တာချီလိတ်၌ ယာဉ်တိမ်းမှောက်မှု ဖြစ်ပွားရာမှ အမျိုးသမီးတစ်ဦး၏ ဦးခေါင်းအား ကားဘော်ဒီ ပိ၍ ပွဲချင်းပြီး သေဆုံး

ရှမ်းပြည်နယ်၊ အရှေ့ပိုင်းဒေသ တာချီလိတ်မြို့၊ ၀မ်လုံးကျေးရွာအုပ်စု တာချီလိတ် - ကျိုင်းတုံသွား ကားလမ်းမပေါ်တွင် မတ်လ(၂၂)ရက် ညပိုင်းက ယာဉ်တိမ်းမှောက်မှုဖြစ်ပွားပြီး အမည်မသိ အမျိုးသမီးတစ်ဦးမှာ ပွဲချင်းပြီး သေဆုံးသွားကြောင်း သိရသည်။

မတ်လ(၂၂)ရက် ည(၉)နာရီဝန်းကျင်အချိန်က တာချီလိတ်မြို့၊ ၀မ်လုံးကျေးရွာအုပ်စု၊ တာချီလိတ် - ကျိုင်းတုံသွား ကားလမ်းမပေါ် ၀မ်ကျောက်လုံ ပြည်သူ့စစ်စခန်းရှေ့ လမ်း၏ ယာဘက်ခြမ်းတွင် ယာဉ်တိမ်းမှောက်မှု ဖြစ်ပွားခဲ့ရာ ISUZU အမျိုးအစား အနက်ရောင် မော်တော်ကားတစ်စီးသည် ပက်လက်လန်မှောက်လျှက် အနေအထားဖြင့် တွေ့ရှိရပြီး ယာဉ်၏ ယာဘက်ခြမ်း ဘော်ဒီနှင့် ဦးခေါင်းပိလျက် သေဆုံးနေသည့် အမျိုးသမီးတစ်ဦးမှာ အသက်(၂၀)၀န်းကျင်ခန့်သာရှိပြီး အမည်နှင့်နေရပ်လိပ်စာ မသိရသေးကြောင်း တာချီလိတ်ယာဉ်ထိန်းရဲတပ်ဖွဲ့မှ သိရသည်။

အဆိုပါ ဖြစ်စဉ်နှင့် ပတ်သက်၍ တာချီလိတ်ယာဉ်ထိန်းရဲတပ်ဖွဲ့မှ ယာဉ်အား မဆင်မခြင် မောင်းနှင်ပြီး လူအားသေဆုံးစေခဲ့သူ ယာဉ်မောင်းအား ဖမ်းဆီးရမိရေးအတွက် စုံစမ်းဖော်ထုတ်နေလျက်ရှိပြီး တာချီလိတ်မြို့မရဲစခန်းတွင် ယာဉ်(ပ) ၁၇/၂၀၁၅၊ ပြစ်မှုပုဒ်မ ၃၀၄(က)ဖြင့် အမှုဖွင့်လှစ်ထားရှိကြောင်း သိရှိရသည်။

http://www.tachileik.net
Tachileik Online News ( www.tachileik.net )