ဆီးရီးယားနိုင်ငံ အတွင်းရှိ ISIS စစ်သွေးကြွ များအား သြစတြေးလျက ပထမဆုံးအကြိမ်အဖြစ် လေကြောင်းမှ တိုက်ခိုက်
ဆစ်ဒနီ ၊ ၁၄-၉-၂၀၁၅
သြစတြေးလျ နိုင်ငံသည် အီရတ်နိုင်ငံ အတွင်းရှိ ISIS စစ်သွေးကြွ များအား တိုက်ခိုက်မှု ပြုလုပ်နေခြင်းကို သက်တမ်းတိုးမြှင့် ပြီးနောက် ပထမဆုံးအကြိမ် အဖြစ် ဆီးရီးယား နိုင်ငံ အတွင်းရှိ စစ်သွေးကြွ များအား လေကြောင်းမှ တိုက်ခိုက်ခဲ့ကြောင်း သိရသည်။
သြစတြေးလျ လေတပ်သည် အဆိုပါ စစ်သွေးကြွ တိုက်ဖျက်ရေး ဆိုင်ရာ စစ်ဆင်ရေး ကို စက်တင်ဘာ ၁၂ ရက်က ညလုံးပေါက် ပြုလုပ်ခဲ့ခြင်း ဖြစ်ပြီး အရှေ့ အလယ်ပိုင်း ရှိ ၄င်းတို့၏ အခြေစိုက် စခန်းသို့ အထိအခိုက် မရှိ ပြန်လည် ရောက်ရှိ လာခဲ့ကြောင်း ယင်းနိုင်ငံစစ်ဘက် က ထုတ်ပြန်သည့် ကြေညာ ချက်တွင် ဖော်ပြထားသည်။
အဆိုပါ စစ်ဆင်ရေး၌ သြစတြေးလျ လေတပ်မှ F/A 18 A Hornets အမျိုးအစား လေယာဉ်၊ E 7A အမျိုးအစား ကြိုတင် သတိပေးရေး လေယာဉ်နှင့် KC-30 ဝေဟင် ဆီဖြည့် လေယာဉ်များ ပါဝင်ခဲ့ကြောင်း သိရသည်။
သြစတြေးလျ နိုင်ငံသည် အီရတ်နိုင်ငံ အတွင်းရှိ ISIS စစ်သွေးကြွ နှိမ်နင်းရေး ဆိုင်ရာ စစ်ဆင်ရေးတွင် ပါဝင်လျက် ရှိသော်လည်း လွန်ခဲ့သည့် ရက်သတ္တပတ် အတွင်းက အတည်ပြု ခဲ့သည့် ဆုံးဖြတ်ချက် အရ ဆီးရီးယားနိုင်ငံ အတွင်းရှိ စစ်သွေးကြွ များကိုပါ တိုက်ခိုက် သွားမည် ဖြစ်သည်။
မိမိတို့ အနေဖြင့် ဆီးရီးယားနိုင်ငံ အတွင်း အကြမ်းဖက် တိုက်ခိုက်မှုများ ပြုလုပ်နေသည့် ISIS စစ်သွေးကြွ များကို ချေမှုန်းနိုင်ခြင်း မရှိပါက အီရတ်နိုင်ငံ အတွင်းရှိ စစ်သွေးကြွ များကို ချေမှုန်းသွား နိုင်မည် မဟုတ်ကြောင်း၊ ထို့ကြောင့် မိမိတို့၏ တိုက်ခိုက်မှု များကို ဆီးရီးယားနိုင်ငံ အတွင်းသို့ ချဲ့ထွင်ရခြင်း ဖြစ်ကြောင်း သြစတြေးလျ ကာကွယ်ရေး ဝန်ကြီးဌာန က ထုတ်ပြန် ထားသည့် အစီရင်ခံစာ တွင် ဖော်ပြ ထားကြောင်း သိရသည်။
PyiChitThar
http://www.pyichitthar.com
ဆီးရီးယားနိုင်ငံ အတွင်းရှိ ISIS စစ်သွေးကြွ များအား သြစတြေးလျက ပထမဆုံးအကြိမ်အဖြစ် လေကြောင်းမှ တိုက်ခိုက်
Reviewed by THITHTOOLWIN
on
10:36
Rating:
Reviewed by THITHTOOLWIN
on
10:36
Rating:
