သတိ၊ ဒေါင်းမှားနိုင်သည်။

|| Opinion - ရဲမင်းဦး ||

 ပြီးခဲ့တဲ့ တနင်္ဂနွေနေ့ ထုတ် 7Day နေ့စဉ်သတင်းစာမှာ အမျိုးသား ဒီမိုကရေစီ အဖွဲ့ချုပ်ရဲ့ အလံကို တခြား ပါတီတွေ ရဲ့ အလံတွေနဲ့ မမှားစေဖို့ ဆောင်းပါးတစ်ပုဒ်ရေးပြီး သတိပေးခဲ့ပါတယ်။ သတိပေးတဲ့ အဲဒီဆောင်းပါးမှာပဲ ဖော်ပြထားတဲ့ အလံက အမျိုးသား ဒီမိုကရေစီ အဖွဲ့ချုပ်ရဲ့ အလံမဟုတ်ဘဲ တခြား အဖွဲ့အစည်း တစ်ခုရဲ့ အလံဖြစ်နေခဲ့ ပါတယ်။ ဒီအတွက်လည်း 7 Day က တရားဝင် တောင်းပန်မှု ကို အွန်လိုင်းမှာ ပြုလုပ်ထားတာလေး ဖတ်လိုက်ရပါတယ်။

ဒီကိစ္စလေးဟာ အင်မတန်အရေးကြီးတယ်လို့ ထင်မိပါတယ်။ အကြား အမြင်နှံ့စပ်တဲ့ မီဒီယာတွေတောင် မှားတတ်တယ်ဆိုရင် သာမန်ပြည်သူတွေ အနေနဲ့ ဆင်တူဖြစ်နေတဲ့ လိုဂိုတွေ ဆင်တူဖြစ်နေတဲ့ အလံတွေကြောင့် ရွေးကောက်ပွဲမှာ မဲပေးမှု မှားယွင်းနိုင်တယ်လို့ မြင် မိပါတယ်။ ဒါကြောင့် အမျိုးသားဒီမိုကရေစီအဖွဲ့ချုပ်ရဲ့ အလံအကြောင်းလေး အများသိပြီးသားဆိုပေမယ့် ထပ်မံပြောချင်မိပါတယ်။

အားလုံးသိတဲ့အတိုင်း အမျိုးသားဒီမိုကရေစီအဖွဲ့ချုပ်ဟာ ၁၉၈၈ခုနှစ် လူထုအရေးတော်ပုံကြီးကနေ ပေါ်ပေါက်လာခဲ့တဲ့ ပါတီတစ်ရပ်ဖြစ်ပါတယ်။ ဒီနေ့ဆိုရင် နှစ်ပေါင်း ၂၇နှစ် ပြည့်ပါပြီ။ သာမန်လူတွေ ကြားပင်မကြားဖူး၊ ထင်ပင်မထင်ရက်၊ ယုံတောင်မယုံနိုင်မယ့် ဖိနှိပ်မှုမျိုးစုံ၊ ဖြိုးခွင်းနည်းအသွယ်သွယ်တွေကို ၂၇နှစ်တိတိ ကြံ့ကြံ့ခံ ရပ်တည်ခဲ့တဲ့ ပါတီတစ်ရပ်လည်းဖြစ်ပါတယ်။

၁၉၈၈ လူထုအရေးတော်ပုံကြီးဟာ တက္ကသိုလ်ကျောင်းသားတွေက စတင်ခဲ့ကြတာဖြစ်ပါတယ်။ ၁၉၆၂ အာဏာသိမ်းအစိုးရကနေ ၁၉၆၄မှာ တစ်ပါတီစနစ်ကို အသက်သွင်းခဲ့ပြီး မအောင်မြင်တဲ့ စီးပွားရေးစနစ်ကြောင့် တိုင်းပြည်က အဖက်ဖက်က နိမ့်ကျရုံတင်မဟုတ် လူထုဟာ ကျပ်တည်းတဲ့အဆင့်ထိ ရောက်ရှိခဲ့ရာကနေ ၁၉၈၇မှာ ကမ္ဘာ့အဆင်းရဲဆုံးနိုင်ငံ(LDC)ဖြစ်ခဲ့တာမို့ ကျောင်းသားလှုပ်ရှားမှုနောက်ကနေ လူထုအရေးတော်ပုံကြီးအဖြစ် ပြောင်းလဲပေါ်ထွန်းခဲ့တာဖြစ်ပါတယ်။

ဒါကြောင့် အမျိုးသားဒီမိုကရေစီအဖွဲ့ချုပ်ကို စတင်တည်ထောင်ကြစဉ်က ပါတီအလံကို ရွေးချယ်ကြရာမှာ အာဏာရှင်ကို ဆန့်ကျင်တဲ့အနေနဲ့ ဒုတိယကမ္ဘာစစ်တုန်းက အသုံးပြုခဲ့တဲ့ ဖက်ဆစ်တော်လှန်ရေးအလံ၊ နောက်ခံအနီမှာ ကြယ်ဖြူကြီးတစ်ပွင့်ပါတဲ့ အလံကိုယူပြီး၊ ၁၉၈၈ခုနှစ် လူထုအရေးတော်ပုံကြီးရဲ့ အစပြုရာဖြစ်တဲ့ ဗမာနိုင်ငံလုံးဆိုင်ရာကျောင်းသားများသမဂ္ဂအလံက ခွပ်ဒေါင်းပုံတို့ကိုပါ တွဲစပ်လို့ အလံကို ဖန်တီးရေးဆွဲခဲ့ကြတာဖြစ်ပါတယ်။

ပထမဆုံးအလံကို ပန်းချီ (ဦး)မောင်မောင်သိုက် က ရေးဆွဲပေးခဲ့ ပါတယ်။ နောက်ပိုင်းမှာ ဒီဇိုင်းနာ (ကို)မျိုးမြင့်က ဒစ်ဂျစ်တယ် အဖြစ် ပြောင်း လဲပေးခဲ့ပါတယ်။ အထက်မှာပြော ခဲ့သလို ခက်ခဲတဲ့ ကာလတွေမှာ အမျိုးသားဒီမိုကရေစီအဖွဲ့ချုပ်ရဲ့ ပါတီဝင်တွေ နယ်က ပါတီရုံးခွဲတွေ ကမ္ဘာအရပ်ရပ်က ပါတီကို ထောက်ခံသူတွေဟာ ၁၉၈၈ ခုနှစ် ပါတီတည်ထောင်စဉ်တုန်းက ရေးဆွဲခဲ့တဲ့ မူလအလံကို ရရှိဖို့ ခက်ခဲတဲ့ အတွက် မိမိတို့ မှတ်မိသလို ပြန်လည်ရေးဆွဲမှုတွေလည်း ရှိခဲ့ကြ ပါတယ်။ ဒီအတွက် မူလပုံနဲ့ မတူဘဲ အနည်းငယ်ကွဲလွဲတဲ့ ခွပ်ဒေါင်းပုံတွေ ကိုလည်း အများအပြားတွေ့ရှိရပါတယ်။

တက္ကသိုလ်ကျောင်းသားသမဂ္ဂရဲ့ အလံပါ ခွပ်ဒေါင်းက ဦးဘဂျမ်းရေးဆွဲပေးခဲ့တာလို့ မှတ်သားဖူးပါတယ်။ ဗိုလ်ချုပ်အောင်ဆန်း (အဲဒီတုန်းက ကျောင်းသားခေါင်းဆောင် ကိုအောင်ဆန်း)က ကဒေါင်းကို မလိုချင်ဘူး။ ခွပ်ဒေါင်းကို လိုချင်တယ်လို့ တောင်းဆိုခဲ့တဲ့ အတွက် ရေးဆွဲပေး ခဲ့တာလို့ မှတ်သားဖူးပါတယ်။ အဲဒီဒေါင်းဟာ အခုအသုံးပြုနေကြတဲ့ ခွပ်ဒေါင်းနဲ့ မတူပါဘူး။

အခု တက္ကသိုလ်ကျောင်းသားများသမဂ္ဂကို ပြန်လည်ဖွဲ့စည်းကြတဲ့အခါမှာ မူလ ခွပ်ဒေါင်းကို ပြန်လည်အသုံးပြုကြတာ မြင်ရ ပါတယ်။ ကျောင်းသား သမဂ္ဂရဲ့ ခွပ်ဒေါင်းတံဆိပ်မှာ စက်ဝိုင်းတစ်ခုလည်း ပါဝင်ပါတယ်။ စက်ဝိုင်း ထဲကနေ ဖောက်ထွက်အောင် ခွပ်တော့မယ့်ပုံဖြစ်ပါတယ်။ ကြယ်မပါပါဘူး။

အမျိုးသားဒီမိုကရေစီအဖွဲ့ချုပ်ဟာ ကျောင်းသားသမဂ္ဂတံဆိပ်ကို ယူခဲ့တယ် ဆိုပေမယ့် ပုံတူယူခဲ့တာ မဟုတ်ပါဘူး။ အသစ်ပြန်ဆွဲခဲ့တာဖြစ်ပါတယ်။ ဒါကြောင့် လက်ရှိ အမျိုးသားဒီမိုကရေစီအဖွဲ့ချုပ်က အသုံးပြုနေတဲ့ ခွပ်ဒေါင်း ဟာ မြန်မာ့သမိုင်းမှာ အရင်က ရှိခဲ့ဖူးတဲ့ ဘယ်ခွပ်ဒေါင်းနဲ့မှ မတူပါဘူး။ ဒါကို အဖွဲ့ချုပ်ရဲ့ မူပိုင်ခွပ်ဒေါင်းပုံဖြစ်ပါတယ်။ ဒါကို တခြားအဖွဲ့အစည်းတွေက ကူးယူ အသုံးပြုနေကြခြင်းဟာ တကယ်တော့ ကျင့်ဝတ်နဲ့ မညီပါဘူး။

ခွပ်ဒေါင်းကို သဘောကျလို့ သုံးချင်တယ်ဆိုရင် မိမိတို့ဖာသာ ဒီဇိုင်းနာနှင့် ခွပ်ဒေါင်းအသစ်ကို ရေးဆွဲ အသုံးပြုသင့်တယ်လို့ အကြံပြုလိုပါတယ်။

အမျိုးသားဒီမိုကရေစီအဖွဲ့ချုပ်ရဲ့ ပါတီအလံပါ ခွပ်ဒေါင်းရဲ့ ထူးခြားချက်တချို့ကို ပြောပြပါရစေ။

၁။ ခွပ်ဒေါင်းရဲ့ သွင်ပြင်က ကြော့ရှင်းသွယ်ပြောင်းမှုကို အခြေခံပြီး မာန်အပြည့်နဲ့ဖြစ်ပါတယ်။ လေးထောင့်ကျတဲ့ မာဆတ်ဆတ်ပုံစံ မဟုတ်ပါ။

၂။ ခွပ်ဒေါင်းရဲ့ ဘယ်ညာ တောင်ပံတွေကို အပေါ်တောင်ပံ အောက်တောင်ပံအဖြစ် ထင်ရှားစွာ မြင်ရပါတယ်။

၃။ ခွပ်ဒေါင်းရဲ့ အပေါ်တောင်ပံက နှစ်ဆင့်ဖြစ်ပါတယ်။

၎။ တောင်ပံနှစ်ခုကြားမှာ အနားပြိုင်စတုဂံလေးတစ်ခုနဲ့ ချိတ်ထားပါတယ်။ အဲဒီ အနားပြိုင်စတုဂံလေးက အပိတ်မဟုတ်ပါ။ အပွင့်ဖြစ်ပါတယ်။

