ဟာသချည်းသက်သက်ပြောသူမဟုတ်၊ နိုင်ငံရေးစကားလည်း ပြောသဖြင့် ဟောပြောခွင့်ပင် အပိတ်ခံရသူ ဗေလုဝနှင့် တွေ့ ဆုံမေးမြန်းခန်း

“အနီးစပ်ဆုံးပြောရရင် ဟိုတုန်းက ကျွန်တော်ကိုမြင်ရင် တချို့လူတွေက ဗေလုဝ အီသီယိုးပီးယားကလာတဲ့သူ ကျနေတာပဲတဲ့။ ဒါပေမဲ့ ယနေ့အချိန်မှာ အီသီယိုးပီးယားက ဒုံးကျဉ်လွှတ်နေပြီ။ ပြည်သူလူထုရဲ့ ဘ၀တွေ အရမ်းအောင်မြင်သွားပြီ . . .”

နိုင်ငံရေးပါတီများမဲဆွယ်စည်းရုံးရေးကာလအတွင်း အနုပညာလောကသားအချို့က မိမိတို့ယုံကြည်ထောက်ခံသည့်ပါတီ ရွေးကောက်ပွဲအောင်နိုင်ရေးအတွက် တက်တက်ကြွကြွ ပါဝင်အားဖြည့်လာကြသည်ကို တွေ့ရသည်။ အထူးသဖြင့် အာဏာရပြည်ခိုင်ဖြိုးပါတီနှင့် အမျိုးသားဒီမိုကရေစီအဖွဲ့ချုပ်တို့၏ ဖျောဖြေရေးပွဲများ၊ ဟောပြောပွဲများတွင် အနုပညာလောကသားများ ၀န်းရံပါဝင်အားဖြည့်နေသည်ကို တွေ့ရသည်။ NLD ပါတီအောင်နိုင်ရေးအတွက် ကျင်းပသည့်ဟောပြောပွဲများတွင် ဟာသသရုပ်ဆောင် ဗေလုဝပါဝင်လာခဲ့ပြီး ၄င်း၏ NLD အောင်နိုင်ရေးအတွက် မဲဆွယ်ဟောပြောချက်များအပေါ် လူထုက လှိုက်လှိုက်လှဲလှဲ အားပေးလျက်ရှိကြောင်း သိရသည်။ ပြီးခဲ့သည့် အောက်တိုဘာ ဒုတိယအပတ်တွင် နတ်မောက်မြို့ နယ်၊ မြင်းတဲကြီးကျေးရွာ စာပေဟောပြောပွဲတွင် ဗေလုဝအားဟောပြောခွင့် ပိတ်ပင်ခဲ့ကြောင်း သိရသည်။ NLD အောင်နိုင်ရေးအတွက် ဟောပြောပွဲများ၌ ပါဝင်လှုပ်ရှားမှုနေသည့် အနုပညာရှင် ဗေလုဝအား News Watch ဂျာနယ်က အောက်တိုဘာ ၂၈ ရက်နေ့တွင် သွားရောက်တွေ့ဆုံမေးမြန်းခဲ့သည်များကို ကောက်နုတ်ဖော်ပြလိုက်ပါသည်။

☞ - NLD အောင်နိုင်ရေးအတွက် ဟောပြောပွဲတွေလှုပ်ရှားနေတယ်ဆိုတော့ ဒီဟောပြောပွဲတွေ ပါဝင်ဖြစ်ခဲ့ တာနဲ့ပတ်သက်ပြီး ပြောပြပေးပါအုံး။

➤ - NLD အောင်နိုင်ရေးကတော့ ပြည်သူတယောက်အနေနဲ့ကော အနုပညာရှင်တယောက်အနေနဲ့ကော ဒါကတော့ သမိုင်းစာမျက်နှာရဲ့ ဒီလိုအပြောင်းအလဲဖြစ်နေတဲ့ အချိန်အခါမျိုးမှာ ကိုယ်က ဘေးထွက်ထိုင်နေလို့ မရတော့မဘူး။ ကိုယ်ပါ ပါဝင်စီးဆင်းရ တော့မယ်။ ကိုယ်တိုင်ပါစီးဆင်းတဲ့အခါမှာ လိုအပ်မယ်ထင်လို့ ၀န်းရံလိုက်တာပါ။

☞ - ဘာကြောင့် လိုအပ်တယ်လို့ ပြောဆိုနိုင်တာလဲ။ ဒီလို ၀န်းရံမယ်ဆိုပြီးစခဲ့တာကကော ဘယ်အချိန်လောက်ကလဲဗျ။

