 |
| လက်ပံတန်းမြို့မှာ ရဲတပ်ဖွဲ့က ပိတ်ဆို့ထားရတဲ့ ပင်မသပိတ်စစ်ကြောင်းကို မတ်လ ၄ ရက်နေ့က တွေ့ရစဉ်။ Photo: Kyaw Zaw Win, Myo Thant Khaing/RFA |
သူတို့ကို အခုလိုဆောင်ရွက်လာတာ ဟာ ဖြတ်လေးဖြတ် စစ်ဆင်ရေးနဲ့တူနေပြီလို့ ဗမာနိုင်ငံလုံး ဆိုင်ရာကျောင်းသားသမဂ္ဂများအဖွဲ့ချုပ် တွဲဘက်အတွင်းရေးမှူး ကိုမင်းသွေးသစ်က RFA ကို ပြောပါတယ်။
"ကျနော်တို့သပိတ်စစ်ကြောင်းကို ပြင်ပကနေပြီးတော့ အစားအသောက်တွေပေးဖို့လာတာပဲဖြစ်ဖြစ်၊ ကျနော်တို့ ကျောင်းသားတွေနဲ့ တွေ့ဖို့လာတာပဲဖြစ်ဖြစ် သူတို့ကလက်မခံတာ၊ အလှူရှင်ဆီက နာမည်တွေ မှတ်ပုံတင်နံပါတ်တွေတောင်းတာ အမှန်ဆိုမလိုအပ်ဘူးပေါ့၊ ကျနော်တို့ကိုလှူသလိုမျိုးပေါ့ ရဲတပ်ဖွဲ့ကို လာလှူနေတဲ့အလှူရှင်တွေရှိပါတယ်၊ ဘာပဲဖြစ်ဖြစ် ပြည်သူကကျောင်းသားကို ဂရုဏာစိတ်နဲ့ ပူးပေါင်း ပါဝင်ချင်တဲ့ဟာကို အစိုးရအနေနဲ့ သူတို့ရဲ့လုပ်ပိုင်ခွင့်အာဏာသုံးပြီးတော့ ဒီဟာကိုဖြတ်တောက်နေ တယ်လို့ ကျနော်တို့မြင်တယ်၊ စစ်ရေးအမြင်နဲ့ သပိတ်စစ်ကြောင်းက ကျောင်းသားတွေအပေါ်မှာ ဆက်ဆံနေတယ်၊ ဖြတ်လေးဖြတ်နဲ့ ဆက်ဆံနေတယ်ပေါ့ အဲ့လိုမျိုးကျနော်တို့ကမြင်တယ်၊ ဒါအစိုးရအနေ နဲ့ မလုပ်သင့်တဲ့ကိစ္စဖြစ်တယ်"
မနေ့ညကဆိုရင် ဂီတပညာရှင် မဇ္ဈိမလှိုင်းဦးရဲလွင်နဲ့ ပန်းရဲ့လမ်းအဖွဲ့ဝင်တွေ၊ဒေါက်တာသိန်းလွင် ဦးဆောင်တဲ့ NNER ပညာရေးကွန်ရက်အဖွဲ့ဝင်တွေနဲ့ လူ့ဘောင်သစ်ဒီမိုကရက်တစ်ပါတီ ခေါင်းဆောင်တချို့ ကျောင်းသားတွေ ဆီသွားတွေ့တာကို ပဲခူးတိုင်းနယ်စပ်ရေးရာ လုံခြုံရေးဝန်ကြီးက တားမြစ်ခဲ့ပြီး ကျောင်းသားတွေဘက်က အပြင်းအထန်တောင်းဆိုမှ တွေ့ခွင့်ပြုတယ်လို့ဆိုပါတယ်။
အစိုးရက ကျောင်းသားတွေ သပိတ်ရပ်ပြီးအိမ်ပြန်ကြဖို့ကိုပဲ တောင်းဆိုနေတဲ့အတွက် ကျောင်းသား တွေကလည်း အစိုးရရဲ့ဆန္ဒကို လိုက်လျောဖို့အတွက် သပိတ်ကိုရပ်နားပေးလို့ရနိုင်မယ့် အခြေအနေ တရပ်ကိုရည်ရွယ်ပြီး ရန်ကုန်မှာ သပိတ်ရပ်အခန်းအနားနဲ့ ရပ်မယ်ဆိုတဲ့ အချက် ၈ ချက်ပြန်လိုက် လျောဖို့ အစိုးရကိုတောင်းဆိုထား ပါတယ်။
ဒါပေမယ့် အစိုးရကမလိုက်လျောပဲ ကျောင်းသားတွေကို ဖိအားပေးနေတာလို့ဆိုပါတယ်။
RFA Burmese
http://www.rfa.org/burmese
ကျောင်းသားသပိတ် ကို ဖြတ်လေးဖြတ်နည်းသုံးနေ ပြီလားလို့ မေးခွန်းထုတ်
Reviewed by သစ်ထူးလွင်
on
14:13
Rating:
Reviewed by သစ်ထူးလွင်
on
14:13
Rating:
