မြန်မာနိုင်ငံ အလယ်ပိုင်းက ရှေးဟောင်းမြို့တော် ပုဂံကို ကမ္ဘာမှာ ဒုတိယ ထိပ်တန်းမြို့ အဖြစ် ဗြိတိန်အခြေစိုက် Wanderlust ခရီးသွား မဂ္ဂဇင်း စာဖတ်သူတွေက ရွေးချယ်လိုက်ပါတယ်။
၁၀ ရာစုနဲ့ ၁၄ ရာစုကြား ဆောက်လုပ်ထားတဲ့ စေတီပုထိုးနဲ့ ဘုရားကျောင်းကန် ၂၀၀၀ ကျော်ရှိတဲ့ ပုဂံကို ထိပ်တန်းမြို့စာရင်းအောက်မှာ ရွေးချယ်ခံခဲ့ရတာ ဖြစ်သလို ပထမက လာအိုနိုင်ငံ လုံဘရားဘန်မြို့ကို ရွေးချယ်ခဲ့ပြီး ဆွီဒင်မြို့တော် စတော့ဟုမ်းကို တတိယနေရာမှာ ရွေးချယ်ထားပါတယ်။
 |
| လုံဘရားဘန်မြို့ |
 |
| စတော့ဟုမ်း |
ထိပ်တန်းနိုင်ငံ စာရင်းမှာတော့ မြန်မာက နံပါတ် ၉ နေရာမှာ ရပ်တည်နေပြီး ထိုင်း၊ အိန္ဒိယ၊ ဗီယက်နမ်နဲ့ နယူးဇီလန် အထက်မှာ ရပ်တည်နေပါတယ်။
အကောင်းဆုံးလေကြောင်းလိုင်းအဖြစ် စင်ကာပူလေကြောင်းလိုင်းကို ရွေးချယ်ထားသလို အကောင်းဆုံးလေဆိပ် အဖြစ် စင်ကာပူ ရှန်ဂီလေဆိပ်ကို ရွေးချယ်ထားပါတယ်။
၁၉၉၃ ခုနှစ်က စတင်ထုတ်ဝေခဲ့တဲ့ တနှစ်ကို ၁၀ ကြိမ်ထုတ်တဲ့ Wanderlust ခရီးသွား မဂ္ဂဇင်းကို နိုင်ငံ ၁၂၀က လူ ၁ သိန်းကျော် စာရင်းပေးဖတ်ရှုကြတယ်လို့ မဂ္ဂဇင်း အင်တာနက် စာမျက်နှာမှာ ရေးပါတယ်။
၂၀၁၅ ခုနှစ်အတွက် ချစ်သူကို အဖြေပေးဖို့ ကမ္ဘာမှာ အကောင်းဆုံး နေရာ စာရင်း နံပါတ် ၁ မှာ မြန်မာနိုင်ငံမှာ ရှိတဲ့ ပုဂံကို ကမ္ဘာ့အကြီးဆုံး ခရီးသွား လမ်းညွန်ကို ထုတ်ဝေတဲ့ Lonely Planet က ရွေးချယ်လိုက်ပါတယ်။
ဒါပေမယ့်လည်း ၁၉၉၀ ခုနှစ်နောက်ပိုင်း စစ်အစိုးရက လုပ်ဆောင်ခဲ့တဲ့ ညံ့ဖျင်းတဲ့ ပြန်လည် တည်ဆောက်မှုတွေကြောင့် ကုလသမဂ္ဂပညာရေး၊ သိပ္ပံနဲ့ ယဉ်ကျေးမှုအဖွဲ့ (ယူနက်စကို)ရဲ့ ကမ္ဘာအမွေအနှစ် စာရင်းမှာတော့ ပုဂံကို ထည့်သွင်းထားခြင်းမရှိပါဘူး။
By ကိုထွေး (ဒီဗွီဘီ)
http://burmese.dvb.no/archives/80071
ကမ္ဘာ့ ဒုတိယထိပ်တန်းမြို့အဖြစ် ပုဂံကို ရွေးချယ်
Reviewed by သစ်ထူးလွင်
on
20:52
Rating:
Reviewed by သစ်ထူးလွင်
on
20:52
Rating:
