မုန်တိုင်းနှင့်မီးတောင်ဘေး ဖိလစ်ပိုင်တာဝန်ရှိသူများ ပြင်ဆင်

တိုင်ဖုန်းမုန်တိုင်းနဲ့ မီးတောင်ဘေးရန်တွေရဲ့ ခြိမ်းခြောက်မှုကြောင့် ဖိလစ်ပိုင်အရာရှိတွေ မေ ၈ ရက်နေ့က ကြိုတင်ပြင်ဆင်မှုတွေ လုပ်နေပါတယ်။

နိုင်ငံရဲ့ အရှေ့မြောက်ဘက် ကမ်းရိုးတန်းဆီကို တိုင်ဖုန်းမုန်တိုင်း တလုံးက ဦးတည်လာနေပြီး အလယ်ပိုင်းခရိုင်တခုမှာတော့ မီးတောင်တလုံးက ပြာတွေ ရေနွေးငွေ့တွေကို မှုတ်ထုတ်နေတယ်လို့ အရာရှိတွေက မေ ၉ ရက်နေ့က ပြောပါတယ်။

တိုင်ဖွန်း နူအယ်လ်ဟာ စာမာခရိုင် အရှေ့ပိုင်း ဘိုရွန်ဂံမြို့ အရှေ့မြောက်ဘက် မိုင် ၃၀၀ အကွာမှာ ရောက်နေပြီး လေပြင်းက တနာရီ ၁၁၅ မိုင်နှုန်း ရှိနေတာပါ။ အဆင့်လေး မုန်တိုင်းအဖြစ် သီတင်းပတ်ကုန်ရက်မှာ ကုန်းတွင်းဝင်ရောက်မယ်လို့ ခန့်မှန်းထားပါတယ်။

မေ ၁၂ ရက်နေ့မှာတော့ ဂျပန်နိုင်ငံက အိုကီနာဝါ ကျွန်းဆီကို ဦးတည်ပြီး မုန်တိုင်း အားလျော့သွားမယ်လို့ မိုးလေဝသဗျူရိုက ပြောပါတယ်။

ပင်လယ်ပြင် လှိုင်းထန်နေလို့ အာဏာပိုင်တွေက သင်္ဘောတွေကို ရပ်ခိုင်းထားခဲ့တဲ့ အတွက် ထောင်နဲ့ချီတဲ့ ခရီးသည်တွေကတော့ ဖိလစ်ပိုင် အရှေ့ပိုင်းနဲ့ အလယ်ပိုင်းက ပင်လယ်ဆိပ်ကမ်းတွေမှာ သောင်တင်နေပါတယ်။

မိုးနဲ့မီးတောင် ပေါက်ကွဲမှုကြောင့် ရွှံ့မြေတွေ ပြိုကျတာ ရွှံ့တွေနဲ့အပျက်အစီး အပိုင်းအစတွေက မိုးရေနဲ့ ရောပြီး ချော်ရည်စီးကြောင်းတွေ ဖြစ်နိုင်တယ်လို့ အရာရှိတွေက သတိပေးထားပါတယ်။

အရာရှိတွေက စာသင်ကျောင်းတွေနဲ့ အားကစားရုံတွေကို ဒုက္ခသည်စခန်းအဖြစ် သုံးဖို့ ပုံစံထုတ်ထားပါတယ်။

မုန်တိုင်းကြောင့် မြေပြိုမှုနဲ့ ရုတ်တရက် ရေကြီးမှုဖြစ်နိုင်တယ်လို့ ခန့်မှန်းထားပါတယ်။ အစိုးရအရာရှိတွေက မုန်တိုင်းလမ်းကြောင်း တလျှောက်က ဒေသခံ ရုံးတွေကိုလည်း ဖုန်းခေါ်ဆိုမှု ဖုန်းမက်ဆေ့ခ်ျနဲ့ အီးမေးလ်တွေ ပေးပို့တပ်လှန့်ထားပါတယ်။

ဖိလစ်ပိုင်နိုင်ငံကို နှစ်စဉ် တိုင်ဖွန်းမုန်တိုင်း ပျမ်းမျှ အလုံး ၂၀ လောက် ဝင်လေ့ ရှိတာပါ။ လတ်တလောနှစ်တွေအတွင်း အဆိုးရွားဆုံး ဖြစ်ခဲ့တဲ့ စူပါ တိုင်ဖွန်း ဟိုင်ရန် ၂၀၁၃ခုနှစ်မှာ တိုက်ခတ်မှုကြောင့် လူအယောက် ၈၀၀၀ ကျော် သေဆုံးဒဏ်ရာရခဲ့ပါတယ်။

 By ဒီဗွီဘီ
http://burmese.dvb.no