ထိုင်းနိုင်ငံရောက် မြန်မာရွှေ့ပြောင်းလုပ်သား ကိုယ်ဝန်ဆောင် မိခင်များ မွေးဖွားရန် ခွင့်မရ

ထိုင်းနိုင်ငံတွင် အလုပ်လုပ်နေသည့် မြန်မာ အမျိူးသမီး တစ်ဦးသည်သူ၏ သုံးလအရွယ်ကလေးကို အိပ်ဆေးတိုက်ပြီး မြန်မာနိုင်ငံတွင် နေထိုင်သည့် အမျိုးများဆီသွားပို့ပေးရန် အမျိုးသားတစ်ဦးကို ငှားရမ်းခိုင်းစေ ခဲ့သည်ဟုဆိုသည်။ သည်အချက်သည် အလုပ်ပြုတ်မည်ကို စိုးရိမ်စိတ်ဖြင့် အလုပ်လာလုပ်နေကြသော ကလေးအမေများတွင် ထုံးစံဖြစ်နေသော ဝန်ဆောင်မှုတစ်ခု ဖြစ်သည်။

ယခုအပတ်ဗုဒ္ဓဟူးနေ့ကထုတ်ပြန် ခဲ့သော ရွှေ့ပြောင်းလုပ်သားများကို သုတေသနပြုလုပ် စစ်တမ်းကောက် ယူနေသည့် ပညာရှင်များ၏ အစီရင်ခံစာသည် မဲခေါင်မြစ်ဝှမ်းရှိ နိုင်ငံခြောက်နိုင်ငံက ရွှေ့ပြောင်းအလုပ်သမားအမျိူးသမီး ၁၁၄ ဦး၏ ကျန်းမာရေးကို သုတေသနပြုခဲ့ခြင်းဖြစ်သည်။ အဆိုပါ စစ်တမ်းထုတ်ပြန်ချက်တွင် အမျိုးသမီးအများစုသည် အလုပ်တွင် ပြဿနာဖြစ်မည်ကိုစိုးရိမ်စိတ်ဖြင့် ကိုယ်ဝန်ဖျက်ချခြင်းနှင့် မွေးကင်းစကလေးငယ်ကို အိမ်ပြန်ပို့ခြင်းများကို မဖြစ်မနေလုပ်နေကြသည်ဟု ဆိုသည်။

“နိုင်ငံခြားမှာနေတုန်း ကိုယ်ဝန်ရှိတဲ့အခါ အလုပ်ကအထုတ်ခံရပြီး အိမ်ကိုပြန်ရမယ်လို့ လူအတော်များ များက ပြောပါတယ်” ဟု မဲခေါင်ရွှေ့ ပြောင်း အလုပ်သမားကွန်ရက်အတွက် အဆိုပါအစီရင်ခံစာကိုရေးခဲ့သူ ရဘက်ကာနပီယာမိုးက ပြောသည်။

ကလေးကို မြန်မာပြည်သို့ ခိုးပို့ရန် လူကုန်ကူးသူတစ်ဦးကိုငှားရမ်းခဲ့ သည့်အမျိူးသမီးမှာ အသက် ၂၀ သာ ရှိသေးသည်။ သူက ထိုင်းမလေးရှား နယ်စပ်ရှိ ငါးစည်သွတ်စက်ရုံတစ်ရုံ တွင် အလုပ်လုပ်နေသူဖြစ်သည်။ သူ၏ အလုပ်ရှင်က ကလေးကိုအလုပ်အတွင်း ခေါ်ခွင့်မပေးသလို ကလေးထိန်းလည်းမငှားနိုင်ဟု ပြောကြားသည်။

“အဲဒါကြောင့် ကလေးကို လူပွဲစားနဲ့မွန်ပြည်နယ်က ကျွန်မမိဘတွေဆီ ပြန်ပို့ရတာ။ ကလေးတစ်ယောက် အတွက် ပွဲစားကို ဘတ် ၅၀၀၀ (ဒေါ် လာ ၁၅၀)ပေးရတယ်” ဟုဆိုသည်။

အဆိုပါစစ်တမ်းကို ဦးဆောင်သု ထိုင်းအခြေစိုက် မက်ဖောင်ဒေရှင်းအုပ်စုမှ ဒါရိုက်တာ ဘရာဟန်ပရက်စ်က အဆိုပါ နည်းလမ်းသည် ထိုင်းတွင် အလုပ်လုပ်သော မြန်မာအမျိုးသမီးများက ၎င်းတို့ကလေးများကို အိမ်ပြန်ပို့နိုင်ရန် တွင်တွင်ကျယ်ကျယ် အသုံးပြုနေသော နည်းဖြစ်သည်ဟုဆိုသည်။

