Marcia မုန်တိုင်းကြောင့် ပျက်စီးမှုနဲ့ မီးပြတ်တောက် မှုဖြစ်နေ

သြစတြေးလျနိုင်ငံ ​မြောက်ပိုင်း ​ကွင်းစလန်းပြည်နယ်မှာ ​Marcia ​ဆိုင်ကလုန်း ​ဝင်ရောက်နေတဲ့အတွက် ​လျှပ်စစ်မီး ​ပြတ်တောက်မှုတွေ၊ ​ရေကြီးမှုတွေနဲ့ ​နေအိမ်ပျက်စီးမှုတွေ ​ဖြစ်နေပါတယ်။

မုန်တိုင်း ​အဆင့် ​၅ ​ရှိတဲ့ ​ဆိုင်ကလုန်း ​Marcia ​ဟာ ​ဒီမနက်မှာပဲ ​Rockhampton ​မြို့နားကို ​ဝင်ရောက်ပြီး ​ပြင်းအားအနေနဲ့ ​တစ်နာရီကို ​လေတိုက်နှုန်း ​၂၉၅ ​ကီလိုမီတာ ​အထိ ​ရှိခဲ့ပါတယ်။ ​ညတုန်းကပဲ ​အပြင်းထန်ဆုံးဖြစ်တဲ့ ​မုန်တိုင်း ​အဆင့် ​၅ ​ကို ​ရောက်ရှိသွားတာပါ။

ဒါကြောင့် ​မုန်တိုင်း ​သွားလာနိုင်တဲ့ ​ဒေသက ​အိမ်ခြေ ​တစ်ထောင်ကျော်လောက်သာ ​အချိန်မှီ ​ပြောင်းရွှေ့နိုင်ပြီး ​တခြားလူတွေကိုတော့ ​အိမ်ထဲမှာပဲ ​နေဖို့ ​ပန်ကြားထားပါတယ်။

အိမ်ထဲမှာ ​နေရင်လည်း ​အလုံခြုံဆုံးလို့ ​ထင်ရတဲ့ ​နေရာမှာ ​ခိုလှုံဖို့ ​အစိုးရက ​တိုက်တွန်းထားပါတယ်။

အခုလောလောဆယ် ​မုန်တိုင်း ​အဆင့် ​၃ ​မှာ ​ဆက်လက်ရှိနေပြီး ​စိန်လောရင့်စ်နဲ့ ​အနီးအနား ​တစ်ဝိုက်ကို ​ဝင်ရောက်နိုင်တယ်လို့ ​သိရပါတယ်။

၂၄ ​နာရီအတွင်း ​မိုးတွေ ​အကြီးအကျယ် ​ရွာသွန်းနိုင်သလို ​လှိုင်းလုံးကြီးတွေ၊ ​လျှပ်တပြတ်ရေကြီးမှုတွေ ​ဖြစ်နိုင်တယ်လို့ ​သတိပေးထားပါတယ်။

အခုလောလောဆယ် ​ကွင်းစလန်းပြည်နယ် ​Gold ​Coast ​က ​ကမ်းခြေတွေကို ​ပိတ်ချထားသလို ​လမ်းတွေမှာလည်း ​ရေကြီးမှုတွေ ​ဖြစ်ပေါ်နေပြီ ​ဖြစ်ပါတယ်။

Bungundarra ​မှာဆိုရင် ​၉၀% ​သော ​သစ်ပင်တွေ ​ပြိုလဲကုန်သလို ​တချို့အိမ်တွေလည်း ​ပျက်စီး ​သွားတယ်လို့ ​သိရပါတယ်။

စာသင်ကျောင်းပေါင်း ​ရာနဲ့ချီကိုလည်း ​ပိတ်ချထားရသလို ​အိမ်ပြင်ထွက်လို့ ​ရပြီဆိုတဲ့ ​ကြေညာချက်တွေ ​မထွက်မချင်း ​အိမ်ပြင်ကို ​မထွက်ကြဖို့ ​သတိပေးထားပါတယ်။

မုန်တိုင်း ​ငြိမ်သက်သွားပြီ ​ဆိုတာနဲ့ ​အကူအညီပေးဖို့အတွက် ​စစ်သားနဲ့ ​တခြား ​ပြည်နယ်က ​အရေးပေါ် ​အမှုထမ်းတွေကလည်း ​အဆင်သင့် ​စောင့်ဆိုင်းနေကြပြီ ​ဖြစ်ပါတယ်။

ABC Radio Australia
http://www.radioaustralia.net.au/burmese/2015-02-20/1417215