မြေဧက ၃၀၀ ကျော်ကို ပိုင်ရှင်အား အသိမပေးဘဲ မြေသိမ်းမိန့်ဖြင့် အာဏာပိုင်များ အကွက်ရိုက်ရောင်းချ

မတ်ခ်ျလ ၃၁ ရက် ၂၀၁၅

တောင်ကြီးမြို့ အေးသာယာ စက်မှုဇုန်ရှိ လယ်သမား ၆၀ ကျော်ပိုင်ဆိုင်သော မြေဧက ရာနှင့်ချီအား စက်မှုဇုန် ၃ ဖော်ဆောင်ရန် အာဏာပိုင်များက မြေကွက်ရိုက် ရောင်းနေသဖြင့် လယ်ယာမြေပိုင်ရှင်များ နစ်နာမှုများစွာ ကြုံတွေ့ရနေကြောင်း ပြောဆိုနေပါသည်။

အေးသာယာစက်မှုဇုန် (၁၂) ရပ်ကွက်၌ ဒေသခံတောင်သူများပိုင် မြေယာဧက ၃၀၀ ကျော်အား အာဏာပိုင် များက ပုံစံ (၁၀၅) ၊ အနှစ်သုံးဆယ်ဂရမ်များဖြင့် ရောင်းချခြင်းဖြစ်ပါသည်။ အဆိုပါ စီမံကိန်းဖော်ဆောင်မှုမှာ လယ်သမားများ အတွက် နှစ်နာမှုများစွာရှိနေသည်ဟု လယ်ပိုင်ရှင် ၆၀ ကျော်က ပြောဆိုသည့် အပေါ် ယာယီ မြေသိမ်းမိန့်များရရှိထားပြီးဖြစ်သဖြင့် လယ်သိမ်းခြင်းဖြစ်ေ ကြာင်း အာဏာပိုင် များ က ပြောသည်ဟု ဒေသခံ တောင်သူဦးတင်ရွှေ ကပြောသည် ။

" ဒီစက်မှုဇုန်တွေမပေါ်ခင်ကတည်းက ကျနော်တို့ဘိုးဘွားစဉ်ဆက် စိုက်ပျိုးလာ တာ။ ခုကျနော်တို့ စိုက်ပျိုးမြေ တွေကို သက်ဆိုင်ရာက ဘယ်လိုပုံစံနဲ့သိမ်း သွားသလဲ ဘယ်တုန်းကသိမ်းသွားသလဲ ကျနော်တို့တောင် မသိ လိုက်ဘူး။ ကျနော်တို့ကိုလည်းအကြောင်းမကြားဘူး။ ကျနော်တို့တောင်သူ တွေအနေ နဲ့တော့ လယ်ယာမြေ တွေအသိမ်းခံရင် ဘ၀သေသွားတာပဲ။ ဘာမှအဓိပါယ်မရှိတော့ဘူး "ဟု ၄င်းကဆက်လက်ရှင်းပြသည် ။

ယင်းမြေဧက ၃၀၀ ကျော်မှာ သာယာကုန်း ၊မုံတ၀ ၊ နမ့်ကွတ်၊ စင့်ဟယ် ၊အောင်သပြေ၊ နောင်အင် ၊ ထနော့ ရွာများရှိ တောင်သူများက ပိုင်ဆိုင်ပြီး ပြောင်းဖူး၊ ပဲစင်းငုံ၊ ပန်းနှမ်း၊ ကြံတို့ကို ရာသီအလိုက် စိုက်ပျိုးကြ ကြပါသည်။
" မြေသိမ်းတာလည်းသူတို့ ပဲ ၊စုံစမ်းစစ်ဆေးရေးတွေလုပ်မှာလည်းသူတို့ပဲ၊ စီမံကိန်းတွေလာလုပ်မှာလည်း သူတို့ပဲ၊ ဆုံးဖြတ်ချက်ချမှာလည်းသူတို့ပဲ ဖြစ်နေ တော့တိုင်သမျှ အရာမထင်ဘူးဖြစ်နေ တယ် "ဟု ဦးတင်ရွှေမှ ထပ်လောင်းပြောကြား သည်။

တောင်သူများမှ ၄င်းတို့ပိုင်သောမြေယာများအား ကာလပေါက်ဈေးနှင့် အညီလျော် ကြေးပေးရန် စက်မှုဇုန်ဥက္ကဌ နှင့်ညှိနှိုင်းဖူးသော်လည်း ယနေ့အထိအကြောင်း ပြန်ခြင်းမရှိသေးကြောင်း တောင်သူများကဆိုသည်။

အလားတူသျှမ်းပြည်နယ် အစိုးရအဖွဲ့၊ နေပြည်တော်ရှိ မြေယာစီမံခန့်ခွဲရေးေ က်ာမတီ နှင့်မြေယာစုံစမ်းစစ် ဆေးရေး ကော်မရှင်အဖွဲ့သုိ့ထံလည်း ၂၀၁၂ ခုနှစ်မှ ၂၀၁၅ အထိ တိုင်ကြားခဲ့သော်လည်း ထူးခြားမှုမရှိသေး ကြောင်း ဒေသခံတောင်သူများကရှင်းပြသည်။

ယင်းမြေယာကိစ္စနှင့် ပတ်သက်၍ သျှမ်းပြည်နယ်အစိုးရအဖွဲ့အား တောင်ကြီးမြို့ပေါ်တွင် နှစ်ကြိမ်တိုင်တိုင် ဆန္ဒပြခဲ့ဖူးကြောင်း လည်းသိရှိရပါသည်။

သျှမ်းသံတော်ဆင့်/ယိင်းတိုင်း
https://www.facebook.com/Panglong.burmese

ဓါတ်ပုံ- မြေသိမ်းခံရ တောင်သူလယ်သမားများ