နိုင်ဂျီးရီးယား ရွေးကောက်ပွဲအဖြေ ဒီနေ့ထွက်လာဖို့ရှိ

နိုင်ဂျီးရီးယား နိုင်ငံရဲ့ သမ္မတ ရွေးကောက်ပွဲမှာ ဘယ်သူ အနိုင်ရလဲ ဆိုတာကို ဒီနေ့ အမီ ကြေညာပေးနိုင် ဖို့ မျှော်လင့်ထားကြောင်း နိုင်ဂျီးရီးယား ရွေးကောက်ပွဲ ကော်မရှင် ဥက္ကဌက ဆိုပါတယ်။

စနေနေ့ ရွေးကောက်ပွဲတုန်းက မဲဆန္ဒရှင်တွေရဲ့ သက်သေခံ ကတ်ပြားတွေကို စစ်တဲ့ စက်တချို့ ချို့ယွင်းမှု တွေ ဖြစ်ခဲ့လို့ မဲ မပေးလိုက်ရသူတွေအတွက် အချိန် တစ်ရက် ထပ်တိုးပြီး မနေ့ကအထိ နိုင်ဂျီးရီးယား ရွေးကောက်ပွဲကို ကျင်းပခဲ့တာ ဖြစ်ပါတယ်။

ဒီလို ကြန့်ကြာခဲ့မှုတွေ ဖြစ်ခဲ့တဲ့အပေါ် ဝေဖန်နေသူတွေကို ရွေးကောက်ပွဲ
ကော်မရှင် ဥက္ကဌ အာတာဟီးရူး ဂျေးဂါးက စက်ပေါင်း ၁ သိန်းခွဲမှာ အလုံးပေါင်း ၃၇၄ လုံးပဲ ချို့ယွင်းခဲ့တာ ဖြစ်တယ်ဆိုပြီး ပြန်လည် တုန့်ပြန် ခဲ့ပါတယ်။

နိုင်ဂျီးရီးယား နိုင်ငံရေး သုံးသပ်သူတွေ အတွက် ဒီ ရွေးကောက်ပွဲမှာ အဓိက ပြိုင်ဘက် ၂ ဦး ဖြစ်တဲ့ လက်ရှိ သမ္မတ ဂွဒ်လပ်ခ် ဂျွန်နသန် နဲ့ စစ်ခေါင်းဆောင်ဟောင်း မိုဟာမက်ဒ်ဒူ ဘူဟာရီတို့ ဘယ်သူ နိုင်မလဲဆိုတာ အပြတ် မပြောနိုင် ဖြစ်နေပါတယ်။

ရွေးကောက်ပွဲကို စောင့်ကြည့် လေ့လာခဲ့တဲ့ အာဖရိက နိုင်ငံများ သမဂ္ဂအဖွဲ့က နိုင်ဂျီးရီးယား ရွေးကောက်ပွဲ ဟာ ခြုံငုံပြီး ပြောရရင် ငြိမ်းငြိမ်းချမ်းချမ်း နဲ့ ကျင်းပနိုင်ခဲ့တယ် ဆိုပြီး ချီးကျုးလိုက်ကာ ထွက်ပေါ်လာမယ့် ရွေးကောက်ပွဲ ရလာဒ်ကိုလည်း ပြည်သူတွေက လက်ခံကြဖို့ တိုက်တွန်းထားပါတယ်။

BBC Burmese
https://www.facebook.com/bbcburmese