တရုတ်နိုင်ငံသား ၁၅၅ ယောက်နဲ့ နိုင်ကျဉ်းတချို့ လွတ်ငြိမ်းခွင့်နဲ့ ပြန်လည်လွတ်မြောက်

 တရားမ၀င် သစ်ခိုးထုတ်မှုနဲ့ မကြာခင်တုန်းကပဲ နှစ်ရှည် ထောင်ဒဏ်တွေ ချမှတ်ခံခဲ့ရတဲ့ တရုတ်နိုင်ငံသား ၁၅၅ ယောက်အပါအ၀င် အကျဉ်းသား ၇,၀၀၀ နီးပါးကို မြန်မာအစိုးရက ဒီကနေ့ ပြန်လွှတ်ပေးလိုက်ပါတယ်။ ဒီကနေ့ လွတ်ငြိမ်းချမ်းသာခွင့်နဲ့ ပြန်လွှတ်ပေးတဲ့ အကျဉ်းသားတွေထဲမှာ နိုင်ငံခြားသား အကျဉ်းသား ၂၁၀ ပါဝင်ပြီး ဒီအထဲမှာ တရုတ်နိုင်ငံသားတွေ ပါဝင်တယ်လို့ တရုတ်အစိုးရ အဆင့်မြင့်အရာရှိတဦး ပြောဆိုတာကို တရုတ်အစိုးရအာဘော် Xinhua သတင်းအေဂျင်စီက ဖော်ပြပါတယ်။

နှစ်နိုင်ငံ ချစ်ကြည်ရင်းနှီးမှုနဲ့ အတူ မိတ်ဘက် ဆက်ဆံရေး ထိန်းသိမ်းထားရှိနိုင်ဖို့နဲ့ လူမှုရေး ရှုထောင့် တို့ကနေ ခုလို ပြန်လွှတ်ပေးတာလို့ ရှုမြင်ရပြီး အခု ပြန်လွတ်လာတဲ့ တရုတ်နိုင်ငံသား တွေကိုတော့ ဒီကနေ့ ကြာသပတေးနေ့ကစပြီး နေရပ်ကို ပြန်ပို့ပေးမှာ ဖြစ်တယ်လို့လည်း တရုတ်သတင်းမှာ ဖော်ပြပါတယ်။ မြန်မာ ပြန်ကြားရေးဝန်ကြီးဌာန ကတော့ လူသားချင်း စာနာထောက်ထားတဲ့အနေနဲ့၊ အမျိုးသား ပြန်လည် စည်းလုံးညီညွတ်ရေး၊ နိုင်ငံရေး လုပ်ငန်းစဉ်တွေမှာ အားလုံးပါဝင်ခွင့် ရရှိစေရေးတို့အတွက် အကျဉ်းသား ၆,၉၆၆ ကို ဒီကနေ့ လွတ်ငြိမ်းချမ်းသာခွင့် ပေးလိုက်တဲ့အကြောင်း ထုတ်ပြန်ထားပါတယ်။

အခု ပြန်လွတ်လာသူတွေထဲမှာ ဘိုင်မွန်းတည့်နေ ဂျာနယ်က အယ်ဒီတာနဲ့ သတင်းထောက် ငါးဦးနဲ့အတူ နိုင်ငံရေး အကျဉ်းသား တဒါဇင်နီးပါး ပါဝင်သလို ဗိုလ်မှူးချုပ်ဟောင်း သန်းထွန်း အပါအ၀င် ထောက်လှမ်းရေး အရာရှိဟောင်း တချို့လည်း ပြန်လွတ်လာတယ်လို့ AAPPB နိုင်ငံရေးအကျဉ်းသားများ ကူညီစောင့်ရှောက်ရေးအသင်းက ပြောပါတယ်။

အခု ပြန်လွတ်လာတဲ့ တရုတ်နိုင်ငံသားတွေ ကတော့ ပြီးခဲ့တဲ့ ဇန်န၀ါရီလ တုန်းက တရုတ်-မြန်မာနယ်စပ်ဒေသမှာ တရားမ၀င် သစ်ခိုးထုတ်လုပ်မှုတွေနဲ့ ဖမ်းဆီးခံခဲ့ရပြီး ဒီလထဲမှာပဲ ထောင်ဒဏ် ၁၀ နှစ်ကနေ အနှစ် ၂၀ အထိ နှစ်ရှည် ထောင်ဒဏ်တွေ ချမှတ်ခံခဲ့ကြ ရသူတွေဖြစ်ပါတယ်။ ဒီလို နှစ်ရှည် ထောင်ဒဏ်တွေ ချမှတ်ခံခဲ့ရတဲ့ အပေါ်မှာ တရုတ်အစိုးရက ပြင်းပြင်းထန်ထန် ကန့်ကွက်ခဲ့တာလည်း ဖြစ်ပါတယ်။

ဗွီအိုအေ (မြန်မာပိုင်း)
http://burmese.voanews.com