➤ - အပြာင်းအလဲကို လူထုအားလုံးက လိုလားနေကြပြီလေ။ လူထုအားလုံးက လိုလားနေတော့ ကျွန်တော်တို့ အနုပညာရှင်တွေလည်း ၀န်းရံလာကြတာပါ။ ဘယ်နှစ်ကြိမ်ရှိပြီဆိုတာတော့ မမှတ်မိတော့ဘူး။ ကျွန်တော်တို့က စာပေဟောပြောပွဲက စခဲ့တာ။ စာပေဟောပြောပွဲဆိုတာကလည်း အနားနီးလာရင် ဘယ်ရထားပဲစီးစီး ဒီ ဘူတာပဲ ဆိုက်တာပါပဲ။ မဲဆွယ်စည်းရုံးရေးပုံစံ သွားဆိုက်တာပဲ။ ကျွန်တော်တို့က တွက်ကြည့်တယ်လေ။ ကျွန်တော်က ပါတီဝင်လည်း မဟုတ်ဘူး။ ၀န်းရံဆိုတော့ ကိုယ့်ခေါင်းနဲ့ကိုယ် တွက်ရတာ။ ပါတီ (၉၀) ကျော်ရှိတဲ့အထဲမှာ တကယ်ကို လူငယ်ပညာတတ်တွေ သိုင်းသိုင်းဝိုင်းဝိုင်းနဲ့ အစိုးရတရပ်ကို ဖွဲ့စည်းနိုင်ဖို့ဆိုတာ NLD ပါတီပဲ မြင်တာကိုး။ NLD ပါတီပဲမြင်တာဆိုတော့ အားနည်းနေတဲ့ ဒေသအချို့ကို ၀င်ရောက်ပြီး ၀န်းရံပေးတာပေါ့။ အဖြေက အဲဒါပဲ။

☞ - ဟောပြောတဲ့နေရာမှာ လူထုကိုဘယ်လို Message မျိုးပေးပြီး ပြောဆိုမဲဆွယ်ခဲ့ပါသလဲ။

➤ - သူတို့က နယ်တွေမှာဆို လက်ရှိ အကြောက်တရားတွေ ရှိနေတယ်။ သူတို့ မကြောက်ကြဖို့ ဒါဟာ မြန်မာပြည်အနာဂတ်ရဲ့ မျိုးဆက်၊ ဒါတခု။ ကိုယ့်မျိုးဆက်တဆက်ရဲ့ အနာဂတ်တခုပေါ့။ ဒီအချိန်မှာ ဘေးထွက်ထိုင်နေမယ်။ ငါနဲ့ မဆိုင်ဘူးဆိုတာမျိုး မရတော့ဘူး။ ကိုယ့်အိမ်ရှေ့ကိုရောက်လာတဲ့ ရထားကြီးတစင်းကို အမီလိုက်ရမှာပဲ။ နောက်ရထားတော့ စောင့်မနေနဲ့တော့။ နောက် ရထားစောင့်နေတာ နှစ်ပေါင်းများစွာ ကြာခဲ့ပြီ။ လက်ရှိ ကိုယ့်အိမ်ရှေ့ရောက်လာတဲ့ ရထားတစင်းအပေါ်မှာ ဘီးပဲဖက်လိုက်ရ လိုက်ရ။ နောက်ဆုံး ခေါင်းမိုးပေါ် တက်လိုက်ရလိုက်ရ လိုက်ရမှာပဲ။ ဒီလို အရွှေ့အပြောင်းတခုမှာ ကိုယ်ပါ လိုက်ပါစီးဆင်းရမယ်။ ဒီအချိန်မှာ ဘေးထွက် အချောင်လုပ်နေလို့ မရတော့ဘူး။ ဒါက ကိုယ့်နိုင်ငံက တောင်းဆိုထားတာ။ ကိုယ့်နိုင်ငံက ပြောင်းလဲချိန်တန်ပြီ။ ကျွန်တော့်စိတ်အထင် နောက်တောင်ကျနေပြီ။ အများကြီး နောက်ကျနေပြီ။ အဲဒါကြောင့် ကျွန်တော်တို့က လိုက်ပါစီးဆင်းပြီး ၀န်းရံလိုက်တာပါ။

☞ - ဟောပြောပွဲတိုင်းမှာ တက်ရောက်လာတဲ့ လူထုပရိတ်သတ်ရဲ့ အားပေးထောက်ခံမှုအခြေအနေလေးလဲ ပြောပြပါအုံး။

➤ - ဟောတဲ့နေရာတိုင်းမှာ လူသောင်းနဲ့ချီ ရှိပါတယ်။ တခါမှ လူနည်းနည်းလေးနဲ့ မဟောခဲ့ဖူးဘူး။ မြိတ်မှာဟောပြောတာကို ကျေနပ်အားရပါတယ်။ ဟောပြောပွဲတော်တော်များများမှာကတော့ အင်နဲ့အားနဲ့ ရှိပါတယ်။

☞ - လက်ရှိမြန်မာ့နိုင်ငံရေး ပကတိအခြေအနေကို နိုင်ငံတကာနဲ့ယှဉ်ပြီး သုံးသပ်ပေးပါအုံး။

➤ - အနီးစပ်ဆုံးပြောရရင် ဟိုတုန်းက ကျွန်တော်ကိုမြင်ရင် တချို့လူတွေက ဗေလုဝ အီသီယိုးပီးယားက လာတဲ့သူ ကျနေတာပဲတဲ့။ ဒါပေမဲ့ ယနေ့အချိန်မှာ အီသီယိုးပီးယားက ဒုံးကျဉ်လွှတ်နေပြီ။ ပြည်သူလူထုရဲ့ ဘ၀တွေ အရမ်းအောင်မြင်သွားပြီ။ သူတို့ အရမ်းတိုးတက်သွားပြီ။ ကျွန်တော်တို့ နိုင်ငံက ကျန်ရစ်ခဲ့ပြီ။ လက်ရှိ ဒီပုံစံအတိုင်းကတော့ အီသီယိုးပီးယားထက် နောက်ကျသွားပြီဆိုတာတော့ ကျိန်းသေတယ်။

☞ - ဟာသလူရွှင်တော်တွေရဲ့ စကားတွေဟာ လေထဲမှာပဲပျောက်သွားမှာပဲလို့ ပါတီတခုရဲ့ အမတ်လောင်းတဦးကနေ မဲဆွယ်ဟောပြောပွဲမှာ ပြောသွားတယ်လို့ သိရပါတယ်။ အဲဒီအပေါ်မှာ ဘယ်လိုသုံးသပ်ချင်သလဲ။

➤ - ကျွန်တော်တို့က လေထဲမှာ မပျောက်ခင်မှာ ပြည်သူ့ရင်ထဲကို အရင်ရောက်ပါတယ်။ လေထဲက သွားတာပဲ။ လူထု အများကြီးထဲမှာပြောတာဖြစ်တဲ့အတွက်ကြောင့်မို့လို့ လေလှိုင်းထဲကနေပြီးတော့ လူထုရင်ထဲကို ရောက်ပါတယ်။ လူထုရင်ထဲကို ရောက်တယ်ဆိုတော့ လေထဲမှာပါပဲ။ လူထုရင်ထဲကိုရောက်တဲ့အခါမှာ လူထုရင်ထဲကနေပြီးတော့ သူတို့ အမှန်တရားတခု သူတို့ဘယ်သူ့ကို မဲပေးရမဲဆိုတာကို သိသွားတာဖြစ်တဲ့အတွက်ကြောင့် လေထဲကနေသွားတာ မဟုတ်ဘူးလား။ လေထဲကနေသွားလို့ ရင်ထဲကိုရောက်ပါတယ်။

☞ - ဟောပြောပွဲတခုမှာ ဆရာဗေလုဝက ချိုမရှိတဲ့လူတွေဆိုရင် NLD ကို မဲပေးပါဆိုတဲ့ပုံစံနဲ့ လက်ညိုးနှစ်ချောင်းထောင်ပြီး ပြောဆိုနေတဲ့ ဓါတ်ပုံထွက်လာပါတယ်။ အဲဒါနဲ့ပတ်သက်ပြီး ရှင်းပြပေးပါအုံး။