မဲခေါင်မြစ်ဝှမ်းဒေသနိုင်ငံများဖြစ်သည့် မြန်မာ၊ လာအို၊ ထိုင်း၊ ဗီယက် နမ်၊ ယူနန်နှင့် တရုတ် ဂွန်စီဒေသတို့မှာ သန်းနှင့်ချီသော ရွှေ့ပြောင်း အလုပ်သမားများသည် အလုပ်ရှာရှန် နယ်စပ်များကို ကျော်ဖြတ်ရောက်လာခဲ့ သည်။

ထိုင်းနိုင်ငံက အဆိုပါ အလုပ်ကြမ်းသမားများအတွက် အချက်အချာဖြစ်လာပြီး ၃ သန်း နီးပါးရှိသော တရားမဝင် အလုပ်သမားများ လာရောက်လုပ်ကိုင်နေကြသည်။ ၈၀ ရာခိုင်နှုန်းသည် မြန်မာအလုပ်သမားများ ဖြစ်သည်။ အရေအတွက်အားဖြင့် ၂ သန်း ခွဲနီးပါးက မြန်မာလုပ်သားများ ဖြစ်သည်။

ဘာသာစကား၊ ခွဲခြားဆက်ဆံခံရမှု၊ အဖမ်းခံရမည်ကို စိုးရိမ်မှုတို့ ကြောင့် အဆိုပါအလုပ်သမားအများ စုသည် ထိုင်းနိုင်ငံ၌ ဆေးကုသခွင့်မခံ ယူရဲကြပဲရှိသည်။

အဆိုပါ စစ်တမ်းအရ ဆောက်လုပ်ရေး၊ စိုက်ပျိူးရေး၊ အိမ်တွင်းအလုပ်၊ လိင်လုပ်ငန်းနှင့် ထုတ်လုပ်မှု လုပ်ငန်းများတွင် လုပ်ကိုင်နေသာ အမျိုးသမီးများကို တွေ့ဆုံမေးမြန်းခဲ့သည်။ ထိုအမျိုးသမီးများထဲမှ ၄၁ ရာခိုင်နှုန်းသည် တရားဝင်စာရွက်စာတမ်း မရှိကြသူများဖြစ်ကြောင်း သိရသည်။

ကိုယ်ဝန်ဆောင်အမျိုးသမီးများထဲမှ အနည်းစုသာ ကိုယ်ဝန်ဆောင်စဉ် ကျန်းမာရေးပြသခွင့် ရကြသည်။ ၅၇ ရာခိုင်နှုန်းသော အမျိုးသမီးများမှာ ကိုယ်ဝန်ဆောင်လျှင် ခွင့်မပေးသည့် နေရာများတွင် အလုပ်လုပ်နေကြရ သည်။

မြန်မာ အမျိုးသမီး လိင်လုပ်သားဟောင်းတစ်ဦးက သူတေသနပြုစုသူများကို ပြောကြားရာတွင် ထိုင်းအလုပ်ရှင်က သူမနှင့် လုပ်ဖော်ကိုင်ဖက် သူငယ်ချင်းကို မကျွမ်းကျင်သည့် လက်သည်ဆရာမနှင့် ကိုယ်ဝန်ဖျက်ချရန် မြန်မာနယ်စပ်သို့ ပို့ခဲ့သည်ဟုဆိုသည်။ ပေးရသောကိုယ်ဝန်ဖျက်ချခများကမူ ကိုယ်ဝန်မည်မျှ ရင့်သလဲဆိုသည်နှင့် ဆိုင်သည်ဟု အဆိုပါအမျိုးသမီးက ပြောသည်။

“တစ်လကိုယ်ဝန်ကို ဖျက်ချမယ်ဆိုရင် မြန်မာငွေတသောင်းလောက် ပေးရမယ်။ တချို့တွေကတော့ က လေးဖျက်ရင်း သေတာပဲ” ဟု ဆို သည်။

အဆိုပါ အစီရင်ခံစာအရ ၆၇ ရာ ခိုင်နှုန်းသော အမျိုးသမီးများမှာ အလုပ်ခွင်မှာ နေမကောင်းဖြစ်လျှင် ကုသရန် ကျန်းမာရေးအာမခံမရှိ၊ အခွင့်အရေးမရှိဟု သိရသည်။

KHTun
Ref : Alisa Tang - Reuters
The Ladies News Journal
https://www.facebook.com/News.TheLadies