အစိုးရဖြစ်ခဲ့ရင် မြစ်ဆုံစီမံကိန်း သဘောတူညီချက်ချပြမယ်လို့ ဒေါ်အောင်ဆန်းစုကြည် ပြော

 အမျိုးသားဒီမိုကရေစီအဖွဲ့ချုပ်သာ အစိုးရဖြစ်ခဲ့ရင် ပထမဆုံးလုပ်မယ့် အလုပ်က မြစ်ဆုံရေကာတာစီမံကိန်းနဲ့ပတ်သက်ပြီး သက်ဆိုင်ရာကုမ္ပဏီတွေနဲ့ ဘယ်လိုသဘောတူညီချက်တွေ ချုပ်ဆိုထားသလဲဆိုတာကို ပြည်သူတွေကို ချပြဖို့လုပ်ဆောင်သွားမှာ ဖြစ်ကြောင်း ဒေါ်အောင်ဆန်းစုကြည်က ပြောပါတယ်။

ဒီကနေ့ ကချင်ပြည်နယ် မြစ်ကြီးနားမြို့က မနောအားကစားကွင်းမှာ ကျင်းပတဲ့ ရွေးကောက်ပွဲ မဲဆွယ်စည်းရုံးရေး ဟောပြောပွဲမှာ ဒေါ်အောင်ဆန်းစုကြည်က တက်ရောက်လာတဲ့ ပရိသတ်တစ်ဦးက ဧရာဝတီမြစ်ဆုံစီမံကိန်းနဲ့ ပတ်သက်ပြီး မေးမြန်းရာမှာ ဖြေကြားခဲ့တာဖြစ်ပါတယ်။

"ကျမတို့ အမျိုးသားဒီမိုကရေစီအဖွဲ့ချုပ်က အစိုးရဖြစ်ခဲ့ရင် ပထမဦးဆုံးလုပ်မယ့်ကိစ္စက မြစ်ဆုံက ရေကာတာနဲ့ပတ်သက်လို့ အစိုးရဟာ သက်ဆိုင်ရာကုမ္ပဏီတွေနဲ့ ဘယ်လိုသဘောတူညီချက်တွေယူထားလဲဆိုတာ ပြည်သူကိုချပြဖို့ ကျမတို့လုပ်ပါမယ်"

မြစ်ဆုံရေကာတာစီမံကိန်း သဘောတူညီချက်တွေထဲမှာ ဘာတွေပါသလဲဆိုတာ မသိတဲ့အတွက် ရွေးကောက်ပွဲစည်းရုံးရေးမှာ ဟိုဟာလုပ်ပေးမယ် ဒီဟာလုပ်ပေးမယ်လို့ပြောရင် တာဝန်မဲ့ရာ ရောက်မှာဖြစ်ကြောင်းလည်း ပြောပါတယ်။

ဒေသခံပြည်သူတွေ အရပ်ဖက်လူမှုအဖွဲ့အစည်းတွေရဲ့ တောင်းဆိုမှုတွေကြောင့် မြစ်ဆုံရေကာတာစီမံကိန်းကို နိုင်ငံတော်သမ္မတ ဦးသိန်းစိန် အစိုးရတက်လာပြီး မကြာခင်မှာပဲ ယာယီရပ်ဆိုင်းလိုက်တာ ဖြစ်ပါတယ်။

ဟောပြောပွဲမှာ ဒေါ်အောင်ဆန်းစုကြည်က ပြည်တွင်းငြိမ်းချမ်းရေးလုပ်ငန်းစဉ်တွေမှာ အမျိုးသားဒီမိုကရေစီအဖွဲ့ချုပ်ကို ဆွေးနွေးပွဲတွေ တက်ရောက်ဖို့ ဖိတ်ကြားခဲ့တာ မရှိတဲ့အတွက် အဲ့ဒီအပေါ် သဘောထားမပေးလိုကြောင်းလည်း ပြောပါတယ်။

ဒေါ်အောင်ဆန်းစုကြည်ဟာ ဒီကနေ့ မြစ်ကြီးနားဟောပြောပွဲအပြီး ညနေပိုင်းမှာ ဝိုင်းမော်မြို့မှာ ဆက်လက်ဟောပြောခဲ့ပါတယ်။

RFA Burmese
https://www.facebook.com/RFA-Burmese

မြစ်ဆုံကိစ္စ ဒေါ်အောင်ဆန်းစုကြည် ပြောအမျိုးသားဒီမိုကရေစီအဖွဲ့ချုပ်သာ အစိုးရဖွဲ့နိုင်ခဲ့ရင် ဧရာဝတီမြစ်ဆုံရေကာတာ စီမံကိန်းနဲ့ ပတ်သက်ပြီး အစိုးရနဲ့ သက်ဆိုင်ရာအဖွဲ့အစည်းတွေ ချုပ်ဆိုထားတဲ့ စာချုပ်ထဲမှာ ဘာတွေပါလဲဆိုတာကို ပြည်သူတွေကို ချပြသွားမယ်လို့ ဒေါ်အောင်ဆန်းစုကြည်က ပြောပါတယ်။ ရိုက်ကူး - ကျော်မျိုးမင်း/RFA
Posted by RFA Burmese on Friday, October 2, 2015