➤ - ကျွန်တော်တို့က ဟောပြောတဲ့နေရာမှာ တဖက်ကိုပုတ်ခတ်ပြောဆိုဟောပြောမှုတွေ မလုပ်ဘူး။ အဲလိုလုပ်တယ်ဆိုတာ ဥာဏ်ရည်နိမ့်သူတွေလုပ်တဲ့ အလုပ်ပါ။ ကျွန်တော်မြိတ်မှာဟောခဲ့တာဆိုရင် အသံဖိုင်တွေ၊ ဗွီဒီယိုအခွေတွေ ရှိပါတယ်။ ကျွန်တော်ပြောတာက ဘောလုံအသင်းနှစ်သင်းရှိတယ်ဆိုတာကို လက်ညိုးနှစ်ချောင်းထောင်ပြီး ပြောလိုက်တယ်။ အဲဒါကို ချိုဆိုပြီး ဘယ်သူက ထဖွလိုက်သလဲတော့ မသိဘူး။ ကျွန်တော်ကတော့ တဖက်လူတွေကို မနစ်နာစေချင်ဘူး။ ကျွန်တော် ဟောပြောတဲ့အခါမှာ ဥာဏ်ရည်နိမ့်တဲ့အလုပ်မျိုး လူတဖက်သားကို နှိမ်ပြီးတော့ မပြောတတ်ဘူး။ လက်ညိုးနှစ်ချောင်းထောင်တယ်ဆိုတာက ဘောလုံးနှစ်သင်းရှိတယ်လို့ ပြောတာကနေ ဘယ်လိုကနေ ချိုဖြစ်သွားလဲ။ အဲဒီ အိုင်ဒီယာ ကျွန်တော်လည်း မသိဘူး။ အဲတုန်းကဟောတာက ဒီဘက်မှာတသင်း ရှိတယ်။ ဒီဘက်မှာ တသင်း ရှိတယ်။ ဟိုဘက်အသင်းက တိုက်စစ်အားကောင်းတယ်။ ဒီဘက်အသင်းက တိုက်စစ်အား မကောင်းဘူး။ ဒါပေမဲ့ အဲဒီမှာဖြစ်နေတဲ့ပုံက ကြားကဒိုင်လုပ်တဲ့သူက အရမ်းဘက်လိုက်တယ်။ အရမ်းဘက်လိုက်တဲ့အခါကျတော့ တဖက်အသင်းက ခြေထောက်ကြွရုံပဲရှိသေးတယ် အ၀ါကဒ်တဲ့။ ဘာလို့ အ၀ါကဒ်ပြတာလဲဆိုရင် ခြေထောက်လှုပ်လို့တဲ့။ ကန်လုို့ကိုမရအောင် လုပ်တယ်ပေါ့ဗျာ။ ဒီလို လောလုံးအသင်းနှစ်အသင်းအကြောင်းပြောတာ ဘယ်လိုဖြစ်လို့ ချိုဖြစ်သွားတာလဲ။

☞ - ဟုတ်ကဲ့ ဆရာဗေလုဝအနေနဲ့ ဘာများ ဖြည့်စွက်ပြီးေ ပြောချင်ပါသေးလဲ။

➤ - လက်ရှိအနေအထားကလည်း စာဖတ်ပရိတ်သတ်လည်း သိနေကြတာပဲ။ ကိုယ့်အကြောင်းကို သိနေကြတာပဲ။ ကိုယ်ဘယ် ဘ၀ရောက်နေလဲ။ ဒီလိုပါပဲ လူတယောက်ကတော့ ဆင်းရဲတွင်းထဲမှာ ငြိမ်ထိုင်မနေချင်ကြဘူး။ အပြောင်းအလဲတခုတော့ လိုချင်ကြတာပဲ။ တပ်မက်ကြတာပဲ။ အဲတော့ အရွှေ့အပြောင်းတခုဖြစ်အောင် ဘ၀တခု အပြောင်းအလဲတခုဖြစ်အောင် ဘာလုပ်မလဲဆိုတော့ အခုရွေးကောက်ပွဲဆိုတာ နိုင်ငံတနိုင်ငံရဲ့ အရေးကြီးတဲ့အချိန်ပေါ့။ အဲတော့ ပြည်သူပြည်သားတယောက် အနေနဲ့ ဘယ်သူပဲဖြစ်ဖြစ် ၀င်ရောက်ပူးပေါင်းစီးဆင်းကြပါ။ ကိုယ့်ရဲ့ တန်ဖိုးရှိတဲ့ မဲတပြားကို ကိုယ့်မှာရှိတဲ့ မဲတပြားနဲ့ ကိုယ်ကြိုက်နှစ်သက်ပါတီကို မဲပေးရမယ်။ ဒါပါပဲ။

ဟုတ်ကဲ့ ဆရာဗေလုဝကို ကျေးဇူးတင်ပါတယ်။

(လင်းလင်းအောင်)
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal