပြေးအား လိုက်လံဖမ်းသည့်ရဲနှစ် ယောက်၏အသက်ဆုံးရှုံးမှုကမျက်မြင်လက်တွေ့ဖြစ်နေခဲ့သည်။ လက်ရှိအာဏာပိုင်နှင့် အတိုက်အခံများက ရွေးကောက်ပွဲအား အာရုံစိုက်နေစဉ် တောကြောင်လက်ခမောင်းခတ်မှုများကြောင့် ပြည်သူများ၏ နေ့စဉ်ဘ၀ များမှာ လုံခြုံရေးအာမခံချက်များ မဲ့နေခဲ့ရသည်။

ကိုခက်
ဓါတ်ပုံ-မင်းသိုက်
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal