မူစယ် -နမ့်ခမ်း ကားလမ်းမ ဘေး၌ ဗုံးတစ်လုံး ထပ်မံ ပေါက်ကွဲ

ဖေဖော်ဝါရီလ ၂၂ ရက် ၂၀၁၅

သျှမ်းပြည်မြောက်ပိုင်း မူစယ်ခရိုင် ဆိုင်းခေါင်ကျေးရွာအနီး လွယ်ကြူလောက် တောင်ခြေ၌ ၁၈ ရက် ညနေ ၄ နာရီအချိန်က ဗုံးတစ်လုံးပေါက်ကွဲပြီး ကင်းလှည့်နေသော တပ်မ(၈၈)မှ စစ်သားတစ်ချို့ ထိခိုက် ဒဏ်ရာရရှိ ကြောင်း ဒေသခံများကဆိုသည်။

ယခုပေါက်ကွဲမှုမှ အစိုးရစစ်တပ်မှ (၇) ဦးထက် မနဲ ထိခိုက် ဒဏ်ရာ ရရှိခဲ့ကြောင်း တရုတ်နိုင်ငံ ရွှေလီမြို့ရောက် ဆိုင်းခေါင်ကျေးရွာဒေသခံ ပါ့နန်းပီး ကဆို သည်။

“ ပေါက်ကွဲမှုက တော်တော်ပြင်းတယ်၊ မြေကြီး တောင်တုန် သွားတယ်၊ ပေါက်ပေါက်ပြီးချင်း ဗမာစစ်သား တွေက နာရီဝက်လောက် တောင်ပေါ်နဲ့ လယ်ကွင်းထဲကိုသေနတ်နဲ့ ရမ်းပစ်ကြတယ်၊ ပေါက်ကွဲမှု အပြီး ဒဏ် ရာ အပြင်းအထန်ရတဲ့ စစ်သားနှစ်ယောက်ကို မူစယ်ဆေးရုံကို သယ်သွားတာတွေ့ရတယ် ” ဟု ၄င်းက ပြော သည်။

အဆိုပါဗုံးပေါက်ကွဲမှုအပြီး စယ်လန့်ကျေးရွာ တံငါသည် နှစ်ဦး နှင့် လွယ်ကြူလောက် တောင်ခြေ ၌ အလုပ် လုပ် နေသော လူ သုံးဦး တို့ကို အစိုးရစစ်တပ်ကဖမ်းဆီးသွားပြီး ရိုက်နှက်စစ်ဆေးခဲ့ကြောင်း အမည်မဖော်လိုသည့် စယ်လန့် ကျေးရွာ အုပ်ချုပ်ရေးမှူးနှင့် နီးစပ်သောသူတစ်ဦးကဆိုသည်။

“ဗုံးပေါက်တဲ့ ချောင်းနားမှာ စယ်လန့်ရွာသား နှစ်ဦးက ဘက်ထရီနဲ့ ငါး(short) တိုက်နေတာလေ။ ဗမာစကား လည်း မပြောတတ်တော့ သေနတ်ဒင် နဲ့ထုခံရတာလေ ၊ ဒဏ်ရာတော့ သိပ်ပြင်းပြင်းထန်ထန်မရဘူး၊ သူတို့ ကျေးရွာအုပ်ချုပ်ရေးမှူးက မြန်မြန်ရောက်လာလို့ ပြန်လွှတ်ပေးလိုက်တယ် ” ဟု ၄င်းက သျှမ်းသံတော်ဆင့် အား ပြောသည်။

ယခု ဗုံးပေါက်နေသော ဒေသမှာ အစိုးရတပ်မ(၈၈) ၊ ဌာနေ ပြည်သူ့စစ်များနှင့် တိုင်းရင်း လက်နက်ကိုင် တပ်များ လှုပ်ရှားရာ နေရာများဖြစ်သည်ဟု ဒေသခံများ ထံမှ သိရသည်။

၎င်းအနီးတဝိုက်၌ စက်တင်ဘာလ ၁၁ ရက်နေ့ ၂၀၁၄ မူစယ် သျှမ်းနှစ်သစ်ကူး ပွဲတော်နေ့တွင် ပထမ အကြိမ် ပေါက်ကွဲပြီးနောက် ယခု ပေါက်ကွဲသည် ဒုတိယအကြိမ် ပေါက်ကွဲမှုဖြစ်ပါသည်။ ထိုစဉ်ပေါက်ကွဲမှုတွင် အစိုးရ စစ်တပ် ယာဉ်တန်းပေါ်မှ တပ်သား တစ်ဦး ထိခိုက် ဒဏ်ရာ ရရှိ ခဲ့ပါသည်။

သျှမ်းသံတော်ဆင့် / စိုင်းတိုင်း
https://www.facebook.com/Panglong.burmese