၅။ တောာင်ပံနှစ်ခုကြားက အနားပြိုင်စတုဂံလေးကနေ အမြီးဖက်ကို မျဉ်းကြောင်း သုံးကြောင်းဆွဲထားပါတယ်။

၆။ အမြီးက တကယ့်ကို ငှက်အတောင်ကဲ့သို့ သွယ်ပြောင်းတဲ့ပုံစံဖြစ်ပါတယ်။ သုံးဆင့်ဖြစ်ပါတယ်။ တချို့ပုံတွေမှာ မှားယွင်းပြီး လေးထောင့်အဖြစ် ဆွဲတာမျိုးတွေ ရှိပါတယ်။

၇။ အမြီးများမှာ ခွေးသွားစိတ်ကဲ့သို့ လေးထောင့်အချိုင့်လေးတွေ အချိုးညီစွာ ပါဝင်ပါတယ်။ အကွာအဝေးဟာလည်း ပုံနှင့်အချိုးကျဖြစ်ပါတယ်။ တချို့ပုံတွေမှာ ၄င်းခွေးသွားစိတ်များ၏ အစိတ်အကျဲပုံစံမမှန်ပါ။

၈။ ခွပ်နေသော ခြေထောက်မှာ ခြေလေးခြောင်းပါပါတယ်။ တချို့ပုံတွေမှာ မှားယွင်းပြီး ခြေနှစ်ခြောင်းပဲ ပါပါတယ်။

၉။ မြေကြီးကိုထောက်ထားသော ခြေထောက်မှာ ကြယ်ပွင့် ပုံစံဖြစ် ပါတယ်။ တော်တော်များများက အဲဒီကြယ်ပွင့်ကို သတိမထားမိပါ။ ဒီအတွက် ရေးဆွဲကြတဲ့အခါတိုင်း သာမန်ငှက်ခြေထောက်လို မှားယွင်း ရေးဆွဲကြလေ့ရှိပါတယ်။

ဒါဆိုရင်တော့ အမျိုးသားဒီမိုကရေစီအဖွဲ့ချုပ်ရဲ့ အလံဖြစ်တဲ့ တော်လှန်ရေးကြယ်ဖြူကြီးနဲ့ မာန်ပါတဲ့ခွပ်ဒေါင်းပုံကို ရှင်းရှင်းလင်းလင်း ခွဲခြားနိုင်ကြပြီလို့ ထင်ပါတယ်။

တခြားလူတွေ မှားကြတာမပြောပါနဲ့။ အမျိုးသားဒီမိုကရေစီအဖွဲ့ချုပ်မှာကိုပဲ ဒေါင်းပုံစံက တစ်ခါတလေမှာ ကွဲလွဲမှုဖြစ်တတ်ပါတယ်။ မူလဒေါင်းပုံ (ပန်းချီမောင်မောင်သိုက်)နဲ့ မတူတဲ့ ငှက်နဲ့ပိုတူတဲ့ ဒေါင်းခြေဒေါင်းတောင်တွေနဲ့ ပုံကိုလည်း ဦးထုပ်တွေ ရင်ထိုးတွေမှာ အသုံးပြုထားတာတွေ့ရလေ့ ရှိပါတယ်။ ပြက္ခဒိန်မှာ ဆိုရင်လည်း မူလပုံနဲ့ မူကွဲပုံ နှစ်မျိုးစလုံးကို အသုံးပြုနေကြတာကို တွေ့ရ ပါတယ်။ ဒါကြောင့် ဒီဇိုင်းနာများ ပါတီထောက်ခံသူများ ပါတီဝင်များအနေနဲ့ မူလခွပ်ဒေါင်းပုံကို သတိပြု အသုံးပြုကြပါလို့ တိုက်တွန်းလိုက်ရပါတယ်။

ရဲမင်းဦး
The Ladies News Journal
https://www.facebook.com/News.TheLadies