ဒီဥပဒေဟာ နိုင်ငံ တည်ငြိမ်ရေး အတွက် ဖြစ်တယ်လို့ ဝန်ကြီးချုပ် နာဂျစ်က ပြော။ |
အခုလို ပြင်ဆင် ထည့်သွင်းချက်တွေ အရ အနည်းဆုံး ထောင်ဒဏ် ၃ နှစ်ကနေ ထောင် အနှစ် ၂ဝ လောက်ထိ ပြစ်ဒဏ်တွေ ချလို့ရပါတယ်။
ကိုလိုနီခေတ် ကတည်းက ပြဋ္ဌာန်းခဲ့တဲ့ အဲဒီ နိုင်ငံတော် အကြည်ညို ပျက်စေမှု ဥပဒေကို အတိုက်အခံ လှုပ်ရှားသူတွေကို ဖိနှိပ်ဖို့အတွက် သုံးနေတာ ဖြစ်တယ်လို့ အတိုက်အခံတွေဘက်က ပြောပါတယ်။
မလေးရှား ဝန်ကြီးချုပ် နာဂျစ် ရာဇက်ကတော့ နိုင်ငံ တည်ငြိမ် အေးချမ်းရေးအတွက် ထိန်းထိန်း သိမ်းသိမ်း ရှိဖို့ လိုတယ်လို့ ပြောပါတယ်။
ကုလ သမဂ္ဂ လူ့အခွင့်အရေး မဟာမင်းကြီးကတော့ အစကတည်းက မကောင်းတဲ့ ဥပဒေဟာ အခုလို ပြင်ဆင်ချက်တွေကြောင့် ပိုဆိုးသွားပြီလို့ ပြောပါတယ်။
အချိန် အကန့်အသတ် မရှိ ချုပ်နှောင်နိုင်တဲ့ အကြမ်းဖက်မှု တားဆီးရေး ဥပဒေကို မလေးရှား လွှတ်တော်က အတည်ပြုပြီး ရက်ပိုင်းအတွင်းမှာ ဒီဥပဒေကို ပြင်ဆင်ချက်တွေ ထည့်သွင်းခဲ့တာ ဖြစ်ပါတယ်။
BBC Burmese
http://www.bbc.co.uk/burmese
မလေးရှား အကြည်ညိုပျက်စေမှု ဥပဒေ ပြစ်ဒဏ် ထပ်တိုး
Reviewed by သစ်ထူးလွင်
on
05:34
Rating: