ရွေးကောက်ပွဲနဲ့ ပြည်သူ့ဆန္ဒခံယူပွဲ ပူးတွဲကျင်းပဖို့ သူရဦးရွှေမန်း တိုက်တွန်း

 နိုင်ငံတော်သမ္မတ အရည်အချင်း သတ်မှတ်ချက်တွေထဲက ပုဒ်မ ၅၉ (ဃ)ကို အတည်ပြုဖို့အတွက် ပြည်လုံးကျွတ်ဆန္ဒ ခံယူပွဲကျင်းပရမှာဖြစ်ပြီး အဲဒီဆန္ဒခံယူပွဲကို ၂၀၁၅ ရွေးကောက်ပွဲနဲ့အတူ ပူးတွဲကျင်းပပေးဖို့ ပြည်ထောင် စုရွေးကောက်ပွဲ ကော်မရှင်ထံ အကြောင်းကြားသွားမှာဖြစ်ကြောင်း ပြည်ထောင်စုလွှတ်တော်နာယက သူရဦးရွှေ မန်းက ဒီနေ့ ပြောပါတယ်။

ပုဒ်မ ၅၉(ဃ) တစ်ခုတည်းအတွက် ပြည်လုံးကျွတ်ဆန္ဒခံယူပွဲကျင်းပမယ်ဆိုရင် နိုင်ငံတော်ဘဏ္ဍာငွေ အကုန်အကျ များမှာဖြစ်ပြီး အချိန်ကုန်မှာဖြစ်တဲ့ အတွက် ရွေးကောက်ပွဲနဲ့အတူ ပူးတွဲကျင်းပပေးဖို့ အကြောင်းကြားမှာဖြစ်တယ် လို့ ပြည်ထောင်စုလွှတ်တော် နာယကသူရဦးရွှေမန်းက ပြောပါတယ်။

"ပုဒ်မ ၅၉(ဃ) ကို ပြင်ဆင်နိုင်ရေးဆက်လက်ဆောင်ရွက်ရာမှာ ပြည်လုံးကျွတ် ဆန္ဒခံယူပွဲ သီးခြားလုပ်မယ် ဆိုရင် အချိန်၊ လုပ်အား၊ ဘဏ္ဍာငွေ အားလုံးထပ်မံ လိုအပ်ပါတယ်၊ ဒီကိစ္စကို ယခုနှစ် အောက်တိုဘာလကုန် သို့မဟုတ် နိုဝင်ဘာလ ဆန်းမှာ ကျင်းပပြုလုပ်မယ့် ၂၀၁၅ ခုနှစ် ပါတီစုံဒီမိုကရေစီ ရွေးကောက်ပွဲမှာ ပူးတွဲ ပြီး ဆောင်ရွက်ရင် အချိန်၊ လုပ်အား၊ ဘဏ္ဍာငွေ ကုန်ကျမှုတွေကို လျှော့ချနိုင်တဲ့အပြင် ဥပဒေအရ အကျိုး သက်ရောက်မှုကိုလည်း ထိခိုက်တဲ့ အခြေအနေ မရှိကြောင်း သုံးသပ်တွေ့ရှိရပါတယ်"

အရင်က ၂၀၀၈ ဖွဲ့စည်းပုံအခြေခံဥပဒေ ပုဒ်မ ၅၉(ဃ) မှာ နိုင်ငံရေး၊ အုပ်ချုပ်ရေး၊ စီးပွားရေးနဲ့ စစ်ရေးအမြင်ရှိရ မယ်လို့ ပြဌာန်းထားတာကို ပြီးခဲ့တဲ့ ဇွန်လ ၂၅ ရက်နေ့က ကာကွယ်ရေးအမြင်ဆိုတဲ့ စကားလုံးအဖြစ် ပြင်ဆင် ဖို့ ပြည်ထောင်စုလွှတ်တော်က အတည်ပြုလိုက်တာဖြစ်ပါတယ်။ ဖွဲ့စည်းပုံအခြေခံဥပဒေအရ အဲဒီပြင်ဆင်ချက်ကို လွှတ်တော်က အတည်ပြုတဲ့အပြင် လူထုဆန္ဒခံယူပွဲကျင်းပရမှာဖြစ်ပြီး မဲပေးခွင့်ရှိသူ အားလုံးရဲ့ ထက်ဝက်ကျော် က ထောက်ခံမှ ပြင်ဆင်နိုင်မှာဖြစ်ပါတယ်။

ဒီအတောအတွင်း၂၀၁၅ အထွေထွေရွေးကောက်ပွဲကြီးအပေါ် မြန်မာပြည်သူလူထု အနေနဲ့ ပြီးခဲ့တဲ့ ၂၀၁၂ ကြားဖြတ်ရွေးကောက်ပွဲတုန်းကလောက် စိတ်ဝင်စားမှု မရှိသလို တက်အားတက်ကြွမှုတွေလည်း သိပ်မတွေ့ရဘူး လို့ လေ့လာသူတွေက ပြောပါတယ်။

RFA Burmese
http://www.rfa.org/burmese