တာချီလိတ်ခရိုင် ရွာသားများအား ရွှေတွင်းလုံခြုံရေး အစိုးရတပ်ပစ်ခတ် တဦးသေဆုံး

၀၀၁- နားဟိုင်းလုံ ရွှေလုပ်ကွက်

 အောက်တိုဘာ ၁၄ ရက် ၂၀၁၅

 ရွှေတူးဖေါ်မှုကြောင့် လယ်ယာမြေပျက်စီးသွားသော တာချီလိတ်ခရိုင် နားဟိုင်းလုံ ဒေသခံ များက ချောင်းဦး ရေထွက် ရွှေတူးဖေါ်ရာဒေသသို့ သွားရောက်ကြည့်ရှုရာတွင် ရွှေတွင်း လုံခြုံရေးယူပေးသည့် အစိုးရတပ်မှ ပစ်ခံသဖြင့် ဒေသခံတောင်သူ လယ်သမား တဦး သေဆုံးသွားကြောင်း သိရသည် ။

အောက်တိုဘာ ၁၄ ရက် နံနက် ၁၀ နာရီအချိန် သျှမ်းပြည်အရှေ့ပိုင်း တာချီလိတ်ခရိုင် တာလေမြို့နယ်ခွဲ နားဟိုင်းလုံဒေသခံများ နမ့်ခမ်းချောင်းဦးပိုင်း ချောင်းဦးရေထွက် စစ်ဆေးရန် သွားရောက်ကြည့် ရှုစဉ် ရွှေတွင်းလုံခြုံရေးယူပေးသည့် မိုင်းဖြတ်အခြေစိုက် ခမရ ၃၃၀ မှ ပစ်ခတ်ရာ နားဟိုင်းလုံဒေသခံ အသက် ၅၃ အရွယ် စိုင်းဆမ် ဆိုသူ သေဆုံးသွားသည်ဟု သိရသည် ။

“ ရွှေမတူးဖို့ ကျမတို့ ဝန်ကြီးစိုင်းအိုက်ပေါင်း ကို ပြောထားတယ် ။ သူလဲ လာရောက်စစ်ဆေး တယ် ။ ဒါပေမယ့် ရွှေတူးတာမရပ်ဘူး။ တူးနေတုန်း ။ ရေချောင်းလဲ သုံးမရတော့ဘူး ။ မိုးတအားရွာတော့ ရေက စီးချင်သလိုစီးဆင်းနေတာ ။ အဲဒါကို ကုမ္ပဏီအသစ်လဲ လာတူး နေတယ်ဆိုလို့ သွားကြည့်ဖို့ပါ ။ အဲဒီဒေသမှလုံခြုံရေးယူပေးတဲ့ အစိုးရတပ်နဲ့ သွားတိုးလို့ ပစ်ခတ်ခံလိုက်ရတာ ” - ဟု စိုင်းဆမ် အလောင်း ပြန်လည်ရရှိရေးအတွက် သွားရောက် တောင်းဆိုသူ ဆရာမ နန်းလာ ကပြောသည် ။

ယမန်နေ့က ပစ်ခတ်ခံရသည့် လုံး(ဦး)စိုင်းဆမ် ၏ အလောင်းအား မည်သူမျှ မတွေ့ရှိ သေးကြောင်း ၊ စစ်ဖက်လုံခြုံရေးအရာရှိတဦး အတည်ပြုပြောပြချက်အရ လုံးစိုင်းဆမ် သေဆုံးသွားသည်ဟုသိရကြောင်း ၊ ဒဏ်ရာရရှိစဉ် မိုင်းဖြတ်သို့ သယ်ဆောင်သွားကြောင်း ၊ မိုင်းဖြတ်၌ကုသစဉ် သေဆုံးကြောင်း ၊ ထို့အတွက် အလောင်းရရှိရေးအတွက် မိုင်းဖြတ်သို့ ဒေသခံများရောက်ရှိ တောင်းဆိုနေကြောင်း သိရှိရသည် ။

“ ဒီကိစ္စက မိုင်းဖြတ်မြို့မှာ ရွေးကောက်ပွဲဝင်မဲ့ အမတ်လောင်း စိုင်းဆမ်တစ်ဖေ က ကိုယ်တိုင်သွား ရောက် ကူညီပေးနေတယ် ။ ဘယ်လိုဆက်လုပ်ရမယ်ဆိုတာ မဆုံးဖြတ်ရ သေးဘူး ။ အချက်အလက်တွေ ကောက်ယူနေ တုန်း ” - ဟု တာချီလိတ်မြို့ ပြည်သူ့လွှတ်တော် ကိုယ်စားလှယ် စိုင်းဆိုင်လျန်းခေး ခေါ် စိုင်းသိန်းအောင် က ပြောသည် ။

သီးခြားအတည်ပြုချက် မရသေးသည့် သတင်းအရ စိုင်းဆမ်အား အစိုးရတပ်မတော်မှ ပစ်ခတ်သေဆုံးကာ တောတောင်အတွင်း ပစ်ထားကြောင်း ဆိုသည် ။

နားဟိုင်းလုံရွာဦး နမ့်ခမ်းချောင်းဦးရေထွက်ရှိရာ လွယ်ခမ်းတောင်ကျောတွင် ၂၀၀၇ မှ စ၍ ကုမ္ပဏီများ ရွှေတူးဖေါ်နေပါသည် ။ ရွာသားများတောင်းဆိုချက်အရ ၂၀၁၄ နှစ်လယ် ပိုင်းက ကုမ္ပဏီများအား ရွှေတူးဖေါ်မှုရပ်ဆိုင်း၍ ဒေသခံများ လယ်ယာ မြေပျက်ဆီးဆုံးရှုံးမှုများအားလုံးလျော်ကြေးပေးရန် သျှမ်းပြည်နယ် အစိုးရ သစ်တောနှင့်သတ္တုတွင်းဝန်ကြီး စိုင်းအိုက်ပေါင်းက ညွှန်ကြားခဲ့သည် ။ ၎င်းကိုယ်တိုင်လည်း ထိုဒေသသို့ နှစ်ကြိမ်တိုင်တိုင် သွားရောက်ကွင်းဆင်းညွှန်ကြားခဲ့ပါ သည် ။ သို့သော် ယနေ့တိုင်ရွှေတူးဖေါ်မှု ရပ်ဆိုင်းခြင်းမရှိသေးပေ ။

လက်ရှိတွင် စိုင်းစိုင်းစိုက်ပျိုးရေး ၊ စိုင်တစ် ၊ လွယ်ခမ်းလုံ ကုမ္ပဏီများအပြင် အခြားကုမ္ပဏီငယ်များလည်း အများအပြားရွှေများ တူးဖေါ်ကျင်ယူနေသည်ဟု ဒေသခံများပြောပြချက်အရ သိရသည် ။

သျှမ်းသံတော်ဆင့်
https://www.facebook.com/Panglong.burmese